Fréttablaðið - 02.02.2012, Blaðsíða 10

2. febrúar 2012 FIMMTUDAGUR
FRÉTTASKÝRING
Fyrir hvað er Geir H. Haarde kærður?
Mál á hendur Geir H. Haarde,
fyrrum forsætisráðherra, hefur
verið mikið í umræðunni. Tillaga
Bjarna Benediktssonar, formanns
Sjálfstæðisflokksins, um að draga
ákæruna á hendur honum til baka
hefur valdið titringi innan þingsins
og skipt stjórnarliðum í tvo hópa.
Mikið hefur verið rætt um að til-
lagan sé ekki pólitísk en engum
blöðum er um það að fletta að hún
hefur haft pólitískar afleiðingar.
Fréttablaðið beinir nú sjónum að
ákærunni sjálfri og rifjar upp fyrir
hvað Geir er ákærður. Líkt og áður
segir standa fjórir liðir ákærunn-
ar eftir.
Ákæruliðirnir
1.3 Fyrir að hafa vanrækt að gæta
þess að störf og áherslur sam-
ráðshóps stjórnvalda um fjár-
málastöðugleika og viðbúnað, sem
stofnað var til á árinu 2006, væru
markvissar og skiluðu tilætluðum
árangri.
1.4 Fyrir að hafa vanrækt að hafa
frumkvæði að virkum aðgerðum af
hálfu ríkisvaldsins til að draga úr
stærð íslenska bankakerfisins með
því til að mynda að stuðla að því að
bankarnir minnkuðu efnahags-
reikning sinn eða einhverjir þeirra
flyttu höfuðstöðvar sínar úr landi.
1.5 Fyrir að hafa ekki fylgt því
eftir og fullvissað sig um að unnið
væri með virkum hætti að flutn-
ingi Icesave-reikninga Lands-
banka Íslands hf. í Bretlandi yfir í
dótturfélag og síðan leitað leiða til
að stuðla að framgangi þessa með
virkri aðkomu ríkisvaldsins.
2. Fyrir að hafa á framangreindu
tímabili látið farast fyrir að fram-
kvæma það sem fyrirskipað er í 17.
gr. stjórnarskrár lýðveldisins um
skyldu til að halda ráðherrafundi
um mikilvæg stjórnarmálefni. Á
þessu tímabili var lítið fjallað á
ráðherrafundum um hinn yfirvof-
andi háska, ekki var fjallað form-
lega um hann á ráðherrafundum og
ekkert skráð um þau efni á fundun-
um. Var þó sérstök ástæða til þess,
einkum eftir fund hans, Ingibjarg-
ar Sólrúnar Gísladóttur, Árna M.
Mathiesen og formanns stjórnar
Seðlabankans 7. febrúar 2008, eftir
fund hans og Ingibjargar Sólrúnar
Gísladóttur með bankastjórn Seðla-
bankans 1. apríl 2008 og í kjölfar
yfirlýsingar til sænsku, dönsku og
norsku seðlabankanna sem undir-
rituð var 15. maí 2008. Forsætisráð-
herra átti ekki frumkvæði að form-
legum ráðherrafundi um ástandið
né heldur gaf hann ríkisstjórninni
sérstaka skýrslu um vanda bank-
anna eða hugsanleg áhrif hans á
íslenska ríkið.
Vísað frá
Eftirfarandi tveimur liðum var
vísað frá:
1.1 Fyrir að hafa sýnt af sér
alvarlega vanrækslu á starfs-
skyldum sínum sem forsætis-
ráðherra andspænis stórfelldri
hættu sem vofði yfir íslenskum
fjármálastofnunum og ríkissjóði,
hættu sem honum var eða mátti
vera kunnugt um og hefði getað
brugðist við með því að beita sér
fyrir aðgerðum, löggjöf, útgáfu
almennra stjórnvaldsfyrirmæla
eða töku stjórnvaldsákvarðana
á grundvelli gildandi laga í því
skyni að afstýra fyrirsjáanlegri
hættu fyrir heill ríkisins.
1.2 Fyrir að hafa látið undir
höfuð leggjast að hafa frumkvæði
að því, annaðhvort með eigin
aðgerðum eða tillögum um þær
til annarra ráðherra, að innan
stjórnkerfisins væri unnin heild-
stæð og fagleg greining á fjár-
hagslegri áhættu sem ríkið stóð
frammi fyrir vegna hættu á fjár-
málaáfalli.
kolbeinn@frettabladid.is
Fjórir af sex liðum
standa enn þá eftir
Landsdómur vísaði tveimur liðum ákærunnar á Geir H. Haarde frá í október.
Dómurinn tók afstöðu til þess að fjórir liðir stæðu óhaggaðir í ákærunni. For-
maður þingnefndar sem fjallar um málið segir óvíst hvenær það klárast.
FYRIR LANDSDÓMI Mál gegn Geir H. Haarde er rekið fyrir Landsdómi sem mat fjóra
af sex ákæruliðum tæka. Tillaga um að vísa ákærunni frá er nú fyrir þingnefnd.
FRÉTTABLAÐIÐ/GVA
Tillögu Bjarna Benediktssonar um afturköllun
ákæru á hendur Geir H. Haarde var vísað til
stjórnkerfis- og eftirlitsnefndar. Nefndin fundaði
um málið í gær og komu fjórir sérfræðingar á
fundinn; Þórhallur Vilhjálmsson, Róbert Spanó,
Ástráður Haraldsson og Ragnhildur Helgadóttir.
Valgerður Bjarnadóttir, formaður nefndarinnar,
segir sérfræðingana hafa verið sammála um að
Alþingi megi grípa inn í málið. Eftir standi hvort
það eigi að gera það og um það hafi menn ekki
verið sammála.
„Það stendur hvergi að Alþingi megi ekki
fara inn í málið eins og það gerði. Það er enginn vafi á
því að formið leyfir það. Það er rétt, en á hinn bóginn á
maður ekki endilega alltaf að gera það sem má. Það er
hægt að gera þetta og það má, því það er ekki bannað.
Eftir stendur spurningin áttu að gera það, er rétt að gera
það?“
Valgerður segir að fram til þessa dags hafi
menn farið eftir túlkun Ólafs Jóhannessonar
um að þegar Alþingi hafi valið sér saksóknara
sé málið úr höndum þess. Nú horfi menn hins
vegar á sakamálarétt og stjórnarskrána sem segi
að ákæruvaldið sé hjá Alþingi.
„Í mínum huga hefur ekkert breyst í þessu.
Ég efast ekki um að Alþingi má draga ákæruna
til baka eða breyta henni. Ég tel hins vegar að
sú tillaga verði að koma frá saksóknaranum.“
Saksóknari Alþingis, Sigríður Friðjónsdóttir,
kom fyrir nefndina í síðustu viku og lagði þar
áherslu á að málið hlyti skjóta afgreiðslu. Valgerður segir
saksóknarann einnig hafa sagt að málið héldi áfram sinn
gang fyrir dómi óháð framvindu þingsályktunartillög-
unnar. Hún sagði málið taka langan tíma, enda væri það
sérstakt. Hún treysti sér ekki til að segja til um hvenær
það kláraðist. Það næðist þó trauðla í þessari viku.
Alþingi má grípa inn í en inngripið samt umdeilanlegt
VALGERÐUR
BJARNADÓTTIR
BRETLAND Í gær fékk Julian Ass-
ange, stofnandi Wikileaks, síðasta
möguleika sinn til að fá framsals-
úrskurði til Svíþjóðar hnekkt. Mál
hans var tekið fyrir í hæstarétti
Bretlands, en niðurstöðu dóms-
ins er vart að vænta fyrr en eftir
nokkrar vikur.
Lögmenn hans halda því fram að
sænski saksóknarinn, sem gaf út
handtökuskipan á hendur Assange,
sé hlutdrægur í málinu og því sé
handtökuskipanin að engu hafandi.
Assange hefur verið í stofufang-
elsi í Bretlandi mánuðum saman.
Hann segist ekki treysta sænska
réttarkerfinu, en sænski sak-
sóknarinn vill fá Assange til yfir-
heyrslu vegna ásakana tveggja
kvenna sem segja hann hann hafa
framið á sér kynferðisbrot síðast-
liðið sumar. Engar ákærur hafa
verið gefnar út í máli hans í Sví-
þjóð.
Breskir dómstólar hafa áður
staðfest framsalsúrskurðinn, en
þessi síðasti málflutningur fyrir
hæstarétti snerist eingöngu um
það álitamál hvort sænski sak-
sóknarinn hafi haft heimild til að
gefa út handtökuskipan, sem gildir
í Evrópuríkjum. - gb
Málflutningur í framsalsmáli Julians Assange fyrir hæstarétti í Bretlandi:
Saksóknari sagður vanhæfur
JULIAN ASSANGE Mætti til réttarhalda í
London í gær. NORDICPHOTOS/AFP
Opin ráðstefna á vegum verkefnisstjórnar um notendastýrða
persónulega aðstoð (NPA).
Notendastýrð
persónuleg aðstoð (NPA):
Hugmyndafræði, framkvæmd,
skipulag, samningar og fjármögnun.
Stöðuúttekt á vinnu verkefnisstjórnar um notendastýrða
persónulega aðstoð (NPA) og lýsing á verklagi í fyrsta
áfanga verkefnisins.
Haldin 10. febrúar 2012 kl. 11.00-16.00 á Icelandair Hótel
Reykjavík Natura.
Skráning á http://www.vel.is/npa
Dagskrá
10.30-11.00 Skráning
11.00-11.10 Ávarp
Guðbjartur Hannesson velferðarráðherra.
11.10-12.10 Notendastýrð persónuleg aðstoð (NPA)
- leiðbeiningar um framkvæmd fyrir þjón-
ustusvæði, sveitarfélög, notendur og
ðstoðarfólk.
Guðmundur Steingrímsson, alþingismaður
og formaður verkefnisstjórnar NPA.
12.10-12.30 Fyrirkomulag við ráðningar á aðstoðarfólki
- ráðningarsamningar, kaup og kjör.
Sólveig B. Gunnarsdóttir, lögfræðingur hjá
Sambandi íslenskra sveitarfélaga.
12.30-12.40 Aðkoma Jöfnunarsjóðs sveitarfélaga að
greiðslum vegna NPA.
Guðni Geir Einarsson, sérfræðingur í innan
ríkisráðuneytinu.
12.40-13.30 Léttar veitingar.
13.30-13.55 Hugmyndafræði NPA.
Freyja Haraldsdóttir og Embla Ágústsdóttir,
frá NPA-miðstöðinni.
13.55-14.15 Hvernig ber fólk sig að? Framkvæmd NPA
hjá þjónustusvæðum og sveitarfélögum.
Gréta Sjöfn Guðmundsdóttir verkefnisstjóri.
14.15-14.40 Þjónustusamningar milli notenda og þjón-
ustusvæða/sveitarfélaga.
Þór Garðar Þórarinsson, sérfræðingur í
velferðarráðuneytinu.
14.40-15.20 Hlutverk notenda við framkvæmd notenda-
stýrðar persónulegrar aðstoðar (NPA)
- verkstjóri - vinnuveitandi?
Guðjón Sigurðsson, formaður MND-
félagsins. Bryndís Snæbjörnsdóttir foreldri.
15.20-15.35 Samantekt.
Guðmundur Steingrímsson, formaður
verkefnisstjórnar NPA.
15.45-16.00 Léttar veitingar.
Bein útsending verður frá ráðstefnunni á Netinu og verður
aðgengileg á vef velferðarráðuneytisins: http://www.vel.is/
npa
Þeir sem kjósa að fylgjast með ráðstefnunni á vefnum skrái
sig á heimasíðu NPA http://www.vel.is/npa og munu gögn
sem kynnt verða á ráðstefnunni verða send viðkomandi.
Óski þátttakendur sérstaks stuðnings við að taka þátt í
ráðstefnunni eru þeir beðnir um að koma þeim óskum á
framfæri fyrir 6. febrúar næstkomandi á vef verkefnisstjórn-
arinnar: http://www.vel.is/npa
Ráðstefnustjóri er Gyða Hjartardóttir, félagsþjónustufulltrúi
Sambands íslenskra sveitarfélaga.
Ókeypis aðgangur.
. - 12.20 –
leiðbeiningar um framkvæmd fyri þjónustu-
svæði, sveitarfélög, note dur og aðstoðar-
fólk.