Fréttablaðið - 26.10.2012, Page 39

Sjá nánar á visir.is/lifid
„Við Edda settumst niður árið 2004 og unnum beina-
grind að námskeiðunum sem við höfum svo aðlagað
eftir þörfum,“ segir íþróttafræðingurinn og jógakenn-
arinn Bjargey Aðalsteinsdóttir. Námskeiðin heita Ný og
betri og eru ýmist í boði fyrir konur og pör. Gestafyrir-
lesararnir eru nokkrir og í febrúar verður Edda með í
för. Þá verður haldið til Tenerife og er sú ferð einungis
hugsuð fyrir konur. Í júní verður svo boðið upp á para-
ferð og þá verður Ásdís Olsen, sem hefur fjallað vítt
og breitt um hamingjuna, Bjargeyju innan handar. „Þá
erum við með nýja ferð á prjónunum sem hefur fengið
nafnið Ný og betri exotic, en við eigum eftir að móta
hana frekar,“ segir Bjargey.
Á námskeiðunum er fléttað saman hreyfingu, nær-
ingarfræði og lífsstílsfyrirlestrum. „Við byrjum alla
morgna á hreyfingu niðri á strönd og er það upp lifun
sem flestir kunna að meta, enda höfum við Íslend-
ingar sjaldan tækifæri til þess að gera morgunæfingar
á ströndinni. Við förum í gönguferðir og gerum jóga.
Næst tekur við góður morgunverður og gefum við
okkur góðan tíma í hann enda leggjum við mikið upp
úr því að það sé ekkert stress. Í kjölfarið er boðið upp
á fyrirlestra en formlegri dagskrá lýkur klukkan hálf
tvö og þá fá þátttakendur tækifæri til að spóka sig í
sólinni.“ Skipulögð dagskrá er fimm daga vikunnar en
tveir dagar eru frjálsir. Boðið er upp á eina sameigin-
lega kvöldmáltíð en að öðru leyti ræður fólk sér sjálft.
Bjargey segir mikið um að vinkonur, mæðgur og
jafnvel heilu saumaklúbbarnir fari í konuferðirnar. „Það
er þó alltaf eitthvað um að konur séu einar á ferð en
yfirleitt tekst vinskapur með fólki og margar halda hóp-
inn að ferðinni lokinni.“ Bjargey segir gaman að fylgj-
ast með fólkinu sem sækir námskeiðin blómstra. „Það
felst í þessu töluverð sjálfsskoðun en við erum þó ekki
að fara mjög djúpt og kafa eftir gömlum sárum. Við
erum bara aðeins að klóra í og vekja fólk til vitundar
um nýjan og betri lífsstíl.“ Bjargey segist finna mun á
því fólki sem sækir námskeiðin nú og í upphafi. „Ef
við tökum konunámskeiðin sem dæmi þá finnst mér
þær í miklu betra formi og margar eru þegar búnar
að breyta venjum sínum heilmikið. Sumar óska jafnvel
eftir meiri hreyfingu en þannig var það ekki til að byrja
með. Þetta finnst mér afar jákvæð þróun.“
Allar nánari upplýsingar um námskeiðin er að finna
á heimasíðu Úrvals Útsýnar www.urvalutsyn.is undir
flipanum sérferðir.
ENDURNÆRANDI NÁMSKEIÐ
Þær Bjargey og Edda eru komnar á fullt við að skipuleggja ferðina í febrúar.
MYND/GVA
Boðið er upp á lífsstílsfyrirlestra af ýmsu tagi.
Námskeiðin eru bæði haldin að sumri og vetri og ávallt reynt að velja stað þar sem mestar líkur eru á góðu veðri hverju sinni.
Það er létt yfir þeim Eddu og Bjargeyju og oft skapast góð vinátta
meðal þátttakenda.
Allir morgnar byrja á líkamsrækt við ströndina.
AUGLÝSING: ÚRVAL ÚTSÝN KYNNIR
Úrval Útsýn býður spennandi vikunámskeið í samstarfi við leikkonuna Eddu Björgvinsdóttur og íþróttafræð-
inginn Bjargeyju Aðalsteinsdóttur 23. febrúar næstkomandi. Sams konar námskeið hafa verið á boðstólum
undanfarin ár og síðast komust færri að en vildu. Um er að ræða endurnærandi lífsstílsnámskeið.