Fréttatíminn - 24.02.2012, Blaðsíða 34

6 ferming Helgin 24.-26. febrúar 2012
Siðmennt, félag siðrænna
húmanista á Íslandi, hefur staðið
fyrir borgaralegum fermingum
frá því síðan árið 1989 þegar 16
ungmenni tóku fyrst þátt. Síðan
þá hefur þátttakan aukist jafnt og
þétt, en tekið stærri stökk nokk-
ur undanfarin ár. Árið 2007 voru
fermingarbörnin alls 109 talsins,
2010 voru þau 166, í fyrra 195
og í ár taka alls 215 ungmenni
þátt og koma þau víðsvegar að af
landinu. Haldnar verða sjö ferm-
ingarathafnir; tvær í Háskóla-
bíói í Reykjavík 15. apríl, tvær í
Salnum í Kópavogi 22. apríl, ein í
Tryggvaskála á Selfossi 28. apríl,
ein í Hofi á Akureyri 13. maí og
ein á Fljótsdalshéraði í júní.
Ungmennin hafa frá áramótum
sótt vönduð undirbúningsnám-
skeið þar sem þau fræðast um
ýmislegt sem ætla má að muni
gagnast þeim í lífinu. Auk þess
fá þau þjálfun í gagnrýninni
hugsun og að takast á við sið-
ferðileg álitamál. Í ár eru haldin
fimm fermingarnámskeið fyrir
íbúa höfuðborgarsvæðisins, eitt
helgarnámskeið í Reykjavík sem
er ætlað börnum utan að landi
og eitt helgarnámskeið á Akur-
eyri. Námskeið eru haldin á þeim
stöðum á landinu þar sem næg
þátttaka er fyrir hendi.
 siðmennt Sjö fermingarathafnir
 sumarferming
Metþátttaka í borgaralegri fermingu
Alls fermast 215 ungmenni borgaralegri fermingu í ár.
V ið ákváðum að hafa veisl-una heima, bæði inni í húsi og úti í garði, í tjaldi,
og af því að við fermdum 6. júní, þá
var veðrið orðið fínt,“ segir Jórunn
Dóra Sigurjónsdóttir en dóttir
hennar Hildur Karen Jónsdóttir
fermdist á þessum dýrðardegi í
Laugarneskirkju.
Þemað í veislunni var sumar,
sirkus og sól og lá því beint við
að hafa skreytingarnar í öllum
regnbogans litum. „Hildur Karen
gat ekki ákveðið einn lit og því
varð úr að nota þá alla. Hún tók
sig til og bjó til allskonar skraut úr
origami; stjörnur, fugla og fleira
sem við hengdum upp og dreifðum
á borðin. Það var ofsalega fallegt
og skemmtilegt.“ Jórunn Dóra
keypti einnig ýmislegt skraut á
amerískri netsíðu, meðal annars
doppóttar blöðrur og annað fallegt
sem skreytt var með. „Nammibar-
inn okkar var líka rosalega skraut-
legur og skemmtilegur. Þar gátu
börnin valið sér sælgæti í þar til
gerða poka sem við létum prenta á.
Hann vakti ótrúlega mikla lukku
hjá börnunum, þau voru hoppandi
af kæti. Við létum einnig útbúa
litla merkimiða fyrir mat-
inn og flögg sem settu fal-
legan svip. Ekki má heldur gleyma
popp-pokunum. Við poppuðum
og settum í fallega poka. Það er
bæði einfalt og var mjög vinsælt
hjá krökkunum. Drykkjarföngin
samanstóðu af Kool-Aid sem við
blönduðum í stórar flöskur og
helltum svo yfir í minni glerflösk-
ur með litríkum rörum.“
Ekki var
nóg með að
maturinn
væri skraut-
legur heldur
skreyttu Jór-
unn Dóra og
Hildur Karen
borðin með kert-
um og kertaluktum
sem til voru á heimilinu
ásamt sumarblómum í pottum og
rósum í sultukrukkum. „Stemn-
ingin var bæði skemmtileg og
afslöppuð. Það rigndi nóttina fyrir
ferminguna og ég hélt að enginn
myndi setjast út en um hádegi
fór sólin að skína svo það rættist
heldur betur úr deginum!“
Sirkus, sól og
nammibar
– litrík fermingarveisla í byrjun sumars
Borgaraleg ferming í Háskólabíói.
Fékkstu ekki
Fréttatímann
heim?
Fréttatímanum er dreift
á öll heimili á höfuðborgar-
svæðinu. Ef þú fékkst ekki
blaðið heim, láttu okkur
þá vita með tölvupósti á
dreifing@frettatiminn.is
Sjáðu blaðið líka á
frettatiminn.is
Fékkstu ekki
Fréttatímann
heim?
Fréttatí anum er dreift
á öll heimili á höfuðborgar-
svæðinu. Ef þú fékkst ekki
blaðið heim, láttu okkur
þá vita eð tölvupósti á
dreifing@frettatiminn.is
Sjáðu blaðið líka á
frettatiminn.is