Bændablaðið - 03.05.2012, Síða 47

47Bændablaðið | fimmtudagur 3. maí 2012
Vélabásinn
Piaggio hin eina sanna VESPA:
Skemmtilegt að skoða
bæinn á vespu
Fyrir nokkrum dögum var opnuð
ný mótorhjólabúð á Kleppsvegi
152, sem nefnist Reykjavík Motor
Center og er með fjölmörg umboð
fyrir mótorhjól, fylgihluti og
klæðnað, en þekktustu mótor-
hjólavörumerkin eru m.a. Harley
Davidson, BMW, Moto Guzzy,
Aprilia og Piaggio vespur. Í
Reykjavík Motor Center er einnig
mótorhjólaleigan Biking Viking
og vespuleigan Lundavespur
ásamt verkstæði fyrir mótorhjól.
Reykjavík Motor Center er í raun
nokkur fyrirtæki úr mótorhjóla-
geiranum sem eru að sameinast
í eitt stórt fyrirtæki.
Piaggio 50 cc VESPA
Fyrir nokkrum vikum síðan prófaði
ég Piaggio 50 cc vespu í nokkra
daga til og frá vinnu. Þrátt fyrir
mikla karlrembu verð ég að viður-
kenna að það er mun skemmtilegra
að skoða bæinn á Vespu en ég hélt.
Það eina sem ég var hræddur við
voru stofnbrautirnar þar sem er 80
km hámarkshraði, en mér til happs
var svarta þoka fyrsta morguninn
sem ég var á ferðinni og hélt ég
hefðbundnum umferðarhraða þann
morguninn.
Á leiðinni heim hélt ég mig
meira á götum þar sem hrað-
inn er ekki mikill og upp brekk-
una á Bústaðaveginum fram hjá
Slökkvistöðinni hélt vespan 45 km
hraða, sem ég hafði ekki búist við
þar sem mótorinn er ekki nema 50
cc (og kallinn tæp 100 kg). Daginn
eftir var ausandi rigning, en það
tók góðan tíma að finna regngalla
og fyrir vikið var ég fullseinn út
í umferðina, sem var mun þyngri
og enn hægari en daginn áður
svo að áhyggjur af hraðri umferð
voru óþarfar. Eftir rigninguna um
nóttina, þar sem vespan stóð úti,
hafði einhvern veginn komist móða
inn undir mælaborðið. Þetta stað-
festir bara það sem allir reyndir
mótorhjólamenn segja, að mótor-
hjól fari ekki vel á að standa úti
í íslenskri veðráttu og það sem er
100% vatnshelt í útlöndum er það
ekki á Íslandi. Eftir 55 km akstur á
vespunni var hún fyllt af bensíni og
virtist eyðslan mín hafa verið 1,4
lítrar á þessum 55 km, eða um 2,7
lítrar á hundraðið.
Rekstarkostnaður 7.500 kr.
á mánuði
Miðað við 12 mánuði með 15
km akstri á dag til og frá vinnu
og tryggingum deilt á mánuðina,
sýnist mér rekstrarkostnaður á mán-
uði vera mjög nálægt 7.500 krónum
(er nálægt 30.000 á heimilisbílnum
mínum). Nokkrar vespur eru til á
lager hjá Reykjavík Motor Center
og er ódýrasta vespan á 460.000, en
sú dýrasta í búðinni er á 595.000.
„Elstu Piaggio vespurnar mínar
hafa aldrei bilað“
Til að fræðast örlítið betur um
vespur átti ég stutt spjall við Soffíu
Jóhannesdóttur, sem hefur rekið
Lundavespur frá árinu 2008 og er
einn af eigendum Reykjavík Motor
Center. Soffía byrjaði með nokkrar
kínverskar vespur og tvær Piaggio
vespur. „Elstu Piaggio vespurnar
mínar hafa aldrei bilað og reynslan
af þeim er það góð að ég einfaldlega
skipti alfarið yfir í Piaggio.
Núna í maí verður útgerðin hjá
mér rekin héðan frá Reykjavík Motor
Center, en í júní til ágúst verð ég með
útibú niðri á bryggju (rétt hjá hval-
bátunum) eins og undanfarin ár. Það
kom mér á óvart að um 80% af við-
skiptavinum mínum eru Íslendingar,
sem oftast leigja hjól í bara tvo
klukkutíma, en útlendingarnir taka
hjólin yfirleitt í sólarhring. Tveggja
tíma leiga á Piaggio vespu er 6.500
krónur (nánari upplýsingar eru á
heimasíðunni www.lundavespur.is).
Ég hef verið heppin með leigj-
endur hvað slys varðar, það mesta
sem ég hef þurft að gera er að láta
viðskiptavin hafa plástur, en ég legg
mikið upp úr að fara yfir öryggis-
málin áður en haldið er af stað. Þrátt
fyrir það er ég alltaf með hjartað í
buxunum þegar ég horfi á eftir þeim
keyra í burtu,“ sagði Soffía.
Vélaprófanir
hlj@bondi.is
Hjörtur L. Jónsson
HJÓLBARÐAÞJÓNUSTA
BKT er einn stærsti framleiðandi hjólbarða fyrir
traktora, vinnu- og iðnaðarvélar í heimi. BKT hefur
einnig haslað sér völl í framleiðslu á dekkjum fyrir
hjólaskóflur og stóra vörubíla (Búkollur).
HJÓLBARÐAR FYRIR
TRAKTORA, VINNUVÉLAR
OG LANDBÚNAÐAR TÆKI
VIÐ EIGUM GRÍÐARLEGT ÚRVAL HJÓLBARÐA
FYRIR FLESTAR TEGUNDIR VÉLA, TÆKJA
OG VAGNA. KÍKTU Á PITSTOP.IS EÐA HAFÐU
SAMBAND Í SÍMA 568 2020.
BKT MP567 BKT FLOT648 BKT TR459
BKT AGRIMAX RT-657
DUGGUVOGI RVK AUSTURVEGI SELFOSS PITSTOP.IS WWW
HELLUHRAUNI HFJRAUÐHELLU HFJ 568 2020 SÍMI
Soffía Jóhannes-
dóttir, með eina
Piaggio vespu
fyriri framan
Reykjavík Motor
Center.
Mynd / HLJ

Móða á mælum, afleiðing af því að geyma hjólið úti í
misjöfnu veðri. Mynd / HLJ
Útibú Lundavespa við hvalbátabryggjuna. Mynd / SJ Heitasta
tækifærisgjöfin!
Vinsælu flís Hestaskjóls-
ábreið urnar eru sérhannaðar
fyrir íslenska hestinn, hlýjar,
léttar og auðvelt að þvo.
Sérmerktar eftir óskum
kaupanda.
Sendum gegn póstkröfu
Sími: 438 1026
Gsm: 865 7451 (Halldís)