Fréttablaðið - 06.03.2012, Side 10

6. mars 2012 ÞRIÐJUDAGUR10
DÓMSMÁL Ummælin „Lögreglan
rannsakar lektor“ og „Lektor í við-
skiptafræði flæktur í lögreglurann-
sókn“ sem féllu í DV um miðjan
mars í fyrra voru dæmd dauð og
ómerk í Héraðsdómi Reykjavíkur
í gær.
Jón Snorri Snorrason höfðaði
meiðyrðamál á hendur blaðinu
og þurfa Ingi Freyr Vilhjálms-
son fréttastjóri og ritstjórarnir
Jón Trausti Reynisson og Reynir
Traustason að greiða honum 200
þúsund krónur hver með dráttar-
vöxtum í miskabætur. Þá þurfa
þeir að standa undir málskostnaði
Jóns Snorra og kostnaði við birt-
ingu dómsins í tveimur dagblöðum.
DV fjallaði um málefni Jóns
Snorra þegar hann sat í stjórn
Sigurplasts ehf. Ritstjórarnir og
fréttastjóri DV bentu á að Jón hefði
verið kærður til lögreglu ásamt
stjórn Sigurplasts, en héraðsdóm-
ur bendir á að þrátt fyrir kæru
hafi rannsókn lögreglu ekki verið
hafin. „Þá var orðfærið til þess fall-
ið að vekja þann skilning lesenda að
stefnandi væri sakborningur í lög-
reglurannsókn vegna saknæmrar
og refsiverðrar háttsemi sinnar,“
segir í dómnum. - óká
DV tapaði meiðyrðamáli sem höfðað var á hendur blaðinu fyrir héraðsdómi:
Ummæli dæmd dauð og ómerk
RITSTJÓRAR DV Meiðyrðamál var höfðað
á hendur DV vegna umfjöllunar blaðsins
um málefni Sigurplasts ehf.
FRÉTTABLAÐIÐ/HEIÐA
RÚSSLAND Mótmælendur fjöl-
menntu á Púskin-torgi í Moskvu
síðdegis í gær og kröfðust afsagn-
ar Vladimírs Pútín, daginn eftir
að hann vann sigur í forsetakosn-
ingum.
Mótmælendur sökuðu stjórn-
völd um víðtækt kosningasvindl og
vilja að efnt verði til nýrra kosn-
inga hið fyrsta.
Um 12 þúsund lögreglumenn
voru komnir á vettvang á undan
mótmælendum, búnir undir átök
ef til þeirra kæmi.
„Þeir óttast okkur,“ hrópaði
einn mótmælenda. „Ef þetta voru
frjálsar kosningar, hvers vegna
hafa þeir þá fyllt borgina af her-
mönnum?“
Alvarlegir vankantar voru á
framkvæmd forsetakosninganna í
Rússlandi á sunnudag, samkvæmt
yfirlýsingu alþjóðlegra kosninga-
eftirlitsmanna.
Kosningaeftirlit á vegum Örygg-
is- og samvinnustofnunar Evrópu
sendi frá sér yfirlýsingu í gær þar
sem segir að framkvæmd kosning-
anna hafi að vísu verið að mestu
leyti í samræmi við reglur, en
dæmi séu samt um að kjósendur
hafi greitt atkvæði oftar en einu
sinni, greitt atkvæði fyrir aðra
eða greitt atkvæði saman í hópum.
Jafnvel sáust dæmi þess að kjós-
endum hafi verið ekið á milli kjör-
staða í hópum til að greiða atkvæði
á mörgum stöðum.
Auk þess var talningu atkvæða
ábótavant að einhverju leyti á
nærri þriðjungi þeirra kjörstaða
sem fylgst var með.
Samkvæmt opinberri taln-
ingu fékk Pútín nærri 64 pró-
sent atkvæða. Golog, sem er
óháð rússnesk kosningaeftirlits-
stofnun, fullyrðir að raunveruleg
úrslit hafi verið mun óhagstæðari
fyrir Pútín: Hann hafi ekki feng-
ið nema rétt rúmlega 50 prósent,
sem reyndar hefði rétt dugað
honum til að sleppa við seinni
umferð kosninganna, þar sem
hann hefði keppt við þann fram-
bjóðanda sem næstflest atkvæði
hefði fengið.
Eftirlitsmennirnir frá ÖSE
segja að það hafi samt ekki bara
verið framkvæmdin á kjördag,
sem var meingölluð, heldur hafi
aðdragandi kosninganna verið
öðrum frambjóðendum en Pútín í
óhag: „Það var aldrei nein alvöru
samkeppni, og misnotkun opin-
berra stofnana tryggði að aldrei
lék vafi á því hver yrði á endanum
sigurvegari kosninganna,“ sagði
Tonino Picula, yfirmaður kosn-
ingaeftirlitsnefndar ÖSE.
gudsteinn@frettabladid.is
Fjöldi manns
í mótmælum
Alvarlegir ágallar á framkvæmd forsetakosning-
anna í Rússlandi færa andstæðingum Vladimírs
Pútín vopn í hendur. Opinber talning segir hann
hafa fengið nærri 64 prósent atkvæða.
MÓTMÆLI Í MOSKVU Þúsundir manna komu saman í höfuðborg Rússlands í gær til
að mótmæla Vladimír Pútín og kosningaúrslitunum. NORDICPHOTOS/AFP
SKOÐANAKÖNNUN Landhelgisgæsl-
an nýtur trausts 89,8 prósent
landsmanna samkvæmt nýjum
Þjóðarpúlsi Gallup. Í ár tóku 97
prósent afstöðu í könnuninni og
dreifist traustið nokkuð jafnt á
milli kynja og aldurs aðspurðra.
Virðist traust landsmanna
til Landhelgisgæslunnar hafa
aukist lítils háttar milli ára því
fyrir ári kannaði Gallup traust
landsmanna á Landhelgisgæsl-
unni og mældist traustið þá 88,5
prósent.
- shá
Þjóðarpúls Gallup:
Gæslan nýtur
mikils trausts
„Taktu þátt í Mottumars.
Þitt framlag skiptir máli.”

Safnaðu mottu og áheitum á www.mottumars.is
H
:N
M
ar
ka
ðs
sa
m
sk
ip
ti
/ S
ÍA

Ætlar þú að fylgjast með
Landsdómi?
JÁ 50,6%
NEI 49,4%
SPURNING DAGSINS Í DAG:
Telur þú hugsanlegt að Ólafur
Ragnar Grímsson geti tapað í
forsetakosningunum í sumar?
Segðu skoðun þína á visir.is
KJÖRKASSINN