Fréttatíminn - 17.06.2011, Blaðsíða 2

Alþingi samþykkti á hátíðarfundi á miðvikudaginn, með 47
samhljóða atkvæðum, tillögu forsætisnefndar um prófess-
orsstöðu tengda nafni Jóns Sigurðssonar forseta. Einn
þingmaður, Valgerður Bjarnadóttir, greiddi ekki atkvæði, að
því er fram kom í frétt Ríkisútvarpsins. Í dag, föstudaginn
17. júní, verður 200 ára fæðingarafmæli Jóns forseta fagnað
með ýmsum hætti og alþingishúsið verður opið almenn-
ingi. Öld er jafnframt liðin frá því að Háskóli Íslands var
stofnaður í þinghúsinu. Jóhanna Sigurðardóttir forsætis-
ráðherra tilkynnti í ræðu sinni um samkomulag allra flokka
um stofnun aldarafmælissjóðs Háskóla Íslands og verða
settar 150 milljónir í hann í tilefni afmælisins. -jh
Jónas
Haraldsson
jonas@
frettatiminn.is
Prófessorsstaða í nafni Jóns
 Heilsugæsla HjúkrunarHeimilið Holtsbúð
Fjötrar og mikil notkun lyfja
Mörgu er ábótavant á hjúkrunar-
heimilinu Holtsbúð í Garðabæ mið-
að við stöðluð gæðaviðmið, að því
er fram kemur í grein Auðar Hall-
grímsdóttur, hjúkrunarfræðings og
fulltrúa Fólksins í bænum, í grein í
Fréttatímanum í dag. Þar vísar hún
til úttektar Landlæknisembættisins
á starfsemi heimilisins.
„Þau viðfangsefni sem þarfnast
umbóta og kanna þarf frekar í
Holtsbúð eru hegðunarvanda-
mál, þunglyndiseinkenni, þvag-
og hægðaleki, þvagfærasýkingar,
fjötrar og mikil notkun lyfja (svefn-
lyf, geðlyf og róandi lyf). Um er að
ræða vanda sem rekja má til vönt-
unar á áætlunum og markmiðum
um gæði og þjónustu á heimilinu.
Ábyrgð á þessu ber stjórn Holts-
búðar sem virðist stefna að áfram-
haldandi niðurskurði og skerðingu
á þjónustu,“ segir Aður meðal
annars í grein sinni.
Hún gagnrýnir uppsagnir starfs-
manna og að dregið hafi verið úr
þjónustu við heimilismenn, meðal
annars að sjúkraþjálfun hafi verið
lögð niður sem og djáknaþjónusta
og að iðjuþjálfi hafi aldrei unnið
á heimilinu. Sífellt veikari ein-
staklingar komi til vistunar en
þrátt fyrir það sé það stefna meiri-
hluta stjórnar Holtsbúðar að fækka
starfsfólki. „Það er óskiljanlegt að
eitt ríkasta bæjarfélag landsins,
Garðabær, skuli koma svona fram
við elstu og viðkvæmustu íbúa
bæjarins,“ segir Auður.
Þá bendir greinarhöfundur á að
húsaleiga sé ekki í grunni dag-
gjalda en þrátt fyrir það dragi
Garðabær hana af daggjöldum
heimilismanna og skerði þjón-
ustuna sem því nemur.
Garðabær leigir húsnæði undir starfsemi hjúkrunarheimilisins
Holtsbúðar af nunnunum sem það byggðu. Ljósmynd/Hari
Arion samþykkir
nauðasamning fyrir Gift
Arion banki hefur fyrir sitt leyti samþykkt
að Gift fjárfestingarfélag, sem stofnað
var utan um eignir og skuldbindingar
Samvinnutrygginga um mitt ár 2007, fari
í gegnum nauðasamningsferli fremur en
gjaldþrotameðferð, að því er Viðskipta-
blaðið greinir frá. Bankinn er stærsti
kröfuhafi félagsins. Formlega á þó enn
eftir að klára samþykkt nauðasamningsins.
Í nauðasamningnum felst, segir í frétt
blaðsins, að nákvæm skoðun og rannsókn
fari fram á öllum viðskiptum Giftar með
tilliti til þess hvort lögbrot hafi verið framin
eða óeðlileg viðskipti yfirhöfuð. Endur-
skoðunarfyrirtækið Ernst & Young annast
þá vinnu. „Fjárhagsleg staða Giftar er
vægast sagt slæm,“ segir enn fremur. „Hún
sveiflaðist að miklu leyti með markaðsvirði
hlutabréfaeigna sem félagið átti, á árunum
fyrir hrun. Um mitt ár 2007 var eigið fé
Giftar um 30 milljarðar króna, eignirnar
um 60 milljarða virði og skuldir upp á 30
milljarða.“ -jh
Golfið beint í
sumarbústaðinn
SkjárGolf hefur undanfarin misseri unnið
að því að stækka útsendingarsvæði sitt, að
því er fram kemur í tilkynningu. Nýlega var
sendi komið fyrir við Seyðishóla í Gríms-
nesi og í lok júní bætist við annar sendir
á Langholtsfjalli í Hrunamannahreppi.
Sendarnir gera m.a. íbúum Úthlíðar, Flúða,
Laugarvatns og Grímsness kleift að horfa
á SkjáGolf. Í Grímsnesi er þétt sumarbú-
staðabyggð auk golfvalla í Kiðjabergi og
Öndverðarnesi. Sendirinn var ræstur í
tæka tíð fyrir US Open sem hófst 16. júní.
Golfáhugamenn ættu því að geta fylgst
með risamótunum í beinni útsendingu á
SkjáGolfi í allt sumar. -jh
Samdráttur heildarafla
en meiri þorskur
Heildarafli íslenskra skipa í nýliðnum
maímánuði, metinn á föstu verði, var 10%
minni en í maí 2010. Það sem af er árinu
hefur aflinn aukist um 7% miðað við sama
tímabil 2010, sé hann metinn á föstu verði,
að því er Hagstofan greinir frá. Aflinn nam
alls 43.421 tonni í maí 2011 samanborið við
73.550 tonn í maí 2010. Botnfiskafli dróst
saman um tæp 1.250 tonn samanborið
maí 2010 og nam 37.600 tonnum. Þar
af var þorskaflinn rúm 17.300 tonn, sem
er aukning um 3.600 tonn frá fyrra ári.
Ýsuaflinn nam 4.600 tonnum sem er um
2.600 tonnum minni afli en í maí 2010.
Karfaaflinn jókst um rúm 1.600 tonn
samanborið við maí 2010 og nam 4.100
tonnum. Tæp 5.600 tonn veiddust af ufsa
sem er um 1.650 tonnum meiri afli en í maí
2010. -jh
F jölskylda Johnnys og vinir hér heima hafa þungar áhyggjur af honum þar sem hann dvelur einn á heimili föður
síns, sem sagður er drykkfelldur og eiga af-
brotaferil að baki. Ana Lily er í sambandi við
seinni barnsmóður föðurins en sú hefur gefist
upp á sambúð við hann og er flutt út með níu
mánaða son þeirra.
„Faðir Johnnys sýndi honum engan áhuga
í mörg ár. Þegar hann var kominn með nýja
konu og lítið barn hélt ég að hann hefði breyst
og fannst ekki óeðlilegt að hann vildi fá að
hitta Johnny. Ég féllst á að senda hann til San
Diego yfir jólin vegna þess að ég hélt að það
yrði gott fyrir son minn að kynnast föðurfjöl-
skyldu sinni. Það hvarflaði ekki að mér að
faðir hans myndi neita að senda hann heim og
fara fram á forræði yfir honum.“
Ana kynntist íslenskum eiginmanni sínum,
Snorra Kristjánssyni, ytra. Þau gengu í
hjónaband í Mexico City 2009 og fluttu síðan
til Íslands. Þau eiga saman 18 mánaða dóttur,
Bríönu Dís, sem stóri bróðir saknar ákaf-
lega. Johnny hefur aðlagast Íslandi vel. Hann
talar íslensku og hefur eignast góða vini sem
spyrja enn reglulega hvort hann sé kominn
heim.
Ana segist ekki heyra reglulega í syni
sínum þótt dómari í Kaliforníu hafi gefið
fyrirmæli um að hún eigi að fá að tala við
hann í síma tvisvar í viku. „Faðir hans reynir
eftir fremsta megni að hamla samskiptum
okkar. Hann leyfir Johnny ekki lengur að tala
við mig á Skype. Aðeins í síma. Johnny hefur
orðið mjög dapur þegar við tölum saman á
Skype. Hann biður mig að leyfa sér að sjá
litlu systur sína, spyr hvort ég sé búin að
breyta einhverju í herberginu hans, hvernig
kennarinn hans hafi það og hvað sé að frétta
úr skólanum.“
Ana er komin með bandarískan lögmann
og bar á miðvikudag vitni fyrir dómstólnum í
Kaliforníu í gegnum netið og það tók mjög á
hana. Málareksturinn er Önu og Snorra fjár-
hagslega ofviða og því hafa vinir þeirra og
vandamenn stofnað söfnunarsjóð á Facebook-
síðunni Johnny Back Home til að standa
straum af kostnaðinum.
Þórarinn Þórarinsson
toti@frettatiminn.is
Það
hvarfl-
aði ekki
að mér
að faðir
hans
myndi
neita að
senda
hann
heim.
 ana lily Fær ekki son sinn Frá san Diego
Lögmaður Önu mun flytja mál hennar hinn 7. júlí
en hún veit hvorki hversu langt ferli er fram undan
né hvenær hún getur gert sér vonir um að sjá son
sinn aftur. Ljósmynd/Teitur
Berst fyrir að fá Johnny
aftur heim til Íslands
Johnny Knibbs er sjö ára. Hann flutti til Íslands ásamt móður sinni og íslenskum stjúpföður þegar
hann var fimm ára, árið 2009. Faðir Johnnys hefur sýnt honum lítinn áhuga frá því hann fæddist
en fór óvænt fram á að fá hann í heimsókn til San Diego yfir jólin. Drengurinn er ekki enn kominn
heim og móðir hans, Ana Lily Hernandez, stendur nú í kostnaðarsamri baráttu fyrir dómstóli í
Kaliforníu til þess að fá son sinn heim.
Johnny undi hag sínum vel á Íslandi og þegar hann heyrir í mömmu sinni spyr hann um litlu systur, skólafélagana og hvort
herbergið hans bíði óbreytt.
2 fréttir Helgin 17.-19. júní 2011