Fréttablaðið - 14.12.2012, Síða 32
14. desember 2012 FÖSTUDAGUR| SKOÐUN | 32
Pabbi stendur við gönguljós einn eftir-
miðdaginn á Snorrabraut-
inni með stelpurnar sínar
í hvora hönd. Sú yngri er
glöð og kát, hoppandi og
skoppandi. Pabbinn bíður
samviskusamlega eftir
græna kallinum en litlan
hoppar og skoppar óvart
út á götu. Pabbinn þrífur
hana snöggt til sín og bíll
þýtur fram hjá sekúndu-
brotum síðar langt yfir löglegum
ökuhraða. Pabbinn fær mikinn
hjartslátt, vill ekki hugsa hvað
hefði getað orðið…
Kona sest inn í bíl sem lagt er á
bílastæði við Snorrabraut. Rétt í
þann mund sem hún er sest keyr-
ir annar bíll utan í kyrrstæðan
bílinn – yfir löglegum ökuhraða.
Konan situr stjörf í bílnum, vill
ekki hugsa hvað hefði getað orðið.
Þessar örsögur eru sannar og
það sem meira er; þær fjalla um
mína nánustu fjölskyldu, dóttur
mína fimm ára og móður mína.
Þessar sögur eru aðeins brota-
brot af mörgum sögum sem ég
gæti fyllt heila bók af. Nú hef ég
flutt mig tímabundið til útlanda
en í hvert sinn sem við förum
yfir stóra og hættulega götu
er hún kölluð Snorrabrautin af
dætrum mínum. Þær eru hrædd-
ari við Snorrabrautina en Grýlu,
þær vilja að við flytjum hinum
megin við þessa ógn þegar við
komum heim svo að þær geti
gengið einar í skólann. Ég þekki
nokkrar fjölskyldur sem hafa
flutt vegna þessarar götu.
Til skoðunar
Ég vildi gjarnan hætta að þurfa
segja sögur um lífsháska við
Snorrabraut. Þetta er
þriðja árið í röð sem ég
skrifa til borgarstjórnar
um ógnina miklu. Fyrsta
árið fékk ég þau svör að
ég þyrfti ekki að hafa
áhyggjur því það væri
búið að gera ráð fyrir
breytingum, að akrein-
um yrði fækkað og hjóla-
akrein væri á planinu.
Ég sendi aftur bréfið ári
síðar og sendi inn tillögu
á Betri Reykjavík til að krefjast
umbóta eða lagfæringar. Hug-
myndin mín Lífvænleg Snorra-
braut er nú flokkuð sem afgreidd
tillaga og svarið er á þessa leið:
„Þakka ábendingar og ágæta
umræðu um umferð á Snorra-
braut.
Í sem stystu máli má segja að
Snorrabraut er einmitt til skoð-
unar eins [og] um er rætt í tillög-
unni og hugmyndir að breyting-
um eru til umfjöllunar.
Svar lagt fram í umhverfis- og
samgönguráði.
f.h. Umhverfis- og samgöngu-
sviðs Reykjavíkurborgar
Ólafur Bjarnason
samgöngustjóri“
Og svona hljóða flest svörin
sem ég hef fengið við fyrirspurn-
um mínum.
Forgangsmál
Við Snorrabrautina eru engin
skilti með hámarkshraða, það
eru engar hraðahindranir. Við
Snorrabrautina eru allt of mörg
umferðarljós, hins vegar hægja
þau ekkert á umferð heldur gera
einmitt hið gagnstæða, bílstjór-
ar bruna niður Bústaðaveginn til
að ná fyrstu ljósunum og svo koll
af kolli.
Hér í Edinborg, fimm hundruð
þúsund manna borg, hjóla ég á
götunum, líka stóru götunum, og
oft á sértilgerðum hjólaakrein-
um. Á Snorrabrautinni þori ég
það ekki, ég get ekki talið fjölda
þeirra ákeyrslna og árekstra
sem ég hef orðið vitni að á þess-
ari götu á fingrum handa minna.
Eins og Snorrabrautin er í dag
er hún hönnuð til þess að umferð-
arlög séu brotin og það allan lið-
langan daginn. Þetta kom fram
í skýrslu ársins 2010 frá Rann-
sóknarnefnd umferðarslysa.
Hörmuleg slys hafa orðið á
þessari götu og það ætti að vera
forgangsmál borgarráðs að gera
götuna betri fyrir hjólandi, gang-
andi og keyrandi.
Snorrabrautin er mannfjand-
samleg dauðagildra eins og hún
er í dag. Ég ákalla ykkur í borg-
arráði, sum ykkar eigið börn í
sama skóla og börn mín fara í,
sum ykkar keyrið Snorrabraut-
ina, hjólið eða jafnvel gangið
yfir oft á dag, sum ykkar eru sér-
menntuð í borgarskipulagi. Öll
eigið þið það sameiginlegt með
mér, geri ég fastlega ráð fyrir,
að vilja ekki verða fyrir slysi
eða valda slysi á Snorrabraut-
inni vegna þess óskapnaðar sem
skipulag hennar er. Ég ákalla því
samvisku ykkar sem foreldrar,
manneskjur, vegfarendur og bíl-
stjórar. Gerið Snorrabrautina líf-
vænlega, takk!
Snorrabrautin dauðagildra?
Hefðbundinn dagvinnu-
tími frá kl. 09.00 til 17.00
heyrir víða sögunni til.
Rannsóknir sýna að það
má þakka breyttum og
afslappaðri viðhorfum
stjórnenda fyrirtækja
sem til skamms tíma hafa
verið harðir á stundvísi
starfsmanna, sem og víð-
tækri notkun fjarvinnslu-
tækninnar. Þótt þetta geti
virst góðar fréttir fyrir
óþolinmóða skrifstofu-
þræla leiðir það ekki til færri
unninna vinnustunda hjá þeim.
Rannsókn sem náði til meira en
1.000 skrifstofumanna frá Banda-
ríkjunum, Bretlandi, Þýskalandi,
Frakklandi og Írlandi leiddi í ljós
að sveigjanlegur dagvinnutími
hjá skrifstofufólki leiddi oft til
tólf klukkustunda vinnuframlags
í stað hefðbundins átta klukku-
stunda vinnudags.
Rannsóknin sýndi enn fremur
að 73% stjórnenda hafa afslappað
viðhorf til vinnutíma starfsfólks-
ins, þar eð það er mætt til starfa
löngu áður en þeir mæta sjálfir.
Í ljós kom að meðalstjórnand-
inn er fús til að líta fram hjá því
að starfsmaður komi allt að 32
mínútum of seint til vinnu og
leyfa að starfsmenn vinni heima
fjórðung vikunnar. Bandarískir
atvinnurekendur eru liðlegastir
hvað þetta snertir og líða starfs-
mönnum að koma allt að 37 mín-
útum of seint til vinnu að degi til.
Um leið og atvinnurekendur láta
afskiptalaust þegar starfsmenn
þeirra hefja störf síðar en tilskil-
inn vinnudagur hófst, ætlast þeir
í staðinn til þess að starfsmenn-
irnir séu sveigjanlegir og fúsir
til starfa utan hefðbundins vinnu-
tíma, jafnvel fram undir kvöld.
Fjarvinnslutækni
Þessi „flæðandi nálgun“ vinnu-
tímans hefur í för með sér að
vinnuveitendum finnst
nú minna mál að kalla
starfsmenn til aukavinnu
en 80% þeirra telja lítið
mál að kalla starfsmenn
til kvöldvinnu.
Á heimsvísu varð
niður staðan sú að meðal-
starfsmaður fer að hugsa
um vinnuna kl. 7.42 að
morgni og kemur til
starfa kl. 8.18, yfirgefur
vinnustaðinn kl. 17.48 og
er að fullu hættur störf-
um kl. 19.19, sem segir að starfs-
maður sé „vinnustefndur“ í nærri
tólf klukkustundir á dag.
Samkvæmt niðurstöðum rann-
sóknarinnar er það fjarvinnslu-
tæknin sem hefur skipt sköpum
gagnvart viðhorfum til hefðbund-
ins vinnutíma en 75% vinnuveit-
enda fá starfsmönnum sínum í
hendur þau tæki og tól sem þeir
þurfa á að halda til að vinna starf
sitt hvar sem þeir eru staddir.
„Launþegar hvaðanæva úr ver-
öldinni færa sér tæknina óspart í
nyt til að ná meiri sveigjanleika
í vinnu og í fjölskyldulífi,“ segir
Russ Stockdale, forstjóri Mozy.
„Erfið vinna fer ekki fram hjá
neinum og fjarvinnsla og tækni
hafa meiri áhrif á viðhorf vinnu-
veitenda en menn gera sér grein
fyrir. Við getum séð það með
rannsókninni að vinna er að
verða „það sem þú framkvæmir“
frekar en „staður sem þú ferð á“.
Ísland
Þegar horft er til þeirra niður-
staðna sem ofannefnd rannsókn
leiddi í ljós er full ástæða til að
spyrja sig hvort sömu viðhorfa
gæti á meðal íslenskra vinnuveit-
enda og „kollega“ þeirra erlend-
is. Því má líka velta upp hvort
fleiri kostir geti falist í sveigjan-
legum dagvinnutíma hérlendis
en taldir eru upp í rannsókninni
og lúta að viðhorfum vinnu-
veitenda og meintri betri líðan
starfsfólks, sem hefur sveigjan-
legan vinnutíma. Þar á ég við
hvort ekki mætti létta stórlega á
hinni mögnuðu morgun- og síð-
degisumferð á aðalumferðaræð-
um borgarinnar, þegar nánast
allt vinnandi fólk og skólanem-
ar er á ferðinni, til og frá vinnu
og skóla, samtímis hvern virk-
an dag. Ferðin til og frá vinnu á
höfuðborgarsvæðinu getur tekið
allt að 40 mínútum, hvor ferð, að
öllu áfallalausu en mun lengri
tíma verði óvæntar tafir, svo sem
umferðaróhapp.
Breytt viðhorf til mætingar-
skyldu starfsmanna sem sinna
þannig störfum sem og betra
skipulag á skilgreindum skrif-
stofutíma og stundaskrá skóla
gæti stórlega dregið úr því
umferðaröngþveiti sem við búum
nú við.
Með tilkomu nýs Landspítala
hugsa margir með hryllingi til
enn aukins umferðaröngþveitis í
nágrenni hans, að óbreyttu skipu-
lagi og umferðarmannvirkjum.
Ef tækist að dreifa álagi
umferðar að morgni og síðdegis
á lengri tíma en nú, með því að
gefa fólki kost á sveigjanlegum
vinnudegi og að vinna sitt starf
heima, að hluta til, sé því við-
komið, er augljóst að stór vandi
yrði leystur. Þörf á stækkun og
bótum umferðarleiða yrði ekki
eins aðkallandi, að minnsta kosti
til skamms tíma og að auki næð-
ist fram umtalsverður eldsneyt-
issparnaður og draga myndi úr
loftmengun vegna útblásturs frá
ökutækjum. Sveigjanlegur dag-
vinnutími – augljós hagur sam-
félagsins.
Sveigjanlegur vinnutími
kemur öllum til góða
VINNUTÍMI
Jón H.
Karlsson
viðskiptafræðingur
SAMGÖNGUR
Móheiður Hlíf
Geirlaugsdóttir
þýðandi
➜Í ljós kom að meðalstjórn-
andinn er fús til að líta fram
hjá því að starfsmaður komi
allt að 32 mínútum of seint …
➜ Eins og Snorrabrautin er
í dag er hún hönnuð til þess
að umferðarlög séu brotin
og það allan liðlangan
daginn.
Fax-fullveldi
Andstæðingar ESB á Íslandi tala stundum eins og ríkin þar búi ekki við
fullveldi, heldur séu þau ofurseld hinu illa valdi ESB. Og þeir hafa litið
hróðugir í bragði til Noregs þar sem fullveldisástin sé svo rík og áköf að
Norðmenn hafi tvívegis fellt ESB-aðild í þjóðaratkvæðagreiðslu.
Það er því óneitanlega merkilegt að sjá að jafnvel efasemdarmaður í
ESB-málum, eins og Cameron er óneitanlega, skuli líta svo á að fullveldi
Breta sé betur tryggt innan ESB en utan þess.
Og að hinir öflugu Norðmenn skuli búa við „fax-lýðræði“ meðan þeir
séu utan Evrópusambandsins, hvað sem líður öllum þeirra olíu-auði.
Þetta er merkilegt vegna þess að við Íslendingar erum auðvitað í
nákvæmlega sömu stöðu og Norðmenn. Við fáum stóran hluta af
lögum okkar sendan frá Brussel og höfum ekkert um þau að segja.
http://blog.pressan.is/illugi/
Illugi Jökulsson
AF NETINU
Ljósmynda
samkeppni
Fréttablað
sins
Taktu þátt í jólamyndakeppni Fréttablaðsins og
sendu inn jólalega ljósmynd. Besta myndin mun
prýða forsíðu Fréttablaðsins á aðfangadag og
vinningshafi hlýtur JBL FLIP Bluetooth hátalara frá
Sjónvarpsmiðstöðinni í verðlaun. Fyrir annað og
þriðja sæti eru gjafakort fyrir tvo í Borgarleikhúsið.
Skilafrestur er til hádegis 19. desember.
Myndirnar ber að senda á netfangið
ljosmyndakeppni@frettabladid.is
STOFNAÐ 1971 RAFTÆKJAVERSLUN SÍÐUMÚLA 2 SÍMI 568 9090 www.sm.is
Jólamyndin
þín