Heimilisritið - 01.01.1947, Blaðsíða 52

KIDDI í KJAILARANUM
Slagsmálahefjan
Smdsaga úr skemmtanalífinu í Reykjavík
KALLI flýtti sér sem mest hann
mátti að hafa fataskipti. Félagar
hans, þeir Gústi og Gvendur, voru
orðnir leiðir á að bíða eftir öllu
þessu pjatti í honum, því Kalla
fannst hann aldrei vera orðinn
nógu fínn og sætur, þegar hann
leit í spegilinn. Gústi og Gvendur
reyndu að drepa tímann á meðan,
með því að rifja upp síðasta ball-
ið, sem þeir höfðu farið á. Og þeir
hældu Kalla fyrir, hvað hann hefði
leikið sveitamanninn illa, sem hann
hafði slegizt við í það skiptið.
Það kom sjaldan fyrir, þegar
þeir félagar fóru saman á ball, að
þeir lentu ekki í áflogum við hina
og þessa pilta, sem þeim fannst
eitthvað hjákátlegt við, og þá
stóðu þeir saman sem einn maður,
til vonar og vara.
Nú var Kalli loksins tilbúinn og
ljómaði allur og lyktaði af dýrum
ilmvötnum. En áður en þeir lögðu
af stað fengu þeir sér góðan sopa
af brennivíni, til að fá í sig meira
50
fjör. Þeir gengu niður í bæinn,
og Kalli stakk upp á því, að þeir
færu á sama stað og síðast, því þar
væri alltaf mesta fúttið og nóg af
kvenfólkinu. Gústi og Gvendur
voru undir eins til í það.
Það hvein í harmónikunni, þeg-
ar inn í danssalinn kom, og allt
virtist vera í, fullu fjöri, svo að
þeir félagar áttu bágt með að stilla
á sér fæturna. Þeir flýttu sér að
ná sér í borð, þar sem þeir gætu
verið út af fyrir sig, keyptu sér
gosdrykki á það og helltu úr
Dauðaflöskunni saman við, svo
lítið bar á.
Þeir urðu kátari og vanstilltari
eftir því sem leið á ballið, voru
alltaf að bjóða stúlkunum upp og
hringsnúast úti á dansgólfinu með
alls konar fettum og brettum, en
þó sérstaklega Kalli, því hann var
þeirra liðugastur og sparaði ekki
að láta það í ljós.
Meðan þeir sátu við borðið og
biðu eftir næsta danslagi, skemmtu
HEIMILISRITIÐ