Fréttatíminn - 06.07.2012, Blaðsíða 40

40 veiði Helgin 6.-8. júlí 2012
 Veiði Best klæddi VeiðiklúBBur landsins
 Fluga Vikunnar gunnar Bender
Glerfínir í laxveiðinni
Ekki er ofsögum sagt að segja Þóri Grétar Björnsson stangveiðigeggjara; á Facebooksíðu sinni
hefur hann skráð við trúarskoðanir: „Fishing is a religion“ og í símaskrá er hann titlaður „veiði-
maður“. Þórir Grétar fer fjölda veiðiferða á ári hverju en ein stendur þó uppúr – ferð í Aðaldalinn
og þar leggja menn sérstaklega uppúr því að vera flottir á árbakkanum.
V ið tókum þá frábæru ákvörðun á fyrsta fundi okkar að mæta snyrtilega til fara við ána, vera helst með bindi. Svo þróaðist þetta misjafn-
lega hjá hverjum um sig, sumir fóru þá leið að fara í
Herrafataverslun Kormáks og Skjaldar þar sem flott-
ustu bresku fötin fást, og keyptu sér klæðnað þar sem
þeir svo mæta í. Í heildina eru menn mjög virðulega
klæddir og er það gert í virðingaskyni við veiðisvæðið
og íbúa þess. Það að auki er þetta hrikalega skemmti-
legt,“ segir Þórir Grétar Björnsson stangveiðimaður.
Lúxuslíf á lækjarbakka
Veiði hefur verið lýst sem einveru í náttúrunni, helst
fjarri mannabyggð og þá ætti kannski klæðaburður-
inn ekki að vera neitt lykilatriði – ekki eins og menn
séu að klæða sig upp fyrir nokkurn mann. En, eins
og Þórir Grétar útskýrir er þetta atriði sem ekki skal
gera lítið úr. Hann tilheyrir hópi sem fer árlega í Laxá
í Aðaldal og þetta er sú ferð af mörgum sem rís uppúr
að hans mati: „Þessi hópur myndaðist í þeirri tilraun
tvíburanna Ásmundar og Gunnars Helgasonar við
að mynda góðan hóp manna til veiðiferðar í Nes, það
er nefnilega þannig að félagsskapurinn skiptir öllu
máli ef veiðitúrinn á að heppnast vel. Þeim tókst vel
til,“ segir Þórir Grétar og fer hvergi leynt með hversu
ánægður hann er með þennan tiltekna veiðiklúbb:
„Þetta eru 8 stangir, mannaðar með 16 mönnum.
Flestir okkar leggja nánast allt í þetta og eru að
nurla fyrir þessu allan veturinn. Við komum úr öllum
stéttum þjóðfélagsins og eigum það sameiginlegt að
hafa gaman af veiðinni þarna.“
Gera vel við sig í mat og drykk
Félagarnir gera vel við sig í mat og drykk og fer mikl-
um sögum af því hversu vel fer um þá á árbakkanum:
„Við höfum þá hefð að hafa „Happy Hour“ einu sinni í
ferðinni og klípum þann tíma af veiðitímanum, síðast
mætti ég með austurlenska sjávarréttasúpu sem konan
mín græjaði hérna á Selfossi og ég keypti brauð á leið-
inni til að hafa með, svo kom hver og einn með drykki
en ég laumaði nokkrum jólabjórum með á borðið sem
ég hafði geymt í 9 mánuði fyrir þessa ferð.“
Þó svo virðist, þegar litið er til hóglífis og fíni-
mennsku sem hópurinn iðkar, að veiðin sé aukaatriði
þá er það ekki alveg svo. Og rétt að inna Þóri eftir því
hvernig gæftir hafa verið, svona í lokin?
„Við erum nokkrir þarna sem erum komnir í „20
punda klúbbinn“ sem er nokkuð frábær árangur, Gunn-
ar Helga er með einn 107 cm og Þorvar Hafsteinsson
(sem menn þekkja frá pönktímabilinu sem forsöngvari
Jonee Jonee) fékk einn 108 cm eftir um 10 mínútna
veiði fyrsta daginn sem hann kom. Það eru langstærstu
laxarnir, Nökkvi Svavarsson kemur svo næstur með
104 cm, held ég.“
Jakob Bjarnar Grétarsson
ritstjorn@frettatiminn.is
Hvar eru Crane-bræður?
Þórir Grétar er í tuttugu punda klúbbnum. Ekki er það bara svo að menn gleymi sér alfarið við að vera flottir á bakkanum, því
nokkrir félaga hafa sett í yfir 20 punda lax.
Dekkað borð úti í guðsgrænni náttúrunni. Félagarnir í veiði-
klúbbnum kunna þá lyst að gera vel við sig í mat og drykk.
Með bindi og flottir á því. Bræðragengi eru áberandi meðal þeirra sem eru í
þessum best klædda veiðiklúbbi landsins svo sem tvíburarnir Gunnar og Ás-
mundur Helgasynir, Jón Óskar og Þorvar Hafsteinssynir og Máni og Nökkvi
Svavarssynir. Vantar eiginlega bara þá Crane-bræður, Fraiser og Niles.
Rauður Francis – mér
finnst hún rosalega góð
Margir þurfa ekki annað en heyra nafnið Gunnar Bender og
þá hvarflar hugurinn að veiði. Maðurinn hefur enda verið
vægast sagt áberandi sem einn helsti stangveiðispekúlant
þjóðarinnar, hóf að fjalla um veiði á Dag-
blaðinu fyrir um 35 árum og er enn að –
heldur betur umfangsmikill og áberandi:
ritstjóri Sportveiðiblaðsins, með veiðiþætti
á ÍNN, skrifar Veiði-Pressuna, veiðiþætti í
Skessuhorn og svo fjallar Gunnar um veiði á
Bylgjunni. Því ekki úr vegi að snúa blaðinu
við og láta hann sitja fyrir svörum. Gunnar
velur flugu vikunnar að þessu sinni:
„Æji, ég segi bara Rauður Francis. Mér finnst hún rosa-
lega góð. Þeir eru nú samt margir sem fela hana í boxinu,
finnst þetta ekki alvöru fluga. Alltaf talað niður til Rauða
Francis. En, mér finnst hún góð. Ótrúlega
fengsæl. Ég hef veitt, tjahh, örugglega 30
laxa á hana. Já, mér finnst hún æðisleg.
Ég var í Norðurá fyrir mörgum mörgum
árum. Þetta var þegar veiðileyfin kostuðu
ekki handlegg. Þar fann ég þessa flugu
á árbakkanum. Fór þaðan í Grímsá og
veiddi minn fyrsta flugulax á hana: Rauð-
an Francis.“
Gunnar Bender
veiddi sinn fyrsta
lax á Rauðan
Francis.
Rauður Francis. Margir tala niður til
þessar fögru flugu.
H a m r a b o r g – N ó a t ú n 1 7 – H r i n g b r a u t – A u s t u r v e r – G r a f a r h o l t
Grillpakkar
fyrir hópa og
samkvæmi
Allt í
grillmatinn
www.noatun.is
Þú getur nálgast Fréttatímann frítt á
þjónustustöðvum N1 um land allt
HELGARBLAÐ