Fréttablaðið - 13.11.2012, Blaðsíða 12

12 13. nóvember 2012 ÞRIÐJUDAGUR
FRÉTTABLAÐIÐ Skaftahlíð 24, 105 Reykjavík SÍMI: 512 5000, ritstjorn@frettabladid.is FRÉTTASTJÓRAR: Arndís Þorgeirsdóttir arndis@frettabladid.is, Kristján Hjálmarsson, kristjan@frettabladid.is og Trausti Hafliðason trausti@frettabladid.is
HELGAREFNI: Sigríður Björg Tómasdóttir, ritstjórnarfulltrúi, sigridur@frettabladid.is MENNING: Bergsteinn Sigurðsson bergsteinn@frettabladid.is DÆGURMÁL: Kjartan Guðmundsson kjartan@frettabladid.is FÓLK OG SÉRBLÖÐ: Elín Albertsdóttir elin@365.is og Vera Einarsdóttir vera@365.is
ÍÞRÓTTIR: Sigurður Elvar Þórólfsson seth@frettabladid.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Kolbrún Ingibergsdóttir kolbrun@frettabladid.is
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Ari Edwald
RITSTJÓRI: Ólafur Þ. Stephensen olafur@frettabladid.is AÐSTOÐARRITSTJÓRI: Steinunn Stefánsdóttir steinunn@frettabladid.is
Fréttablaðið kemur út í 90.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að
fá blaðið í völdum verslunum á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í
gagnabönkum án endurgjalds. Issn 1670-3871
greinar@frettabladid.is
FRÁ DEGI TIL DAGS
HALLDÓR
Ólafur Þ.
Stephensen
olafur@frettabladid.is
SKOÐUN
Síðastliðinn fimmtudag skrifaði Arna Mathiesen arkitekt grein í Fréttablað-
ið um skipulagsmál og spurði skipulags-
yfirvöld í Reykjavík nokkurra spurninga.
Áhugi Örnu á skipulagsmálum í Reykjavík
er lofsverður. Okkur er bæði ljúft og skylt
að bregðast við.
Einn mikilvægasti þátturinn í nýju
Aðalskipulagi Reykjavíkur er að leið-
rétta misræmið sem er á milli austur-
hluta borgarinnar, þar sem flestir búa, og
vesturborgarinnar, þar sem flestir vinna.
Þetta ójafnvægi hefur í för með sér mikið
umferðarálag kvölds og morgna þar sem
umferðin fer að mestu í aðra átt og nýtir
gatnakerfið því illa. Lausnin er einföld,
fjölga íbúðarhúsnæði í vesturhlutanum
og falla frá uppbyggingu nýrra úthverfa í
austurborginni.
Eitt mikilvægasta leiðarstefið í nýju
Aðalskipulagi er félagsleg blöndun. Upp-
bygging við Gömlu höfnina er einungis lítill
hluti af þeirri uppbyggingu sem fyrirhug-
uð er í vesturhluta borgarinnar. Áhersla á
litlar íbúðir útilokar ekki að stærri íbúðir
verði byggðar. Þó er ljóst að mesta þörfin
núna er á litlum íbúðum miðsvæðis. Borg-
aryfirvöld verða að bregðast við því.
Það er ekki stefnt að því að byggja á úti-
vistarsvæðum borgarinnar, svo sem göml-
um gæsluvöllum. Þétting byggðarinnar er
hugsuð á óbyggðum lóðum og því borgar-
landi sem er illa nýtt, svo sem veghelgunar-
svæðum, bílastæðum og gömlum athafna-
svæðum.
Engin ný úthverfi verða byggð í Reykja-
vík sem íbúabyggð. Vissulega verður áfram
gert ráð fyrir plássfreku athafnasvæði
austan við íbúasvæðið, á Esjumelum, Álfs-
nesi og Hólmsheiði. Uppbygging atvinnu-
húsnæðis í austurbænum styður markmið
aðalskipulagsins um að dreifa umferðar-
álagi.
Skipulag Austurhafnarinnar við Hörpu
liggur fyrir. Ein af forsendum fyrir rekstri
ráðstefnuhluta hússins er að við hlið þess
verði byggt hótel, rekið undir alþjóðlegu
vörumerki. Það er mikilvægt að koma
rekstri Hörpunnar í gott horf og óþarfi
að óttast að þetta glæsilega hús hverfi úr
bæjarmyndinni þó að byggt verði vestan
við það.
Í vetur verður unnið Hverfisskipulag
fyrir átta borgarhluta Reykjavíkur þar
sem mikil áhersla verður lögð á samráð
og kynningar. Þá mun öllum borgarbúum
gefast tækifæri til að koma á framfæri hug-
myndum er varða framtíð síns hverfis.
Skipulag í Reykjavík
Skipulags-
mál
Páll Hjaltason
formaður
skipulagsráðs
Hjálmar
Sveinsson
varaformaður
skipulagsráðs
S
kattahækkanir voru óumflýjanlegar til að ná endum saman
í ríkisrekstrinum eftir hrun, um það eru flestir sammála.
Um hitt greinir menn á, hvort gengið hafi verið of langt
í skattahækkunum og þá of skammt í lækkun kostnaðar
hins opinbera. Sömuleiðis er deilt um hvort viðleitni til að
ná fram jöfnuði í gegnum skattkerfið hafi skilað tilætluðum árangri
eða hvort hún sé beinlínis farin að draga úr hvata fólks til að vinna
og skapa verðmæti. Um eitt þarf hins vegar ekki að deila; breytingar
á skattkerfinu eftir hrun hafa gert það flóknara, ógegnsærra og tor-
skildara.
Samtök atvinnulífsins gáfu í
síðustu viku út rit um skattkerfið
undir yfirskriftinni „Ræktun
eða rányrkja“. Það vísar til þess
að rétt eins og hægt er að ganga
of nærri nytjastofni í sjónum við
Ísland, þannig að hann hætti að
skila verðmætum í þjóðarbúið,
er hægt að skattpína fólk og fyrirtæki þannig að það hefur öfugar
afleiðingar til lengri tíma; að tekjur ríkisins minnki hreinlega í stað-
inn fyrir að vaxa eins og stefnt var að.
SA bendir annars vegar á að skattaumhverfi í landinu eigi að
stefna að því að vera sem hagkvæmast og skilvirkast tekjuöflun-
artæki ríkis og sveitarfélaga. Til þess þurfi skattstofnar að vera
breiðir, kerfið gegnsætt og einfalt og skattprósentur fáar og lágar.
Hins vegar benda samtökin á að til þess að ýta undir fjárfestingar í
atvinnulífinu þurfi rekstrarumhverfi þess að vera stöðugt. Óhóflega
tíðar skattabreytingar valdi vandræðum og kostnaði. Sumar skatta-
hækkanir síðustu ára hafi eingöngu aukið flækjur og gert atvinnu-
lífinu erfitt fyrir, en ekki aukið tekjur eins og þær áttu að gera.
Þetta hljóta að vera röksemdir sem stjórnvöld vilja skoða, í sam-
vinnu við atvinnulífið. Að minnsta kosti í orði kveðnu vill ríkis-
stjórnin efla erlenda fjárfestingu á Íslandi. Það hefur ekki breytzt
á síðustu árum að vegna smæðar sinnar, fjarlægðar frá mörkuðum
og annarra náttúrulegra ókosta þarf Ísland að bjóða enn hagstæðara
rekstrarumhverfi fyrirtækja en löndin sem við erum í samkeppni
við, eigi að takast að laða hingað erlenda fjárfestingu.
Þróunin undanfarin ár hefur frekar verið í hina áttina, eins og SA
bendir á. Fyrir hrun var íslenzka skattkerfið nokkuð samkeppnis-
hæft, en fæstar breytingarnar sem gerðar hafa verið síðan hafa
stuðlað að því að laða hingað erlenda fjárfesta. Þegar ríkisstjórnin
svíkur beinlínis gerða samninga við atvinnulífið, eins og um lækkun
tryggingagjaldsins og að aukaskattur á stóriðju gildi aðeins tiltekinn
árafjölda, er ekki líklegt að erlendir fjárfestar flykkist hingað.
Nú er ekki við því að búast að fyrirtækin í landinu fagni nokkurn
tímann aukinni skattlagningu. Það er samt ástæða til að stjórnvöld
taki mark á þeirri ábendingu SA að æskilegast væri að ríkisstjórn-
in færi að eigin leiðbeiningum um að hafa samráð við þá sem eiga
hagsmuna að gæta og meta áhrif breytinga við undirbúning stjórnar-
frumvarpa. Núna er til dæmis sú staða uppi að ákvæði í fjárlaga-
frumvarpinu um hækkun skatta á ferðaþjónustuna eru þegar farin
að skaða atvinnugreinina, áður en þau hafa tekið gildi – og kannski
taka þau ekki gildi óbreytt. Þetta hefði mátt forðast með því að leggja
meiri rækt við samráð við atvinnugreinina.
Flóknar, tíðar og ógegnsæjar skattabreytingar:
Óræktarlegt
skattkerfi
Erfitt
Prófessorarnir Gunnar Helgi Krist-
insson og Hannes Hólmsteinn
Gissurarson eru farnir karpa um
það hver gerir Bjarna Benedikts-
syni erfiðast fyrir að vera formaður
Sjálfstæðisflokksins. Gunnar segir að
það sé Davíð Oddsson, sem barði á
Bjarna í kringum Icesave-
málið, en Hannes að
það sé Þorsteinn Páls-
son, sem hafi tekið sæti
í samninganefnd Íslands
við Evrópusambandið
þvert á vilja landsfundar
flokksins. Svo eru enn aðrir
sem segja að Bjarni geri
sér sjálfur erfitt fyrir
með viðskiptafortíð sinni, og benda
á árangur siðapostulans Vilhjálms
Bjarnasonar í nýafstöðnu prófkjöri
því til stuðnings.
Óþægilegt
Um þetta mun fólk eflaust rífast
næstu vikur án þess að komast
að niðurstöðu, annarri en
þeirri að Bjarni eigi einhverra
hluta vegna dálítið erfitt
með að vera formaður Sjálf-
stæðisflokksins. Það hlýtur
að vera óþægileg staða fyrir
hann.
Hálfviti
Talandi um Vilhjálm Bjarnason. Hann
er hress og nú er hann senn á leiðinni
á þing. Vilhjálmur er vanur því að
gagnrýna flest í samfélagi sínu en
þarf fljótlega að venjast því að vera
andlag gagnrýninnar umfjöllunar, sem
þingmenn eru og eiga að vera. Hann
skortir greinilega æfingu í því, eins
og kom í ljós í viðtali við DV í gær
þar sem hann brást við spurningu
blaðamanns með því að ýja að
því að hann væri hálfviti, svo að
notað sé orðalag Vilhjálms sjálfs.
Sem betur fer getur Vilhjálmur enn
hugsað sinn gang í hálft ár
fram að kosningum.
stigur@frettabladid.is