Fréttatíminn - 13.05.2011, Side 8

Toppkiljur
Kiljulisti –04.05 -10.05.11
Kiljulisti –04.05 -10.05.11
Kiljulisti –26.–01.06.10
Kiljulisti –04.05 -10.05.11
Ljósi varpað á ósýnilegu
börnin í samfélaginu
Meðal verkefna sem lokanemar til BS-prófs í hjúkr-
unarfræði kynna í dag, föstudaginn 13. maí, má nefna
verkefni Berglindar Þallar Heimisdóttur og Guðrúnar
Maríu Þorbjörnsdóttur, sem fjallar um áhrif sem
vímuefnaneysla á meðgöngu hefur á fóstur og nýbura.
Kristín Rún Friðriksdóttir og Ragnheiður Halldórs-
dóttir varpa ljósi á ósýnilegu börnin í samfélaginu, en
verkefni þeirra er um stuðning við börn sem eiga for-
eldra með geðsjúkdóma. Handleiðsla hjúkrunarfræðinga
er síðan viðfangsefni Aðalbjargar Stefaníu Helgadótt-
ur, en heitið á verkefni hennar er Handleiðsla hjúkrunar-
fræðinga: Umhyggja þeim sem umhyggju veita. Að þessu
sinni kynna 59 nemendur 38 lokaverkefni sem eru hin
fjölbreyttustu og snerta flest svið hjúkrunar. Kynningin
er öllum opin og fer fram í húsnæði Hjúkrunarfræði-
deildar, Eirbergi, Eiríksgötu 34 og hefst kl. 13. -jh
Rekstrarafkoma Kópavogs jákvæð um milljarð
Rekstrarafkoma
Kópavogsbæjar
á árinu 2010 var
betri en ráð var
gert fyrir í fjárhags-
áætlun ársins. Hún
var jákvæð um 1.032
milljónir króna en
árið á undan var
hún neikvæð upp á
4.068 milljónir króna.
Rekstrarniðurstaða
bæjarins varð 988
milljónum krónum
betri en áætlunin, að
því er fram kemur í
tilkynningu bæjarins.
Þar segir enn fremur:
„Með áframhaldandi
hagræðingu og út-
sjónarsemi tókst að
halda uppi þjónustu-
stigi í bænum á árinu.
Tekjur bæjarfélagsins
urðu heldur hærri en
áætlað var en íbúum
fjölgaði um 383 milli
ára, eða í 30.697 í
árslok 2010. Aðrir
þættir sem hafa áhrif
á jákvæða rekstrarút-
komu eru gengis-
hagnaður erlendra
langtímalána sem
ekki var gert ráð
fyrir í fjárhags-
áætlun og lækkun
lífeyrisskuldbindinga
en áætlun gerði
ráð fyrir hækkun
skuldbindingarinnar.
Útgjaldaliðir vegna
félags-, fræðslu- og
atvinnumála urðu
hins vegar nokkuð
hærri en áætlað hafði
verið.“ Eigið fé bæjar-
félagsins í árslok
2010 nam rúmlega
14 milljörðum króna
en var 10,4 milljarðar
árið á undan. Eigin-
fjárhlutfallið fór upp í
24%. -jh
G öngu- og hjólastígar á Arnarnesi í Garðabæ eru hagsmunamál höfuð-borgarsvæðisins, ekki bara Garða-
bæjar og enn síður bara húsanna við strönd-
ina, segir Auður Hallgrímsdóttir, varamaður
Fólksins í bænum í skipulagsnefnd Garða-
bæjar. Nú stendur yfir vinna og kynning á
deiliskipulagi á Arnarnesi en þar er, að sögn
Auðar, ekki gert ráð fyrir stígum meðfram
ströndinni, eins og víða er á höfuðborgar-
svæðinu, heldur stígum niður að sjó á þremur
stöðum þar sem koma á fyrir pöllum þar sem
fólk getur sest niður.
Auður segir landið á sunnanverðu nesinu,
Arnarvogsmegin, í umsjón Garðabæjar. Í að-
alskipulagi hafi verið gert ráð fyrir göngustíg
þar en á skipulagsnefndarfundi hafi orðinu
göngustíg verið breytt í útivistarleið. Um-
hverfisstofnun hafi beðið Garðabæ um skýr-
ingu á því hvað útivistarleið væri og fengið
þau svör að verið væri að hnykkja á lögum
um frjálst aðgengi fólks 50 metra frá sjávar-
línu. Ekki sé gert ráð fyrir mannvirkjum. Nú
sé beðið álits lögfræðings Skipulagsstofnun-
ar ríkisins á því hvort bæjaryfirvöldum hafi
verið heimilt að breyta orðinu í aðalskipulagi
án kynningar.
„Í dag þarf fólk að hjóla inn í Arnarnes-
hverfið og þar er kvartað undan álagi af
hjólafólki. Við, hjá Fólkinu í bænum, erum að
tala um tvenns konar hjólastíga,“ segir Auður,
„annars vegar stíga þar sem fólk kemst hratt
um, t.d. í vinnu inn á göngu- og hjólastíga-
kerfi Hafnarfjarðar og Kópavogs og þá í átt
til Reykjavíkur, þ.e. hjólastíg meðfram hljóð-
möninni við Hafnarfjarðarveg. Hins vegar
stíga kringum Arnarnesið sem hægt er að
hjóla, t.d. öll fjölskyldan, á góðviðrisdögum
um helgar eða að kvöldi til.“ Gegn þessu
leggst fámennur en hávær hópur húseigenda
við strandlengjuna á Arnarnesi, að sögn
Auðar, en hún tekur fram að það eigi ekki við
um alla íbúa á Arnarnesi.
Óskadraumurinn sé að fá hjóla- og göngu-
stíg fyrir nesið en það sé ekki raunhæft eins
og mál standa, vegna eignarréttarákvæða á
norðanverðu nesinu, Kópavogsmegin. Fram-
kvæmanlegt ætti hins vegar að gera stíg Arn-
arvogsmegin og inn í Arnarnesið og tengjast
þannig stígakerfinu til Kópavogs. Nú sé hægt
að hjóla frá Gróttu, í gegnum Kópavog en
þegar komið sé í Garðabæ verði að fara út í
umferðina.
Arinbjörn Vilhjálmsson, skipulagsstjóri
Garðabæjar, segir að í upphaflegu skipulagi
hafi ekki verið gert ráð fyrir stígum við
ströndina á Arnarnesi. Eigendur lóðanna hafi
keypt eignir sínar og ekki gert ráð fyrir stíg
fyrir framan. Málið hafi hins vegar komið
upp með reglulegu millibili, sérstaklega
við endurskoðun aðalskipulags. „Hingað til
hefur ekki verið vilji til að gera þetta,“ segir
Arinbjörn. Hann segir það að gera göngu- og
hjólastíga meðfram ströndinni sé algerlega
gilt sjónarmið en slíkt verði að gera í sátt
við íbúana. Eins og er sé slík stígagerð ekki
í sjónmáli, menn yrðu mjög ósáttir. „Það
stendur ekki til að fara með stíg kringum
nesið, en ég tek það fram að það er ekki búið
að afgreiða tillöguna frá skipulagsnefnd og
því síður að afgreiða málið frá bæjarstjórn
til kynningar. Málið fer í kynningu á næstu
mánuðum og þá skýrist það,“ segir Arinbjörn.
Skipulagsstjórinn segir að fyrirhugað sé
að ganga frá hjólastíg meðfram hljóðmön-
inni við Hafnarfjarðarveginn og að styrkja
eigi stíga sem fyrir eru og liggja þvert yfir
nesið og niður í fjöru á þremur stöðum, með
útivistarpalli.
Jónas Haraldsson
jonas@frettatiminn.is
 Garðabær Unnið að deiliskipUlaGi á arnarnesi
Segir göngu- og hjólastíga
hagsmunamál fjöldans
Fulltrúi Fólksins í bænum í skipulagsnefnd segir fámennan en háværan hóp eigenda strandlóða
standa gegn stígagerð. Stendur ekki til að fara með stíg kringum Arnarnes, segir skipulagsstjóri.
Útivistarpallar á þremur stöðum í fjörunni og hjólastígur meðfram Hafnarfjarðarvegi.
Göngu-
stíg
breytt í
útivistar-
leið í
skipulagi.
Arnarnesið sunnanvert. Unnið er að gerð deiliskipulags á nesinu en deilt er um gerð göngu-
og hjólastíga líkt og víða hafa verið gerðir meðfram ströndinni á höfuðborgarsvæðinu.
Lj
ós
m
yn
d/
H
ar
i
8 fréttir Helgin 13.-15. maí 2011