Fréttablaðið - 12.04.2012, Qupperneq 56

12. apríl 2012 FIMMTUDAGUR40
bio@frettabladid.is

www.rokkurhaedir.is
Föstudaginn 13. apríl?
Haltu þér fast! Þriðja bókin í bókaflokknum
um krakkana í Rökkurhæðum er væntanleg.
Ekki fyrir myrkfælna!
...Engin tilviljun!
Rihanna fer með hlutverk í
spennumyndinni Battleship
sem frumsýnd var í byrjun
mánaðarins. Þar leikur söng-
konan á móti Taylor Kitsch,
Alexander Skarsgård og Liam
Neeson og var hún að eigin sögn
mjög heilluð af Skarsgård.
„Alexander er mjög flottur
maður. Ég gat starað á hann alla
daga á meðan við vorum í tökum.
Hann er mjög einbeittur leikari
og mjög viðkunnanlegur maður
í þokkabót,“ sagði Rihanna um
hinn sænska mótleikara sinn.
Nánust varð söngkonan þó
Taylor Kitsch og leitaði hún
oft til hans er hún þurfti ráð
varðandi leik sinn. „Ég lék á
móti Taylor í fjölda atriða og
hann hjálpaði mér mjög mikið í
gegnum allt ferlið.“
Hreifst af
Skarsgård
HRIFIN AF SKARSGARD Rihanna leikur
á móti Alexander Skarsgård í Battle-
ship og segist ekki hafa getað haft af
honum augun. NORDICPHOTOS/GETTY
■ The Cold Light of Day frá árinu 2006
segir frá rannsóknarlögreglumanni
sem vingast við konu í þeim tilgangi
að nota hana sem beitu til að fanga
raðmorðingja.
■ Sjónvarpsþáttaröð með þessu nafni
var sýnd árið 2006. Þættirnir voru
framleiddir í Bretlandi og taka á sam-
félagsmálum á gamansaman hátt.
■ Indverska heimildarmyndin Light of
the Day fjallar um muninn á ríkum
og fátækum í landinu og var frum-
sýnd 2008.
■ Hrollvekjan The Harsh Light of Day
verður frumsýnd síðar á árinu og
skartar Dan Richardson í aðalhlut-
verki.
VINSÆLL KVIKMYNDATITILL
Spennumyndin The Cold Light of
Day segir frá ungum manni sem
fer til Spánar til að hitta fjölskyldu
sína en fríið fer ekki eins og til var
ætlast og breytist fljótt í baráttu
upp á líf og dauða. Myndin er frum-
sýnd annað kvöld.
Með aðalhlutverk fara Henry Cavill, Bruce
Willis og Sigourney Weaver undir leiðsögn
franska leikstjórans Malbrouk El Mechri.
Cavill fer með hlutverk Will Shaw sem
flýgur til Spánar til að heimsækja for-
eldra sína sem búa og starfa í landinu. Fjöl-
skyldan ákveður að eyða sólríkum degi
um borð í skútu en eftir rifrildi við föður
sinn syndir Will til lands. Þegar hann snýr
til baka er skútan mannlaus og leitar Will
eftir aðstoð lögreglunnar og upphefst þá
spennandi eltingaleikur og leit Wills að fjöl-
skyldu sinni og sannleikanum.
Aðalleikarinn, Henry Cavill, varð þekktur
fyrir hlutverk sitt sem Charles Brandon í
sjónvarpsþáttunum The Tudors og segist
hann sjálfur þakka þáttunum fyrir frægð
sína og frama. Cavill fer einnig með hlutverk
Theseusar í stórmyndinni The Immortals
sem frumsýnd var í lok síðasta árs.
The Cold Light of Day hefur fengið nokkuð
dræma dóma á Netinu og gefur gagnrýnandi
The Telegraph henni einungis eina stjörnu
og segir leikara sem og leikstjóra sýna
lélega byrjendatakta. Á vefsíðunni Imdb.
com er myndin sögð hörmuleg eftirlíking á
Bourne-þríleiknum og Screen Daily segir
Sigourney Weaver vera það eina góða við
myndina, en hún þykir sannfærandi í hlut-
verki sínu sem kaldlyndur CIA útsendari.
SPENNUMYND EFTIR UPPSKRIFT
EFTIR UPPSKRIFT Spennumyndin The Cold Light of Day segir frá leit Henry Cavill að fjölskyldu sinni sem hverfur sporlaust.
Titill kvikmyndar-
innar The Cold Light
of Day hefur verið
nokkuð vinsæll í
gegnum árin og
til að mynda var
kvikmynd með
sama nafni gefin út
árið 2006.
★★★★★
TITANIC 3D
„Titanic stenst tímans tönn. Taktu
með þér tissjú og ekki skammast þín
fyrir neitt.“
★★★★★
THE HUNGER GAMES
„Vel heppnuð vísindaskáldsaga sem
flæðir vel.“
★★★★★
MARGIN CALL
„Spennandi fjármáladrama, drekk-
hlaðið úrvalsleikurum.“
★★★★★
ACT OF VALOR
„Ég er algjörlega orðlaus.“
★★★★★
PROJECT X
„Hressilegt partý en fremur mis-
heppnuð mynd.“
Framhalds hinnar vinsælu gam-
anmyndar Anchorman er beðið
með mikilli eftirvæntingu en Will
Ferrell, Adam McKay, Steve Carell
og Paul Rudd sitja nú við handrita-
skriftir.
Adam McKay gaf lesendum
Salon þó svolitla vísbendingu um
söguþráð nýju myndarinnar og
kyndir það án efa enn frekar undir
eftirvæntingunni.
„Ég vil ekki segja of mikið en
við höfum verið að vinna sérstak-
lega með tvær hugmyndir, ekki
gleyma að við erum enn að skrifa
handritið. En ég skal gefa ykkur
tvennt; forræðisdeila og keilu-
keppni,“ sagði leikstjórinn og
handritshöfundurinn. Það er því
ekki ólíklegt að persóna Christinu
Applegate, Veronica Corningstone,
snúi aftur.
Anchorman kom út árið 2004 og
sló rækilega í gegn. Hún situr í 113.
sæti á lista tímaritsins Empire yfir
500 bestu kvikmyndir allra tíma
og er í hundraðasta sæti yfir 100
bestu gamanmyndir heims.
Ron í forræðisdeilu
DREPFYNDIN Framhald á gamanmyndinni Anchorman er í bígerð og má því búast
við ágætri skemmtun.
> LEIKUR WALT DISNEY
Leikarinn Tom Hanks ætlar að fara með hlutverk
Walts Disney í myndinni Saving Mr. Banks. Myndin
fjallar um ferlið og undirbúning að myndinni Mary
Poppins. Það tók Walt Disney
langan tíma að tala höfund
Mary Poppins, P.L. Travers, til og
fá að gera myndina á sínum
tíma. Breska leikkonan Emma
Thompson leikur rithöfundinn í
myndinni. Leikstjóri Saving Mr.
Banks er John Lee Hancock
sem gerði myndina Blind Side.
Fimm myndir verða frumsýndar á Ind-
verskri kvikmyndahátíð í Bíói Paradís í
kvöld. Um er að ræða rómantísku myndina
Stóri dagurinn (Band Baaja Baaraat),
vísindamyndina Vélmenni (Enthirian),
spennumyndina Dhoom 2 og drama-
myndirnar Talaðu (Bol) og Hálsmenið
(Madrasapattinam).
Glæpamyndin Iron Sky verður frum-
sýnd á föstudaginn. Um er að ræða svarta
kómedíu sem var að hluta til fjár mögnuð
af almenningi í gegnum internetið.
Myndin fjallar um það þegar hópur nas-
ista í leynilegri geimáætlun nær að koma
sér undan tortímingu og flýja til myrkv-
aða hluta tunglsins undir lok seinni heims-
styrjaldarinnar. Eftir langan undirbúning
láta tungl-nasistarnir svo til skara skríða
og leita hefnda með því að ráðast á jörðina.
Á föstudaginn kemur spennumyndin
Battleship einnig í bíóhúsin en hún fjallar
um alþjóðlegan herskipaflota sem liggur
við höfn í Havaí og undirbýr viðamikla
flotaæfingu. Vampíruleikarinn Alexander
Skarsgård fer með eitt aðalhlutverkið í
myndinni og leikur Stone Hopper, liðs-
mann sjóhersins. Flotaforinginn Shane,
leikinn af Liam Neeson, er faðir kærustu
Hoppers og er hann lítið ánægður með
plön dóttur sinnar að giftast sjóliðanum.
Ágreiningur þeirra verður þó að bíða betri
tíma þegar óþekktir andstæðingar ráðast
á flotann á meðan á æfingunum stendur.
- trs
Húmor, spenna og Bollywood
TUNGL-NASISTI Julia Dietze leikur hugsjóna-
manneskjuna og tungl-nasistann Renate
Richter í kolsvörtu kómedíunni Iron Sky.
SJÓNVARPFRÉTTIR VIÐSKIPTI SPORT UMRÆÐAN LÍFIÐÚTVARP
- oft á dag
ÞÚSUNDIR
MYNDBANDA
KVIKMYNDARÝNI