Bændablaðið - 03.05.2012, Blaðsíða 28

28 Bændablaðið | fimmtudagur 3. maí 2012
G arðyrkjubændur eru nú í óða önn við undirbúning fyrir sumarræktunina. Blaðamaður gerði sér ferð fyrir skemmstu í uppsveitir Árnessýslu og fann að þar liggur sumarið í loftinu og ýmissa grasa kennir; bæði úti í jarðvinnunni en kannski
ennþá fyrst og fremst í uppeldinu innandyra í gróðurhúsum garðyrkjustöðvanna.
Í uppsveitum Árnessýslu eru gjöfulustu grænmetislendur á Íslandi, en rétt tæplega 80%
allrar grænmetisframleiðslu eiga sér stað á Flúðum, í Reykholti og í Laugarási – og sveitunum
þar í kring.
Á síðustu árum hafa afurðir íslenskra garðyrkjubænda átt vaxandi velgengni að fagna og ljóst
er að neytendur velja í auknum mæli íslenskt umfram innfluttar vörur – séu þær í boði. Hlutfall
innlendrar grænmetisframleiðslu hefur þannig vaxið jafnt og þétt sl. áratug og er nú svo komið
að um 45 prósent af heildarneyslu á grænmieti á Íslandi er þeirra. Það er því tilhlökkunarefni
fyrir fjölmarga þegar grillir í það sem koma skal með fyrstu uppskeru jarðargróðans í sumar.
Á síðasta ári var langmest framleitt af kartöflum á Íslandi. Síðan koma tómatar, gúrkur, gul-
rófur og gulrætur.
Þá eru víða vaxtarsprotar í ýmsum tegundum ávaxta- og berjaræktunar á þessu svæði – og
raunar um land allt – sem vert er að fylgjast með og verður þess varla lengi að bíða að Ís-
lendingar nái einnig markverðum árangri í þeirri tegund ræktunar. TEXTI OG MYNDIR SMH
Garðyrkjustöð Sigrúnar á Flúðum Hjónin Sigrún H. Pálsdóttir og Þröstur Jónsson eru meðal stærstu hvítkálsframleiðenda landsins. Þau eru eingöngu í útiræktun og eru auk hvítkálsins með blóm-, rauð- og
spergilkál. Hér að ofan er Þröstur að plægja en Sigrún hugar að hvítkálsuppeldinu á myndinni fyrir neðan.
Vorverk garðyrkjubænda í uppsveitum Árnessýslu
Jarðvegurinn undirbúinn
Melar á Flúðum Guðjón Birgisson við blómkálsplönturnar sínar. Þau hjónin, Guðjón og Sigríður
Helga Karlsdóttir, framleiða mest allra tómataframleiðenda á Íslandi og voru fyrst allra í Evrópu,
til að lýsa tómataplöntur í gróðurhúsi.
Gilsbakki á Flúðum Einn fárra kúrbítsræktenda sem eitthvað kveður að á Íslandi. Þar ræður ríkjum Árni
Magnús Hannesson. Það verður varla langt þangað til þessi fallegi kúrbítur kemur á markað.