Fréttatíminn - 24.02.2012, Síða 40

Uppáhalds aðstoðarlögreglustjórinn
Jónas
Haraldsson
jonas@
frettatiminn.is
HELGARPISTILL
A
Te
ik
ni
ng
/H
ar
i
Allt endurtekur sig. Það sést ekki
síst þegar barnabörnin koma í
heimsókn til afa og ömmu og fá að
sofa. Vera kann að það sé heldur
meira látið eftir þeim en var þegar
foreldrar þeirra voru í föðurgarði
en fjörið er það sama. Það er jafn
gaman að fara út og ólmast í snjón-
um, gefa öndunum, koma inn og
fá eitthvað í gogginn, hoppa í sóf-
anum, láta lesa fyrir sig þegar úr
stuðinu dregur, sofna og skríða upp
í – og vakna svo fyrir allar aldir, að
minnsta kosti allt of snemma fyrir
afa og ömmu sem telja sig hafa
klárað þennan pakka fyrir margt
löngu.
Þá getur verið freistandi að grípa
til ráða sem síður voru fyrir hendi
áður og fyrrum, að setja disk í
tækið eða kveikja á barnaefninu
í sjónvarpinu til þess að kaupa
sér örlítinn morgunfrið áður en
leikurinn byrjar á ný. Sá er samt
svipaður og var þótt leikföngin séu
kannski önnur og heiti nöfnum sem
erfitt getur verið að greina þegar
litlar hendur handleika bíla sem
heita Leiftur McQueen, Guido og
Luigi. Það gæti jafnvel vafist fyrir
þeim sem eldri eru að bera þau
nöfn fram.
Í mínu ungdæmi, og gott ef ekki
ungdæmi barna okkar, voru nöfn
leikfangabílanna heldur einfaldari;
jeppi, vörubíll, sjúkrabíll, brunaliðs-
bíll eða rúta... allt eftir fyrirmynd-
um í raunheimi – og Doddabíll ef
farþegarnir voru sköpunarverk
Enid Blyton, félagarnir Doddi og
Eyrnastór. Víst leika börnin sér enn
að jeppum, brunaliðsbílum og vöru-
bílnum en svo virðist sem Doddi
hafi, að minnsta kosti tímabundið,
tapað fyrir vinsælum fígúrum úr
Disney-myndinni Bílar. Sá mynd-
diskur hefur snúist hring eftir
hring í tækinu heima hjá okkur án
þess þó að afinn hafi náð að kynna
sér persónur og leikendur þar að
gagni. Svo mikið veit sá gamli þó
að forystusauðirnir eru sprellifandi
í bílagervi, fyrrnefndur Leiftur
McQueen og félagi hans Krókur.
Leiftur er, eins og nafnið gefur til
kynna, sport- eða kappakstursbíll
en Krókur hins vegar dráttarbíll.
Með fylgja smábílarnir með suð-
rænu nöfnin og mjúkar línur klass-
ískra Fíata.
Börnum samtímans fylgja líka
brúður af ýmsum gerðum, hefð-
bundin
tuskukvikindi og leggjalöng Barbie
heldur velli kynslóð eftir kynslóð.
Mínir strákar áttu ofurmennið Hi
Man, beinagrindina Skeletor og
fleiri heldur ófrýnilegar skepnur.
Með fylgdi kastali þar sem þessi
afstyrmi tókust á. Sá græni Hulk
gægðist stundum fram. Enn fremur
festust í höfðum foreldra þess tíma
undarlega nöfn þeirra Hans Olo,
Obi-Wan Kenobi og Loga geim-
gengils og fleiri Stjörnustríðsvera
– án þess að foreldrarnir hefðu
nokkurn tíma þrek til þess að
komast í gegnum heila Stjörnu-
stríðsmynd. Flokkur þessara
furðuvera ku vera að lifna við
á nýjan leik, og það í þrívídd,
svo harðfullorðnir menn geta
endurnýjað kynnin, horfið um
stund aftur til bernskuára og
jafnvel splæst í geislasverð. Þau
fást nú í betri leikfangabúðum.
Ef rétt er munað voru gerðar ótal
tilraunir með geislasverð í kjallar-
anum hjá okkur. Það var erfiðara
að nálgast þau þá en nú.
Brúður samtímans, að minnsta
kosti þau sem minni börnin koma
með í heimsókn til afa og ömmu,
tengjast einnig kvikmyndum. Þar
þekkir afinn þá Bósa ljósár og lög-
reglustjórann Vidda. Í útliti minnir
hann talsvert á annan einmana
kúreka næstu kynslóðar á undan,
Lukku Láka sem eltist við Dalton-
bræður. Hatturinn er á sínum stað
en sígarettan að sönnu víðs fjarri.
Disney gamli er seigur. Hann
sendir frá sér teiknimyndir sem
hrífa börnin og fígúrurnar fylgja
í kjölfarið. Leikfangasagan, Toy
Story, tryggir að nú fylgja þeir Bósi
og Viddi börnunum hvert sem þau
fara. Baktaskan sem þeir félagar
hvíla í er að öllum líkindum
skreytt myndum af þeim og
gott ef börnin sofna ekki í
Bósa- eða Viddanáttfötum.
Afinn er því meðvitaður
um tilvist Leifturs McQueen,
Króks, Bósa ljósárs og Vidda
þótt hann hafi enn ekki sest
niður og horft á Leikfangasög-
una til enda, ekki frekar en
Stjörnustríðið og Bíla. Fylgd-
armenn tveggja ára afa- og
ömmustráks til helgardvalar í
sumarbústaðnum um síðustu
helgi komu því ekki á óvart.
Fyrirferðin var mest í Bósa
ljósári. Hann er all digur, fer
um með ljósagangi og bregður
út vængjum ef hratt þarf að
fara yfir. Þá er Bósi skrafhreif-
inn ef hann vill það við hafa.
Sama gildir um þann mjó-
slegna kúreka, Vidda. Ef ýtt
er á belginn á honum bregst
hann fráleitt illa við heldur
ávarpar viðkomandi kumpána-
lega: „Sæll kúreki, segir hann,
„þú ert uppáhalds aðstoðar-
lögreglustjórinn minn,“ svona
lauslega þýtt, auk þess sem
hann tilkynnir óumbeðið að
snákur sé í kúrekastígvélinu.
Drengurinn gerir engar at-
hugasemdir við þótt þessir
félagar ávarpi hann á ensku.
Leiftur og Krókur voru einnig
á sínum stað. Þeirra hlutverk
var hins vegar að aka, ekki að
ávarpa viðstadda.
Eftir ljúfan dag í sveitinni
sofnaði sveinninn með Bósa
og Vidda við sitt hvorn vang-
ann auk þess sem hann hélt
þétt um þá Krók og Leiftur
McQueen. Trúr eðli lítilla
barna skreið hann upp í hjá
afa og ömmu þegar leið á
nóttina. Út undan mér sá ég
að með voru Leiftur, Krókur
og Viddi. Bósi beið sem betur
fer í barnarúminu. Hann er
þannig í laginu að það er
ekki gott að sofa hjá honum.
Drengurinn hafði ekki frekari
orð um málið en að bjóða
Vidda að sofa á milli okkar.
Sá var talgleiðari því hann til-
kynnti mér, þegar ég rakst í
bumbuna á honum, að hann
væri með snák í stígvélinu, en
hughreysti mig jafnframt með
því að ég væri uppáhalds að-
stoðarlögreglustjórinn.
32 viðhorf Helgin 24.-26. febrúar 2012