Fréttablaðið - 13.10.2012, Blaðsíða 40

KYNNING − AUGLÝSINGHeilsa LAUGARDAGUR 13. OKTÓBER 20122
Útgefandi: 365 miðlar ehf., Skaftahlíð 24, s. 512 5000 Umsjónarmenn auglýsinga: Sverrir Birgir Sverrisson, sverrirbs@365.is, 512-5432Ábyrgðarmaður: Jón Laufdal.
Magn stresshormóna eykst í líkama kvenna þegar þær lesa neikvæðar fréttir í fjöl-
miðlum, til dæmis fréttir af morðum, en lestur slíkra frétta virðist ekki hafa sömu áhrif
á karla. Þetta eru niðurstöður kanadískrar rannsóknar sem náði til sextíu þátttak-
enda á aldrinum 18 til 35 ára. Niðurstöðurnar voru birtar á vefnum www. plosone.
org þann 10. október.
Við aukið stress virtust konurnar einnig sýna meiri viðbrögð í öðrum streitu-
valdandi aðstæðum en karlarnir. Vísindamennirnir segja niðurstöðurnar sýna
„heillandi“ mun á kynjunum og veltu fyrir sér hvort konur geti verið hæfari frá
náttúrunnar hendi í að skilgreina ógn gagnvart afkvæmum sínum, sem hafi
áhrif á það hvernig þær bregðist við stressi. Þá sé einnig áhugavert að konur
skuli vera móttækilegri en karlar fyrir streituvöldum en lifi þó að meðaltali
lengur en karlar. Í því hvernig stress virðist ekki hafa slæm áhrif á hjarta og
æðakerfi kvenna gæti því falist lausn á miklum heilsufarsvanda í heiminum.
Aðrir sérfræðingar benda á að rannsóknin hafi ekki náð til nógu margra ein-
staklinga til að hægt sé að draga af henni ályktanir.
Fréttina má lesa á www.bbc.co.uk.
Slæmar fréttir stressa
konur meira en karla
10 HOLLRÁÐ FYRIR
MEISTARAMÁNUÐ
1. Skrifaðu markmiðin þín niður
og hengdu á ísskápinn eða ein-
hvers staðar þar sem þú sérð þau
á hverjum degi.
2. Ekki setja þér of mörg mark-
mið. Hafðu markmiðin skýr og
raunhæf. Ákveddu til dæmis
hvenær þú ætlar að klára hvert
markmið svo þú frestir því ekki
út allan mánuðinn.
3. Fáðu vini og fjölskyldu
með frá upphafi. Það er miklu
auðveldara og skemmtilegra að
vera með marga með sér í liði í
Meistaramánuðinum.
4. Ef þú ætlar að breyta matar-
æðinu, skipuleggðu þá vikuna
vel og kauptu í matinn fyrir
vikuna. Það getur verið erfitt að
standast freistingarnar svangur í
búðinni.
5. Hættu að „snooza“! Stilltu
vekjaraklukkuna fyrir alla vikuna
og stattu við það frá fyrsta degi.
Ef fyrsti dagurinn er erfiður þá er
bara auðveldara að sofna fyrr um
kvöldið.
6. Ef þú gleymir þér einu sinni,
ekki láta það eyðileggja allan
mánuðinn. Byrjaðu strax aftur.
7. Brostu til fólksins í kringum
þig, ágætis vani.
8. Ekki setja þér bara mark-
mið tengd heilsurækt. Notaðu
tækifærið og tæklaðu það sem
þú hefur alltaf ætlað að gera en
hefur af einhverjum ástæðum
frestað.
9. Komdu þér út úr þæginda-
hringnum (e. comfort zone) og
lærðu eitthvað nýtt. Skráðu þig
á námskeið eða gerðu eitthvað
sem þú hélst alltaf að þú gætir
ekki.
10. Lifðu áfram eins og meistari.
Taktu það besta úr Meistaramán-
uði með þér inn í hina mán-
uðina. 31 dagur er nógu langur
tími til að búa til hefð.