Fréttablaðið - 13.11.2012, Blaðsíða 21

3 |
SKÚLI ÞÓR HELGASON 2.-3. SÆTI
Sköpum betra samfélag
Skúli Helgason var formaður nefnd-
ar Alþingis um eflingu græna hagkerfisins
og formaður starfshóps um samþættingu
menntunar og atvinnu. Skúli er varaformaður
allsherjar- og menntamálanefndar Alþingis.
Skúli er 47 ára, kvæntur og fjögurra barna faðir.
Samfylkingin hefur stýrt rústabjörgun eftir hrun og höfum við náð miklum árangri í að koma jafnvægi á ríkisfjármálin, sem
er forsenda þess að hægt sé að auka velferð og
hagsæld í samfélaginu.
Kjarkur gegn tregðu
En verkefni okkar er hvergi nærri lokið. Nú
þurfum við að efla innviði almannaþjónustunn -
ar, endurskoða landbúnaðarkerfið, opna kvóta-
kerfi ð fyrir nýliðun og eðlilegri samkeppni,
styrkja neytendavernd ekki síst á fjármála-
markaði og bæta þjónustu mennta- og velferðar-
kerfis. Þetta eru risavaxin verkefni sem útheimta
mikið úthald og útsjónarsemi en þó aðallega
kjark til að standast tregðulögmál og ágjöf
sérhagsmunaafla í samfélaginu. Ég treysti mér
vel í þann leiðangur eftir þá dýrmætu reynslu
sem ég hef aflað mér á kjörtímabilinu. Ég mun
áfram einbeita mér að því að vinna málefnalega,
leita lausna og koma góðum hlutum í verk.
Græna hagkerfið vísar veginn
Ég er stoltur af stefnunni um græna hagkerfið
þar nýttum við krafta fólks úr öllum flokkum
til að móta umhverfisvæna efnahagsstefnu til
framtíðar og sýndum fram á að Alþingi getur
náð saman um þjóðþrifamál ef vilji er fyrir hendi.
Nú erum við að tryggja fjármagn til að hrinda
fyrsta áfanga stefnunnar í framkvæmd strax
eftir áramót.
Ég hef leitt vinnu við samþættingu mennta- og
atvinnustefnu og hún hefur sannfært mig um
það að umbætur í menntamálum eru lykillinn
að því að skapa hér á landi fjölbreytt atvinnulíf
sem byggir á nýsköpun og tækniþekkingu. Við
þurfum að skapa nemendamiðað menntakerfi,
sem virkjar styrkleika allra nemenda og kveikir
forvitni þeirra með fjölbreyttum kennsluháttum.
Áherslumál:
Græna hagkerfið sameinar verð-
mætasköpun og umhverfisvernd.
Virkjum heilbrigða samkeppni í
sjávarútvegi og landbúnaði.
Skerum upp herör gegn skatt-
svikum, sem ógna samfélagssátt-
inni.
Menntakerfið dragi fram styrk-
leika nemenda og kveiki áhuga
þeirra.
Ég vil berjast fyrir bættri meðferð
kynferðisbrotamála og öflugri
forvörnum.
VALGERÐUR BJARNADÓTTIR 1.-2. SÆTI
Þor & þrautseigja
Ég hef mikla starfsreynslu: Í einkageiranum,
á sviði alþjóðamála og í opinberri þjónustu.
Hef verið á vinnumarkaði í tveimur löndum í
35 ár. Hef setið eitt kjörtímabil á þingi og óska
eftir umboði til þess að halda áfram að vinna
þar að mínum baráttumálum.
Ég hef setið eitt kjörtímabil á þingi og sækist nú eftir að leiða lista í Reykjavík. Undanfarið hefur aðalverkefnið verið
stjórnarskrármálið. Það var ekki auðveld sigl-
ing og stundum hélt ég að við værum komin
upp á sker. En okkur tókst alltaf að rétta bátinn
af. Vissulega hefur reynt á þrautseigjuna, en af
henni hef ég nóg.
Þjóðaratkvæðagreiðslan þann 20. október
var stórsigur. Sést það enda á viðbrögðum and-
stæðinganna sem sumir virðast líta svo á að
stjórnmálamenn einir – eða kannski bara einn
stjórnmálaflokkur? – hafi leyfi, burði og getu til
að gera tillögu að nýrri stjórnarskrá.
Siglum stjórnarskránni í höfn
Á næstu dögum, ef ekki nú þegar, liggur fyrir
frumvarp að nýrri stjórnarskrá, byggt á til-
lögum stjórnlagaráðs. Aðeins skemmdaverk
getur komið í veg fyrir að ný stjórnarskrá
verði afgreidd á Alþingi fyrir kosningar í vor.
Endahnúturinn verður bundinn á næsta kjör-
tímabili, en nýtt þing lýkur afgreiðslu málsins.
Þessu máli vil ég fylgja áfram.
Réttur fólksins
Það er skelfilegt að fólk veigri sér við að standa á
rétti sínum gagnvart hinu opinbera. Í skýrslum
Umboðsmanns Alþingis kemur fram að sú er
virkilega raunin. Þingið hefur eftirlit með fram-
kvæmdarvaldinu, og verður að fylgjast með því
að fólk geti treyst stofnunum ríkisins.
Fyrri hluta kjörtímabilsins var ég varafor-
maður utanríksmálanefndar. Þar hef ég getað
fylgst með því að fagmannlega hefur verið stað-
að að aðildarviðræðum við ESB. Þeim verður
að sjálfsögðu að ljúka áður en málið verður lagt
í dóm þjóðarinnar.
Baráttumál:
Alþingi samþykki frumvarp að
nýrri stjórnarskrá, fyrir kosningar.
Nýtt þing þarf að staðfesta
stjórnarskrárfrumvarpið.
Fólk má ekki óttast hið opinbera.
Þingið verður að fylgjast með
því að fólk geti treyst stofnunum
ríkisins.
Ljúkum aðildarviðræðum um ESB.
Þá segir þjóðin sitt álit.
Við jafnaðarmenn, öll, berjumst
fyrir: Jöfnuði, atvinnu og velferð.
SIGRÍÐUR INGIBJÖRG INGADÓTTIR 1.-2. SÆTI
Sanngirni og samvinna
Sigríður Ingibjörg er hagfræðingur með
áhuga á velferðar- og efnahagsmálum. Hún
er gift, á fjögur börn og hefur áhuga á fólki.
Hægt er að kynna sér stefnu hennar og störf á
sigriduringibjorg.is og facebook.com.
Ég býð mig fram í 1.-2. sæti í flokksvali Samfylkingarinnar í Reykjavík. Í síðustu kosningum leiddi kona aðeins einn af
sex framboðslistum Samfylkingarinnar. Það
er óviðunandi fyrir nútímalegan jafnaðar-
mannaflokk og ég vil leggja mitt af mörkum til
að breyta því. Ég er hagfræðingur með áhuga
á velferðarmálum, húsnæðismálum og efna-
hagsmálum. Á yfirstandandi kjörtímabili leiddi
ég samráðshóp um nýja húsnæðisstefnu og
hef ég verið formaður félagsmálanefndar, fjár-
laganefndar og nú velferðarnefndar Alþing-
is. Í nefndarstörfum hef ég lagt áherslu á
samvinnu óháð flokkum þó að ég hræðist ekki
hugmyndafræðileg átök.
Við höfum tekist á við afleiðingar efnahags-
hrunsins en samtímis breytt áherslum í íslensku
samfélagi og aukið jöfnuð. Enn er mikið starf
óunnið við að endurreisa íslenskan efnahag og
mikilvægt að dreifa byrðunum með réttlátum
hætti. Skattakerfinu var breytt til að verja hag
lág- og millitekjufólks. Mikilvægt er að standa
vörð um þessar breytingar og vinna áfram að
sanngjörnu skattakerfi.
Húsnæðis- og velferðarmál
Á næsta kjörtímabili vil ég leggja áherslu á
að breyta húsnæðiskerfinu með því að skapa
öruggan leigumarkað, draga úr vægi verðtrygg-
ingar og lækka vaxtakostnað. Skapa þarf sam-
stöðu um þær breytingar.
Afleiðingar hrunsins hafa óhjákvæmilega
reynt á grunnstoðir velferðarríkisins. Álag á
starfsfólk er víða mikið, ekki síst á fjölmennar
kvennastéttir í heilbrigðis- og menntakerfinu
sem hafa haldið íslensku samfélagi gangandi.
Með batnandi hag ríkissjóðs vil ég forgangsraða í
þágu velferðarþjónustu. Með auknum jöfnuði og
félagslegu réttlæti byggjum við betra samfélag.
Áherslumál:
Ný húsnæðisstefna. Virkan og
öruggan leigumarkað, minna vægi
verðtryggingar og lægri vexti.
Velferðarþjónusta í forgang. Styrkj-
um undirstöður velferðarríkisins,
sjúkrahús, hjúkrunarheimili, félags-
þjónustu og skóla.
Sanngjarnt skattakerfi og
almannatryggingar.
Ábyrg hagstjórn forsenda velferðar.
ESB-aðild. Klárum samningavið-
ræður.
TEITUR ATLASON 4.-5. SÆTI
Saman tökum við þetta
Teitur Atlason er fæddur árið 1969 í
Reykjavík. Hann er giftur Ingunni Jóns-
dóttur og saman eiga þau tvo syni, Bessa og
Leó. Teitur á unglingsdótturina Auði úr fyrra
sambandi.
Góðu kjörtímabili að ljúka og nú þarf nýtt fólk í bland við það gamla til að halda áfram. Samfylkingin má ekki verða
sama fylkingin aftur og aftur. Ég er tilbúinn
að berjast fyrir jafnaðarmannastefnunni og
ég vil taka þátt í því að móta réttlátt og fagurt
samfélag. Ég hef alltaf stefnt að afskiptum
af stjórnmálum og tíminn er tilvalinn. Ég er
óhræddur og ég held að það sé góður eiginleiki
í pólitík.
Fulltrúi venjulegs fólks
Ég er ekki í neinni klíku og var ekki í 20 ára
afmælisveislu Röskvu. Ætli ég geti ekki talist
fulltrúi venjulegra kjósenda Samfylkingarinnar
í þessu prófkjöri. Ég er gegnheill sósíaldemókrati
og sæki pólitískan innblástur til grunngilda
jafnaðarmannastefnunnar.
Ég vil færa Samfylkinguna til vinstri, nær
kjarnanum, og styrkja tengslin við verkalýðs-
hreyfinguna. Um leið þurfum við að ráða við
að vera ósammála um einstök mál, syngja
margraddað en í réttum tón. Þannig eru stóru
jafnaðarmannaflokkar Norðurlanda og þangað
eigum við að sækja okkur innblástur og fyrir-
myndir.
Endurnýjun er nauðsynleg
Ég vil koma því á einhvern veginn að fólk sitji
ekki á þingi meira en tvö kjörtímabil. Fólk sem
tekur þátt í stjórnmálastarfi ætti að vera með
skýr tímasett markmið. Reynsluboltarnir ættu
svo að leggja grasrótinni lið. Stjórnmálin eru
ekki bara fyrir atvinnumenn eða sérfræðinga
– þau eru líka fyrir okkur hin. Það sem þarf er
hugrekki og dugnaður, hugsjónir jafnaðar-
manna og heilbrigð dómgreind. Þess vegna gef
ég kost á mér og sækist eftir 4.-5. sætinu.
Áherslumál:
Breiðari trygginaverd:
Tannlækningar ættu að vera hluti
af velferðarkefinu.
Málfrelsissjóður: sem hefði það
hlutverk að verja blaðamenn og
bloggara gegn málshöfðunum.
Skatt á ofurlaun: Fordæmi frá
Frakklandi. 75% skatt á ofurlaun
Málefni flóttafólks: Við eigum að
taka vel á móti flóttafólki.
Einstæðir feður: Margir festast
í fátæktargildru réttindalausir í
svartri vinnu.
Samfylkingin í Reykjavík | FLOKKSVAL 2012