Fréttatíminn - 21.10.2011, Blaðsíða 6

Víti í Vestmannaeyjum.indd 2 8.9.2011 13:30
Víti í Vestmannaeyjum.indd 3 8.9.2011 13:30
nýjar og
spennandi
bækur
Hvað leynist á safninu?
Fyrirmyndarunglingur
í f lækju
Fjörugt fótboltamót
www.forlagid.is
Áframhaldandi verð-
hækkun húsnæðis
Verð íbúðarhúsnæðis á höfuðborgar-
svæðinu hækkaði um 1,3% á milli ágúst og
september. Hefur verð íbúðarhúsnæðis á
svæðinu þá hækkað um 7,3% á síðustu tólf
mánuðum. Að raungildi hefur verð íbúðar-
húsnæðis hækkað um 1,6% á tímabilinu.
Hækkunin helst í hendur við verulega
veltuaukningu á íbúðamarkaði. Í septem-
ber voru gerðir 453 kaupsamningar með
íbúðarhúsnæði á höfuðborgarsvæðinu
samanborið við 347 á sama tímabili í fyrra.
Aukningin er 31%. Ef landið allt er skoðað
var verð íbúðarhúsnæðis á tímabilinu júní til
ágúst í ár 6,7% hærra en á sama tímabili í
fyrra, samkvæmt upplýsingum Hagstofunn-
ar. Að raungildi hækkaði verðið um 1,8% á
þessu tímabili. Greining Íslandsbanka spáir
því að húsnæðisverð muni hækka um 6%
milli áranna 2011 og 2012. Hækkunin muni
halda áfram á árinu 2013. Því er einnig
spáð að nýfjárfesting í íbúðarhúsnæði fari
vaxandi. - jh
Afmælismálþing
Paul Collier hagfræðiprófessor við Oxford
háskóla verður heiðursfyrirlesari á afmælis-
málþingi sem fram fer í Öskju, náttúru-
fræðahúsi Háskóla Íslands, í dag, föstudag,
klukkan 13.30 til 17.30. Utanríkisráðu-
neytið og Þróunarsamvinnustofnun Íslands
standa að málþinginu ásamt Alþjóðamála-
stofnun og félagsvísindasviði Háskóla
Íslands. Árið 2011 markar 40 ára afmæli
íslenskrar þróunarsamvinnu, 30 ára afmæli
Þróunarsamvinnustofnunar Íslands og 10
ára afmæli Íslensku friðargæslunnar. Erindi
Collier ber yfirskriftina: Nær Afríka sér á
strik: og getum við veitt stuðning? Össur
Skarphéðinsson utanríkisráðherra flytur
ávarp í upphafi málþingsins . -jh
Uppsagnir boðaðar
Uppsagnir eru óhjákvæmilegar, að sögn
Harðar Högnasonar, framkvæmdastjóra
hjúkrunar hjá Heilbrigðisstofnun Vest-
fjarða, að því er fram kemur á vef Bæjarins
besta á Ísafirði. Fjárframlög til stofnunar-
innar lækka um 30,3 milljónir króna. Að
sögn Harðar er ekki lengur hægt að hliðra
til og hagræða til að spara peninga. Nú
sé komið að því að skera niður. Stærsti
rekstrarliður stofnunarinnar sé laun og
þau verði að minnka. Starfsmannafundur
verður haldinn í dag, föstudag. - jh
Paul Krugman meðal
fyrirlesara í Hörpu
Hinn frægi hagfræðingur og nóbelsverðlauna-
hafi Paul Krugman verður meðal þátttakenda
á alþjóðlegri ráðstefnu sem íslensk stjórnvöld
og Alþjóðagjaldeyrissjóðurinn efna til um
lærdóma af efnahagskreppunni og verkefninu
fram undan. Ráðstefnan verður haldin í Hörpu
næstkomandi fimmtudag, 27. október. Á ráð-
stefnunni koma saman íslenskir og erlendir
ráðamenn, fræðimenn og fulltrúar félaga-
samtaka. Meðal helstu ræðumanna, auk Paul
Krugman, verða kunnir alþjóðahagfræðingar,
Willem Buiter og Simon Johnson. Jóhanna
Sigurðardóttir forsætisráðherra setur ráð-
stefnuna. Árni Páll Árnason efnahags- og við-
skiptaráðherra flytur upphafsávarp, auk þess
sem Steingrímur Sigfússon fjármálaráðherra
ávarpar hana. - jh
Telja aðgerðir
stjórnvalda helsta
vandamálið
Tveir kaflar klárir í
aðildarviðræðunum
Viðræðum er lokið um tvo samnings-
kafla í aðildarviðræðum Íslands og
Evrópusambandsins. Á miðvikudaginn
fór fram í Brussel ríkjaráðstefna milli
Íslands og sambandsins þar sem fjallað
var um þessa tvo kafla. þ.e. um frjálsa
för vinnuafls og um hugverkarétt, að
því er fram kemur í tilkynningu utan-
ríkisráðuneytisins. Báðir þessir kaflar
eru hluti af EES-samningum og var
niðurstaða samninganefnda að löggjöf í
þessum málaflokkum væri samsvarandi
á Íslandi og í ríkjum Evrópusambandsins.
Því var ákveðið að ljúka viðræðum í köfl-
unum tveimur þar sem efni þeirra hefur
þegar verið tekið upp í íslensk lög. -jh
Rúmlega þriðjungur aðildarfyrir-
tækja Samtaka atvinnulífsins telur
aðgerðir stjórnvalda vera helsta
vandamál fyrirtækisins við núverandi
aðstæður og tæplega fjórðungur
til viðbótar setur aðgerðir stjórn-
valda í annað sæti meðal helstu
vandamála þeirra. Þetta kemur fram
í nýrri könnun SA á rekstrarhorfum
fyrirtækja sem gerð var nú í október.
Um 70% fyrirtækja í sjávarútvegi
telja aðgerðir stjórnvalda vera helsta
vandamál fyrirtækisins og um 40% í
verslun og þjónustu. - jh
Þ riðjungur kjósenda telur koma til greina að kjósa nýtt framboð Guð-mundar Steingrímssonar alþing-
ismanns í næstu alþingiskosningum,
að því er fram kemur í skoðanakönnun
MMR. Af þeim sem afstöðu tóku sögðu
33,5% að það kæmi til greina að kjósa
framboðið en 66,5% að það kæmi ekki til
greina. Heiða Kristín Helgadóttir, sem
unnið hefur með Guðmundi að nokkurs
konar systurframboði Besta flokksins,
sagði í viðtali við Vísi í gær að könnunin
væri jákvæð fyrir framboðið sem ekki
hefur hlotið nafn. Hún sagði könnunina
gefa því byr í seglin.
Af þeim sem tóku afstöðu voru þeir
sem bjuggu á höfuðborgarsvæðinu
jákvæðari gagnvart framboðinu en þeir
sem búa á landsbyggðinni. Þannig sögðu
36,6% höfuðborgarbúa að það kæmi til
greina að kjósa nýtt framboð Guðmund-
ar Steingrímssonar en hlutfallið var
28,1% meðal fólks á landsbyggðinni. Þeir
sem voru á aldrinum 30-49 ára voru já-
kvæðari í garð framboðs Guðmundar því
39,4% þeirra sögðu það koma til greina
að kjósa hann, borið saman við 36,1%
þeirra sem voru í yngsta aldurshópnum,
19-29 ára, og 24,2% elsta aldurshópsins,
50-67 ára. Af þeim sem tóku afstöðu var
stuðningsfólk Samfylkingarinnar líkleg-
ast til að gefa nýju framboði Guðmundar
Steingrímssonar atkvæði sitt en stuðn-
ingsfólk Sjálfstæðisflokksins ólíklegast.
Þannig sögðu 65,9% Samfylkingarfólks
að það kæmi til greina að kjósa framboð-
ið, borið saman við 47,5% stuðningsfólks
Vinstri grænna, 17,4% stuðningsfólks
Framsóknarflokksins og 7,4% stuðnings-
manna Sjálfstæðisflokksins.
MMR kannaði í september síðastliðn-
um afstöðu fólks til þess hvort kæmi til
greina að kjósa Besta flokkinn ef hann
byði fram í næstu alþingiskosningum.
Þá sögðu 21,4% þeirra sem tóku afstöðu
það koma til greina að kjósa Besta flokk-
inn ef hann byði fram og 78,6% sögðust
ekki myndu kjósa slíkt framboð.
Jónas Haraldsson
jonas@frettatiminn.is
 Stjórnmál ný könnun mmr
Þriðjungur hallast að
Guðmundi og Besta
Samfylkingarfólk líklegast til að gefa nýja framboðinu atkvæði sitt en stuðningsmenn Sjálf-
stæðisflokksins ólíklegastir. Heiða Kristín Helgadóttir, sem unnið hefur með Guðmundi að systur-
framboði Besta flokksins, segir könnunina gefa framboðinu byr í seglin.
Heiða Kristín Helgadóttir.
Hún hefur undirbúið nokk-
urs konar systurframboð
Besta flokksins með
Guðmundi Steingrímssyni
alþingismanni. Ljósmynd/Hari
6 fréttir Helgin 21.-23. október 2011