Fréttablaðið - 12.04.2012, Blaðsíða 54

12. apríl 2012 FIMMTUDAGUR38
tonlist@frettabladid.is
TÓNNINN GEFINN
Trausti Júlíusson
Hvenær varð rokkið til? Um það hafa lengi verið skiptar skoðanir.
Oftast er miðað við árin 1950-1956 og misjafnt hvaða lag menn nefna
sem fyrsta rokklagið. Nýlega kom út 82 laga safn á þremur diskum,
The First Rock and Roll Record, sem tekur þetta atriði sérstaklega
fyrir. Safnið er fyrsta útgáfa
nýrrar plötuútgáfu, Famous Fla-
mes Recording Company sem
að standa meðal annars marg-
reyndir blaðamenn af Mojo og
fleiri tónlistarblöðum. The First
Rock and Roll Record kafar
í forsöguna og fylgir að tölu-
verðu leyti fordæmi bókar með
sama nafni sem Jim Dawson
gaf út árið 1982. Fyrsta lagið
í pakkanum er frá árinu 1916
og er þar vegna þess að í því
kemur þessi texti fyrir: „We‘ve
been rockin‘ an‘ rolling in your
arms …“. Á safninu er töluvert
af lögum frá þriðja, fjórða og
fimmta áratugnum og svo fullt
af lögum frá fyrri hluta sjötta
áratugarins. Þar á meðal eru lög
sem oft hafa verið nefnd sem
fyrsta rokklagið, til dæmis Rocket 88 með Jackie Brenston sem kom út
1951. Síðasta lagið er hins vegar Heartbreak Hotel með Elvis Presley …
Famous Flames er dæmi um gæðaútgáfu sem einbeitir sér að þeirri
tónlist sem kom út fyrir meira en 50 árum og er þar með komin úr
höfundar rétti. Önnur mjög góð útgáfa í sama bransa er Fantastic
Voyage sem hefur dælt út vönduðum yfirlitsútgáfum með tónlist frá
fimmta og sjötta áratugnum síðustu misseri. Eins og með The First
Rock and Roll Record fylgja þeim langar og ítarlegar ritgerðir. Sann-
kallaður draumur í dós fyrir tónlistarnörda með sagnfræðiáráttu …
Hvað var fyrsta rokklagið?
KAFAÐ DJÚPT Forsaga rokksins er könnuð á
nýrri útgáfu.
Spjátrungurinn Jack White
úr hljómsveitinni White
Stripes sendir frá sér sóló-
plötu á næstunni. Lögin
urðu til þegar rapparinn
RZA sveikst um að mæta í
upptökur ásamt White.
„Lengi vel frestaði ég að gefa út
plötu undir eigin nafni, en þessi
lög er aðeins hægt að gefa út
undir nafni mínu. Ég samdi þessi
lög frá grunni, þau hafa ekkert að
gera með annað en tjáningu mína,
liti og striga,“ sagði Jack White í
dramatískri yfirlýsingu um sóló-
plötu sína, Blunderbuss.
Blunderbuss kemur út 24.
apríl næstkomandi og er fyrsta
sólóplata Jacks White, sem er
þekktastur fyrir að vera annar
helmingur hljómsveitarinnar The
White Stripes. Hann hefur einnig
gefið út vinsælar plötur með
hljómsveitunum The Raconteurs
og The Dead Weather.
Miðað við fyrsta smáskífu-
lagið af Blunderbuss, Love
Interruption, virðist White ekki
feta ótroðnar slóðir á plötunni.
Lagið er í þessum hefðbundna bíl-
skúrsblússtíl sem hefur einkennt
tónlist hans í gegnum tíðina, en
söngkonan Ruby Amanfu gefur
laginu skemmtilegan blæ.
Í viðtali við tímaritið Uncut í
mars sagði White að grunnar að
lögunum á Blunderbuss hefðu
verið samdir fyrir mörgum árum
þegar hann starfaði við að semja
lög fyrir aðra tónlistarmenn á
borð við Tom Jones, Insane Clown
Posse og fleiri. White bókaði upp-
tökur með rapparanum RZA úr
Wu Tang Clan ásamt hljóðfæra-
leikurum. RZA mætti ekki og
White tók því upp nokkur lög
með hljóðfæraleikurunum sem
þróuðust síðar í Blunderbuss.
Þrátt fyrir að framtíð Jacks
White á eigin vegum sé björt
saknar hann hljóm sveitarinnar
sem kom honum á kortið, The
White Stripes. „Ég myndi vilja
vera í White Stripes að eilífu,“
segir hann í nýju viðtali við tíma-
rit New York Times. „Hljóm-
sveitin er það mikilvægasta sem
hefur gerst fyrir mig, ásamt því
að vera mesta áskorunin. Ég vildi
að hún væri enn þá til. Ég sakna
hennar mjög mikið.“
White segir einnig í viðtalinu að
trommuleikarinn Meg White, hinn
helmingur hljóm sveitarinnar, hafi
tekið ákvörðunina um að hætta.
Og hann veit ekki af hverju. „Þú
verður að spyrja hana. Ég veit
ekki hverjar ástæðurnar eru.
Þegar maður talar við Meg fær
maður sjaldan svör. Ég er heppinn
að þessi stelpa steig á svið, þannig
að ég er sáttur.“
Spurður hvernig var að vera í
hljómsveit með Meg White segir
Jack að hún hafi setið við stýrið.
„Hún er þrjóskasta manneskja
sem ég hef kynnst,“ segir hann.
atlifannar@frettabladid.is
Saknar White Stripes en
gefur út fyrstu sólóplötuna
NÝ PLATA Jack White sendir frá sér plötuna Blunderbuss 24. apríl. NORDICPHOTOS/GETTY
TÓNLISTINN
Vikuna 5. - 11. apríl 2012
LAGALISTINN
Vikuna 5. - 11. apríl 2012
Sæti Flytjandi Lag
1 Magni ..................................................................... Hugarró
2 Fun / Janelle Monae .............................. We Are Young
3 Hljómar ................................................................Þú og ég
4 Bubbi / Mugison ....................................................Þorpið
5 Valdimar Guðmundss. / Helgi Júlíus ....Stöndum saman
6 Blár ópal ............................................................Stattu upp
7 Of Monsters and Men ...................................Lakehouse
8 Train ........................................................................ Drive by
9 Greta Salóme / Jónsi.................................Never Forget
10 The Black Keys ...............................Gold on the Ceiling
Sæti Flytjandi Plata
1 Of Monsters and Men ............ My Head is an Animal
2 Adele .................................................................................. 21
3 Mugison ....................................................................Haglél
4 Ýmsir ...................... Söngvakeppni Sjónvarpsins 2012
5 Sigurður Guðmundsson og Sigríður Thorlacius. ........
.........................................Ásamt Sinfóníuhljómsveit Íslands
6 Madonna ..................................................................MDNA
7 Sóley .......................................................................We Sink
8 Gus Gus ....................................................Arabian Horse
9 Ýmsir ...........................Hot Spring: Landmannalaugar
10 Helgi Björnsson ........ Íslenskar dægurperlur í Hörpu
Þátttakendur í Lagalistanum: Bylgjan, FM957, Xið 977, Rás 2, Kaninn, tonlist.is. Verslanir í Tónlistanum: Skífan, Hagkaup, Penninn/Eymunds-
son, 12 tónar, Harpa, Smekkleysa plötubúð, Elkó, tonlist.is
Listarnir eru teknir saman fyrir Félag hljómplötuframleiðenda. Listarnir eru birtir í heild sinni á Vísir.is.
Stendur í stað síðan í síðustu viku Fellur um sæti síðan í síðustu viku Hækkar á lista síðan í síðustu viku Nýtt á lista
Skýringar:
> PLATA VIKUNNAR
★★★★★
AMFJ - Bæn
„Á heildina litið er þetta
flott plata, þó að tónlistin
sé krefjandi og höfði sjálf-
sagt ekki til mjög margra.“
- tj
> Í SPILARANUM
Legend - Fearless
Nicki Minaj - Pink Friday: Roman Reloaded
Graham Coxon - A+E
The Mars Volta - Noctourniquet
Tilkynnt hefur verið um fleiri lista-
menn sem koma fram á Iceland
Airwaves- hátíðinni í ár. Hátíðin hefst
31. október næstkomandi og stendur til
4. nóvember.
Í hóp erlendra listamanna hafa nú bæst
breska undrabarnið Patrick Wolf, banda-
ríska raftónlistardúóið Polica, austur-
ríski tónlistamaðurinn Elektro Guzzi,
norska raftónlistarbandið Philco Fiction
og hinn breski Jamie N. Commons.
Fjöldi íslenskra listamanna mun
flytja tónlist sína á hátíðinni og hefur
nú verið staðfest að Retro Stefson,
Skálmöld, Nolo, Gone Postal, Muck,
Morning After Youth, Gabríel, RetRo-
Bot, Þoka og Funk That Shit verða þar
á meðal.
RetRoBot spilar á Iceland Airwaves
NÝLIÐAR Strákarnir í RetRoBot sigruðu Músíktilraunir
þetta árið. Þeir eru meðal þeirra hljómsveita sem spila
á Iceland Airwaves í haust.