Fréttablaðið - 12.04.2012, Page 65

FIMMTUDAGUR 12. apríl 2012 49
KÖRFUBOLTI Þór frá Þorlákshöfn
fær tækifæri til þess að jafna ein-
vígið gegn KR í undanúrslitum
Iceland Express-deildar karla í
kvöld. Þá þurfa KR-ingar að mæta
í Iceland Glacial-höllina sem er
gríðarmikið vígi.
Það er ekki síst að þakka hinni
vösku stuðningsmannasveit
fél agsins – Græna drekanum – sem
hefur heldur betur sett svip sinn á
deildina í vetur. Drekamenn völtuðu
yfir fámenna Miðjumenn, stuðn-
ingsmenn KR, í fyrsta leiknum.
„Við vinnum alltaf í stúkunni.
Það er daglegt brauð hjá okkur,“
sagði borubrattur forseti Græna
Drekans, Heiðar Snær Magnússon.
„Við bjuggumst við meiri
mætingu hjá Miðjunni og frammi-
staða þeirra olli vonbrigðum. Ég
auglýsi eftir Miðjunni og að þeir
fjölmenni og veiti okkur alvöru
samkeppni í næstu leikjum.“
Þó svo að létt skot gangi á milli
stuðningsmanna meðan á leik
stendur andar ekki köldu á milli
manna og Miðjumenn hafa boðið
Drekamönnum í létta upphitun
fyrir þriðja leik liðanna.
„Það verður bara gaman og
vonandi koma fleiri Miðjumenn
á þann leik. Við mætum allir gal-
vaskir og efumst ekkert um að
við munum vinna baráttuna í
stúkunni. Þar erum við bestir,“
sagði Heiðar en hann gengur undir
nafninu Byssan rétt eins og ein
aðal sprautan í Miðjunni – Ingvar
Örn Ákason.
„Ég vissi reyndar ekki af því
en mér skilst að hann sé búinn að
kalla sig Byssuna lengur og er því
upprunalega Byssan í þessu ein-
vígi.“ - hbg
Græni drekinn hafði yfirburði gegn Miðjunni í fyrsta leik KR og Þórs Þorlákshöfn:
Drekinn auglýsir eftir Miðjunni
HRESSIR Strákarnir í Græna drekanum hafa farið á kostum í stúkunni í vetur.
FRÉTTABLAÐIÐ/DANÍEL
HANDBOLTI Stjörnustúlkan Sólveig
Lára Kjærnested var valin besti
leikmaður í umferðum 9-16 í N1-
deild kvenna.
Valur kemur annars vel út úr
kjörinu með fjóra leikmenn í
úrvalsliðinu og besta þjálfarann,
Stefán Arnarson.
Úrslitakeppni deildarinnar
hefst í kvöld þegar Grótta sækir
ÍBV heim og Stjarnan tekur á
móti HK. - hbg
N1-deild kvenna:
Sólveig Lára
valin best
SÓLVEIG LÁRA Hefur leikið vel í vetur.
FRÉTTABLAÐIÐ/PJETUR
N1-deild kvenna:
Úrvalsliðið:
Guðný Jenný Ásmundsdóttir Valur
Dagný Skúladóttir Valur
Stella Sigurðardóttir Fram
Ester Óskarsdóttir ÍBV
Hrafnhildur Ósk Skúladóttir Valur
Sólveig Lára Kjærnested Stjarnan
Anna Úrsula Guðmundsdóttir Valur
Besti leikmaður:
Sólveig Lára Kjærnested Stjarnan
Besti þjálfarinn:
Stefán Arnarson Valur
FÓTBOLTI Íslenska knattspyrnu-
landsliðið er í 131. sæti á nýjum
styrkleikalista FIFA sem gefinn
var út í morgun. Ísland féll um
tíu sæti frá síðasta lista.
Ísland hefur aldrei verið neðar
á listanum. Gamla metið var 122.
sæti en landsliðið var þar í júní í
fyrra. Styrkleikalisti FIFA hefur
verið tekinn saman síðan í ágúst
1993.
Liðið hefur ekkert spilað frá
því að síðasti listi var gefinn út
en stig eru reiknuð út frá árangri
liðsins í landsleikjum síðustu
fjögurra ára. Sigurleikir gegn
Slóvakíu og Færeyjum í mars
2008 eru því dottnir út og skýrir
það fallið að þessu sinni.
Lars Lagerbäck tók við lands-
liðinu um áramótin og hefur liðið
spilað tvo leiki undir hans stjórn
– gegn Japan og Svartfjallalandi
í febrúar síðastliðnum. Báðir þeir
leikir töpuðust.
Næstu leikir verða vináttu-
landsleikir gegn Svíþjóð og
Frakklandi í lok maí. - esá
Styrkleikalisti FIFA:
Ísland aldrei
verið neðar