Fréttablaðið - 13.11.2012, Blaðsíða 19

HELGI HJÖRVAR 2. SÆTIFREYJA STEINGRÍMSDÓTTIR 7.-8. SÆTI
Forysta jafnaðarmanna
Helgi Hjörvar er formaður efnahags- og
viðskiptanefndar Alþingis og formaður
jafnaðarmanna í Norðurlandaráði. Hann
hefur verið formaður umhverfisnefndar
Alþingis, forseti Norðurlandaráðs og forseti
borgarstjórnar og auk þess sinnt öðrum
forystuverkefnum m.a. í samtökum fatlaðra.
Áföstudag og laugardag gefst okkur íSamfylkingunni kostur á að velja forystu flokksins í Reykjavík. Ég sækist eftir
stuðningi ykkar til að leiða annað kjördæmið
hér í Reykjavík, en sit nú í öðru sæti á eftir
Jóhönnu Sigurðardóttur í Reykjavík norður.
Jafnaðarmenn á hinum Norðurlöndunum
hafa haft forystu um uppbyggingu norræns
velferðarríkis. Það var reist á rústum krepp -
unnar miklu. Það skiptir framtíð Íslands öllu
máli að endurreisnin hér sé líka undir forystu
jafnaðarmanna. Aðeins þannig verða jöfnuður,
almannahagsmunir, þjóðareign auðlinda, öflugt
velferðarkerfi og alþjóðleg samvinna í öndvegi.
Það fer auk þess vel á því að við sem höfðum
forystu um hreinsunarstarfið, leiðum áfram
uppbygginguna.
Árangur og umboð
Sígandi lukka er best. Víða um lönd hefur
viðsnúningurinn á Íslandi vakið verðskuldaða
athygli. Við jafnaðarmenn getum gengið bjart-
sýn til kosninga vegna þess góða árangurs sem
náðst hefur. Um leið verðum við af eldmóði
að vinna úr erfiðleikum sem hópar fólks og
fyrirtækja glíma enn við. Þar er stórum verk-
efnum enn ólokið.
Ég hef á þessu kjörtímabili leitt starf Norður-
landaráðs og haldið utan um efnahags- og
skattamál í þinginu. Þá bættust bankamálin
við sl. vetur en þar eigum við í Samfylkingunni
enn mikið ógert til að bæta úr málum. Í þessum
verkum er spurt um umboð. Til þess að ná
árangri í þeim þarf maður sterkt umboð frá
félögum sínum. Þess vegna sækist ég eftir
þínum stuðningi til að leiða annað kjördæmið
í Reykjavík.
Munum:
að tryggja þarf þjóðareign auð-
linda í stjórnarskrá og arð af auð-
lindum í auðlindasjóð.
að það er forgangsmál að efla vel-
ferðarkerfið og berjast gegn fátækt.
að tryggja þarf stöðu almennings
gegn bönkunum og aðskilja starf-
semi fjárfestingarbanka og við-
skiptabanka.
að launamisrétti kynjanna er út-
breiddasta óréttlætið í samfélaginu.
að við þurfum gjaldmiðil
sem er hvorki verðtryggður,
gengistryggður né með okurvöxtum.
Heilbrigðari stjórnmál
Freyja Steingrímsdóttir, stjórnmálafræð-
ingur, býður sig fram í 7. - 8. sæti í flokksvali
Samfylkingarinnar í Reykjavík. Freyja er 23
ára Reykvíkingur og stundar nú framhalds-
nám í hagnýtum jafnréttisfræðum sam-
hliða verkefnavinnu fyrir lektor við stjórn-
málafræðideild HÍ og ýmsum nefndarstörfum.
Freyja Steingrímsdóttir stígur ung og fersk fram á svið stjórnmálanna með háleitar hugmyndir og skoðanir á málefnum hins
íslenska samfélags. Lýðræði, jafnrétti og heil-
brigð stjórnmál eru Freyju efst í huga en sér í
lagi leggur hún áherslu á aðkomu unga fólksins
að hinum hefðbundnu stofnunum lýðræðisins.
Brúum kynslóðabilið
Freyja leggur áherslu á að brúa kynslóðabilið
í íslenskum stjórnmálum, stuðla að virkri um-
ræðuhefð og auka traust almennings, einkum
ungs fólks, á stjórnmálum með heilbrigðari
starfsháttum. Jafnframt eru málefni og hags-
munir ungmenna Freyju hugleiknir en hún vill
að stjórnvöld beiti sér sérstaklega fyrir málefn-
um þeirra, sér í lagi á sviði mennta- og atvinnu-
mála.
Stjórnmálin og flokkarnir eru að eldast, þeir
höfða ekki lengur til yngstu kjósendanna. Gjá
hefur myndast á milli ungmenna, sem hafa
áhuga á stjórnmálum en finna sig ekki á hinum
hefðbundna stjórnmálavettvangi, og stjórn-
málamanna sem stunda gamaldags stjórnmál
og skilja ekki áhugaleysi ungmenna á þeim.
Veruleiki ungs fólks kallar á sérstæð hags-
munamál og sértæka fulltrúa.
Gerendahæfni á alþjóðavettvangi
Íslendingar þurfa að halda áfram að vera sterkir
gerendur á sviði alþjóðastjórnmála. Gerenda-
hæfni okkar á taflborði alþjóðasamfélagsins
hefur aukist samfara vaxandi sjálfstrausti okkar
og höfum við raunverulegt tækifæri til áhrifa á
þeim vettvangi. Aukin framlög til þróunarað-
stoðar telur Freyja jafnframt vera forgangsatriði
Aðild Íslands að Evrópusambandinu er
Freyju hjartans mál enda telur hún hagsmunum
Íslendinga vera best borgið í náinni samvinnu
við aðrar Evrópuþjóðir.
Áherslumál:
Málefni yngsta kjósendahópsins:
Brúum kynslóðabilið yfir í
heilbrigðari stjórnmál
Heilbrigðari stjórnmál:
Þverpólítísk samvinna og
umræðustjórnmál
Jafnrétti fyrir alla:
Grundvallaratriði í réttlátu
samfélagi jöfnuðar
Gerendahæfni á alþjóðavettvangi:
Beitum okkur á sviði mannúðar- og
lýðræðismála
Ísland og Evrópa: Gríðarmikið
hagsmunamál fyrir almenning
Samfylkingin í Reykjavík
FLOKKSVAL 16. OG 17.NÓVEMBER
2012
Netkosning fer fram á www.samfylkingin.is eða í Laugardalshöllinni
Freyja
7.-8. sæti
Helgi
2. sæti
Mörður
3. sæti
Ósk
6. sæti
Sigríður
1.-2. sæti
Skúli
2.-3. sæti
Teitur
4.-5. sæti
Valgerður
1.-2. sæti
Össur
1. sæti
Hrafnhildur
5. sæti
Anna
3.-4. sæti
Arnar
4.-5. sæti
Björk
3.-4. sæti
Flokksval Samfylkingarinnar í Reykjavík vegna alþingis -kosninganna 2013 fer fram með netkosningu föstu-daginn 16. og laugardaginn 17. nóvember. Kosning
fer fram á heimasíðu Samfylkingarinnar, samfylkingin.is
og þar eru leiðbeiningar um hvernig netkosning fer fram
ásamt upplýsingum um flokksvalið og frambjóðendur.
Kosningarétt hafa flokksfélagar í Samfylkingarfélögunum
í Reykjavík sem höfðu skráð sig fyrir lokun kjörskrár.
Kjörstaður í Laugardalshöll 17. nóvember
Fyrir þá sem þurfa aðstoð við kosninguna, hafa ekki aðgang
að tölvu eða nota ekki heimabanka verður kjörstaður í
Laugardalshöll laugardaginn 17. nóvember. Þar verður opið kl.
10.00-18.00 og ilmandi kaffi á könnunni.
Utankjörfundaratkvæðagreiðsla
Þeir sem ekki eiga þess kost á að mæta á kjörstað á laugar-
daginn geta kosið utan kjörfundar á skrifstofu Samfylk-
ingarinnar á Hallveigarstíg 1, 2. hæð. Þar er gott aðgengi
fyrir alla. Utankjörfundaratkvæðagreiðslan er opin 12.-
15. nóvember kl. 16.00-19.00 og föstudaginn 16. nóvember
kl. 14.00-19.00.
Kjósendur í flokksvalinu velja frambjóðendur í bæði
Reykjavíkurkjördæmin. Þeir tveir frambjóðendur sem
fá flest atkvæði munu skipa forystusætin, hvor á sínum
framboðslistanum. Kjósendur skulu velja átta frambjóð-
endur, hvorki fleiri né færri. Átta efstu sætin eru bindandi að
teknu tilliti til jafns kynjahlutfalls.