Fréttatíminn - 27.07.2012, Side 14

Heilsueldhúsið
heilsurettir.is
F
yrir svona þrjátíu og fimm árum
mátti sjá litla stelpu raða vand-
lega upp alls konar varningi fyrir
utan verslunina Ásgeir í Selja-
hverfinu. Hverfið var að byggjast
upp, stillansar voru utan á flestum húsum
og viðskiptavinirnir því kannski ekki mjög
margir. En litla stelpan lét það ekki á sig fá.
Draumurinn um að verða búðarkona var
vakinn og þarna sat hún frá morgni til kvölds
með sínar vörur til sölu á tombólunni. Þrátt
fyrir mikla vinnu við að drösla vörunum í
stórum poka á staðinn og raða upp, var hún
alsæl ef hún kom heim með tvö hundruð
krónur að loknu dagsverki. Það er næstum
því öruggt að hún hefur sungið við vinnuna...
Draumurinn um að verða búðarkona
„Já, ég var farin að syngja þegar ég var enn
á koppi,“ segir Hera Björk hlæjandi, enda
hefur hún ekki langt að sækja sönghæfi-
leikana. Móðir hennar er söngkonan Hjördís
Geirsdóttir, sem án nokkurs vafa hefur hvatt
stelpuna sína til að syngja.
„En þegar ég sé litlar stelpur með tombólu,
stenst ég ekki freistinguna að kaupa af þeim.
Mér finnst það mesta kikkið að sjá hvað þær
fá mikið kikk útúr því að selja. Þetta búðar-
konu-element, það er svo gaman að selja
einhverjum eitthvað og það er svo gaman að
sjá einhvern kaupa það sem hann langar í.
Sjálfri finnst mér alveg dásamlegt að kaupa
eitthvað sem mig langar virkilega í. Ég veit
fátt skemmtilegra í lífinu.“
Söngkonuhlutverkið bara til skemmt-
unar – sagði afi
Nú kann einhver að spyrja: Hvers vegna er
verið að tala við Heru Björk Þórhallsdóttur
söngkonu um tombólur og búðarkonur? Jú,
vegna þess að nú er Hera Björk ekki lengur
að raða dóti á götuna til að selja fyrir framan
Ásgeirsbúð, heldur hefur hún opnað sérdeil-
is skemmtilega verslun við Laugaveg 83 sem
Púkó og smart letidýr
Heru Björk Þórhallsdóttur söngkonu er margt til lista lagt. Frá því hún tók þátt í Söngvakeppni evrópskra sjónvarpsstöðva fyrir rúmum tveimur árum þar sem hún
flutti lagið Je Ne Sais Quoi, hefur hún vart haft við að ferðast um heiminn til að syngja. Slíku er hún svo sem ekki óvön, því eftir nám við Complet Vocal Institute í
Kaupmannahöfn, þaðan sem hún lauk prófi sem söngkennari og raddþjálfari, flutti hún fyrirlestra og kenndi á vegum skólans víða í Evrópu. En lífið hefur ekki alltaf
verið dans á rósum. Sem unglingur varð hún fyrir kynferðislegu ofbeldi en hefur unnið úr þeirri reynslu. En hvers vegna er Hera Björk allt í einu orðin bæði púkó og
smart á Íslandi? Hún settist niður með Önnu Kristine og sagði henni frá nýjustu ævintýrunum.
heitir „Púkó & Smart“.
„Hugmyndina að opna verslun tel ég hafa
komið í kringum árið 2000, en vinkonur
mínar vilja meina að sú hugmynd hafi fæðst
löngu fyrr, á níunda áratugnum. Ég fór í við-
skiptafræðinám við Háskólann á Akureyri
árið 2000 til að ná mér í „alvöru“ menntun
eins og lög gera ráð fyrir, enda söngkonu-
djobbið bara til skemmtunar að mati margra.
Samfélagið gerir einhvern veginn ekki ráð
fyrir því að maður geti lifað á þessu og ég
fæ enn spurninguna: „Ertu ekki alltaf að
syngja? Og hvar ertu svo að vinna?“ Mamma
mín hafði sönginn meira og minna sem aðal-
starf þar til hún varð fimmtug, en þá skellti
hún sér í snyrtifræðina og sjúkraliðann svo
nú við titlum hana sem söngsnyrtiliða.
Ég er auðvitað búin að vinna í öllum mögu-
legum störfum með söngnum. Þegar maður
trúir því ekki sjálfur að maður geti haft ofan
í sig á með þessu að þá auðvitað er það bara
þannig.“
Viðskiptaáætlun ofan í skúffu
Þá tók hún ákvörðun um að fara í nám í við-
skiptafræði:
„Ég flutti til Dalvíkur og Akureyrar og
bjó þar í þrjú ár, tók tvö ár í viðskiptafræði
við Háskólann á Akureyri og þegar ég kom
aftur til Reykjavíkur skellti ég mér á nám-
skeið sem heitir „Brautargengi fyrir konur
í atvinnurekstri“ og mæli ég eindregið með
því. Það var alveg frábært og þar kynntist ég
frábærum konum og held ennþá sambandi
við sumar þeirra. Allt eru þetta „dúerar“ eða
...ég var í
leyfisleysi
foreldra
minna
í partýi
með eldri
vinkonu
og þar
var ungur
maður
sem ákvað
að ég
væri sæta
stelpan
sem hann
ætlaði sér
að fá um
kvöldið.
Framhald á næstu opnu
Anna
Kristine
ritstjorn@frettatiminn.is
Hera Björk Þórhallsdóttir var farin að syngja þegar hún
var enn á koppi. Hún á ekki langt að sækja sönghæfileikana
en móðir hennar er söngkonan Hjördís Geirsdóttir. Myndir Hari
14 viðtal Helgin 27.-29. júlí 2012