Fréttablaðið - 22.09.2012, Síða 71

H ís Bára Ólafsdóttir og Hilmar Freyr Einarssongiftu sig í Laugarneskirkju í sumar. Veisluna héldu
þau í salnum Gullteigi á Grand Hótel Reykjavík og segja
þau að hún hefði ekki getað heppnast betur. Starfsfólk
hótelsins hjálpaði við undirbúninginn, skreytingar og
matseld og þjónaði svo í sjálfri veislunni. Aðbúnaðurinn
var einnig til fyrirmyndar, sviðið flott og gæða hljóðkerfi.
Þau segja daginn hafa verið fullkominn og allt hafi
gengið samkvæmt óskum. Undirbúningurinn gekk vel
fyrir sig og þau þakka það starfsfólki hótelsins. „Það var
tilbúið til að gera allar óskir okkar að veruleika. Þau sáu
um meirihlutann af skreytingunum og við bættum svo
örlítið við til að gera veisluna persónulegri. Við fengum
salinn um níuleytið kvöldið fyrir brúðkaupið og þá var
starfsfólkið byrjað að dekka borðin og gera allt fallegt.
Við bættum við skreytingum okkar en klukkan var orðin
svo margt að yfirþjónninn bauðst til að klára að setja upp
skreytingarnar okkar svo við gætum farið heim að sofa,“
segir Hafdís.
Hjónin voru einkar ánægð með salinn og þjónustuna í
veislunni. „Þetta er rosalega fallegur salur. Hann er stór
svo fólk hafði nægilegt pláss til að rölta á milli borða og
dansa um kvöldið. Salurinn er með stillanlegri lýsingu svo
þetta var mjög huggulegt. Þjónarnir voru til fyrirmyndar
í veislunni, duglegir að taka tóma diska og fylla á glös.“
Þau völdu stærðina á sviðinu og ákváðu að hafa púlt
fyrir ræður og veislustjóra. „Við fengum Bjarna töfra-
mann til að skemmta liðinu í veislunni. Hann notaði
hljóðkerfið sem fylgdi salnum og var með uppistand
og tónlistaratriði og svo var hann DJ um kvöldið. Þetta
hljómaði allt rosalega vel. “
Þegar brúðhjónin mættu í veisluna tók þjónn á móti
þeim með freyðivínsglös áður en haldið var inn í salinn.
Borðin voru dreifð um salinn og eins voru lítil kokteil-
borð til að fylla betur upp í salinn, því hann rúmar um
300 manns í sæti en í veislunni voru 89 manns. „Þrátt
fyrir það náðu þau að gera salinn mjög fallegan.“
Hafdís og Hilmar voru sérstaklega ánægð með matinn
sem hótelið sá um. „Við völdum hlaðborð sem kallast
Sveitaveisla og svo franska súkkulaðiköku sem brúðar-
tertu og var hún rosalega góð. Ég mæli hiklaust með að
halda brúðkaupsveislu á Grand Hótel Reykjavík, þetta
var fullkominn dagur.“
Almannatengslafyrirtækið KOM hefur nýtt sér þjónustu
Grand Hótel Reykjavík í fjölda ára. Jón Hákon Magnússon,
framkvæmdarstjóri KOM, segir ekki fara á milli mála að
ráðstefnuaðstaðan hótelinu sé með því besta sem boðið er
upp á hér á landi.
„Við höfum í fjölda ára nýtt okkur fundarherbergi og
fundarsali fyrir fundi, ráðstefnur, blaðamannafundi og
ýmsa atburði. KOM hefur auk þess bókað herbergi fyrir
erlenda fyrirlesara, viðskiptavini og fleiri erlenda aðila á
hótelinu. Við höfum einnig í mörg ár boðið starfsfólki og
lykilsamstarfsmönnum á jólahlaðborðið síðasta föstudag
fyrir jól og er það orðin „tradisjón” hjá okkur.“
Auk þess hefur KOM haldið fjölda sérhæfðra fyrirtækja-
námskeiða í fjölmiðlun og viðtalstækni í fundarher-
bergjum hótelsins. Öllu þessu fylgja kaup á veitingum og
annarri þjónustu hjá hótelinu. „Við höfum nýtt okkur vel
alla ráðstefnuþjónustu Grand Hótel Reykjavík í gegnum
árin og átt góð samskipti við tæknimennina og ráðstefnu-
deildina.
Það sem okkur þykir einnig gott er hve mikil lofthæð
er í stóra ráðstefnusalnum, Gullteig, sem er mjög mikil-
vægt þegar hvert sæti er skipað. Í Gullteigi verður ekki eins
þungt loft og oft reynist í sambærilegum sölum.“
Dagurinn var fullkominn
í alla staði
Úrvals þjónusta og matur
á heimsmælikvarða
Guðmunda Hjörleifsdóttir og fjölskylda eru eigendur
snyrtivörufyrirtækisins Volare frá Vestmannaeyjum.
Þau hafa nýtt þjónustu Grand Hótel Reykjavík í mörg
ár. „Við höfum nýtt flesta þjónustuþætti hótelsins, leigt
ráðstefnusali, gistingu, haldið árshátíðir og notið góðra
veitinga,“ segir Sigursveinn Þórðarson, einn fjölskyl-
dumeðlima. Fyrirtækið hélt meðal annars upp á fimm-
tán ára afmæli sitt og ekkert annað kom til greina en að
velja Grand Hótel Reykjavík. „Þegar við hófum að leita
tilboða fyrir mörgum árum í gistingu, fundaraðstöðu
og veitingar varð Grand Hótel Reykjavík fyrir valinu.
Við höfum eiginlega ekki séð ástæðu til þess að skipta
um hótel eftir það. Við erum í Gullklúbbi hótelsins og
þjónustan er til fyrirmyndar, herbergin eru rúmgóð og
fín og maturinn er á heimsmælikvarða. Við erum mjög
ánægð með þetta samstarf.“
Ráðstefnuaðstaðan
með því besta
sem boðið er upp
á hér á landi
fyrir alla fjölskylduna
Í Setrinu á Grand Hótel Reykjavík kl. 11:30 - 15:00
Yfir 20 girnilegir réttir á borðum.
Barnahorn - afþreying fyrir börnin.
Frítt fyrir börn yngri en 12 ára.
Sunnudagar eru fjölskyldudagar.