Fréttatíminn - 09.12.2011, Blaðsíða 62

58 bækur Helgin 9.-11. desember 2011
 Bókadómar BarnaBækur
Stelpur A-Ö eftir Krist-
ínu Tómasdóttur situr á
toppi barna- og unglinga-
bókahluta stóra met-
sölulista bókaútgefanda.
Stefnir í sömu vinsældir
og Stelpur! sem Kristín og
systir hennar Þóra sendu
frá sér í fyrra.
Vinsælar stelpur

dagbók ólafíu
arndísar.
Kristjana Friðbjörnsdóttir,
JPV, 136 s.
Dalvíkurdag-
bókin
Áfram heldur sögu Ólafíu
Arndísar sem skrifaði kenn-
ara sínum bréf í Flateyjar-
bréfunum. Nú er daman flutt
á Dalvík sem er henni þvert
um geð og skrifar dagbók
um dvölina þar, hverjum
hún kynnist og hvað
drífur á dagana. Þetta er
skemmtilestur, sögukonan
er dekruð og djörf, feimin og
frek, málfarið sannverðugt,
skilningsleysið og hnýsnin
vega salt í ungum huga.
Aukapersónur fjölmargar og
fjör í þorpinu, jafnvel fyrir
ókunnuga því Garðabærinn
lokkar enn og laðar. Fínt
lesefni fyrir stráka og
stelpur frá 7 til 12.

Carpe diem
Eyrún Ýr Tryggvadóttir og Krist-
jana María Kristjánsdóttir
Salka, 128 s.
Gríptu tæki-
færin ...
Saga fyrir unglinga í kilju.
Höfundarnir einbeita sér að
því lýsa högum stúlku sem
flytur á milli skóla og kemur
frá heimili í vanda. Hún
kynnist strák sem verður
vinur hennar. Umhverfið
er dregið umbúðalaust, er
trúverðugt. Vel er haldið um
persónur og högum þeirra
komið vel til skila. Saga sem
á klárt erindi til unglinga.
Hér er SMS-menningin
loksins komin inn í sögur af
unglingum, samkeppnin um
hylli og útlit, vinsældir og
stöðu á raunsæan og svolítið
hrjúfan máta án þess að
verða tilgerðarleg. Gott stöff
og höfundarnir falla ekki í
freistni að sprauta glassúr
yfir allt.

Flugan sem
stöðvaði stríð
Bryndís Björgvinsdóttir
Vaka Helgafell, 108 s.
Flugur frelsa
heiminn
Verðlaunabók sjóðs Ár-
manns Kr. frá í haust eftir
hina knáu Bryndísi Björg-
vinsdóttur. Skemmtileg og
hugmyndarík saga með
óvenjulegu sjónarhorni
sem skoðar átök nær og
fjær með augum vinahóps
fluga sem flýja heimili með
flugnabana úr sjónvarps-
markaði. Sagan er skrifuð
í skemmtilegum stíl en nokk-
uð samsettum setningum
sem reyna á unga lesendur.
Hér er vikið að hinni með-
fæddu grimmd mannanna
og smákvikindin notuð til
að leiða mannkynið. Að því
leiti vísar sagan í dýrasögur,
hefð sem átti sér styrkari
höfunda fyrr á tíð. Vonandi
heldur höfundurinn áfram
á sömu braut en miðar
verk sitt þá nákvæmar við
leshæfni þeirra sem hún vill
tala við.
 Bókadómur málVerkið eFtir ólaF Jóhann ólaFsson
n ý skáldsaga eftir Ólaf Jóhann barst hingað á Fréttatímann í tveimur kynningareintökum, á
ensku undir nafninu Restoration, og ís-
lensku sem Málverkið. Sagan er ekki
löng, ríflega 300 síður, en þar er pakkað
saman miklum örlögum fólks sem er statt
á Ítalíu þegar herir bandamanna sækja
upp skagann og fasistar hörfa. Bakgrunn-
ur þessa fólks sem telur íslenska konu,
þrjá Englendinga, nokkra heimamenn,
skæruliða, þýska hermenn og bandaríska
er margbrotin því skáldið er forvitið um
persónur sínar og erindi þeirra.
Ólafur er ekki maður mikilla orða,
hann er sparsamur, heldur sig við fág-
aðan stíl, málar í nokkrum orðum sviðið,
aðstæður í húsum, görðum, götum,
bætir á veðurlýsingu sem er oft boðun
um hvað er í vændum, glæðir myndina
hljóði, andrúmi áður en hann tekur til
við að teikna upp persónur og leikendur.
Hann er orðinn býsna flinkur í sínum hóf-
sama og þægilega stíl en er undir niðri
lævís sögumaður sem grípur lesandann
að óvörum og leiðir hann áfram. Fléttan
hans er sveigð úr mörgum þráðum ,
sumum gildum – öðrum fínum. Jafnvel
í aukapersónum nær hann glæsilegum
boga, byggðum af litlum myndum sem
sáldrast um verkið.
Það ægir hér ýmsu saman; ástarsög-
um, tveir þríhyrningar stika sögusviðið,
hjónabönd sem farast fyrir sviksemi, ár-
áttukennd hefndarþrá, áráttukennd lista-
verkasöfnun og sala sem kallar á fantavel
útfærða lýsingu á málverkafölsun, verkið
er þannig ítarlegt í úthugsuðum smáat-
riðum sem eru grunnur af miklu ítarlegri
siðferðilegum flákum í byggingunni.
Og umhverfis allt er dægileg og sönn
upplifun af Toscana, stúderuð lýsing á
uppbyggingu stórbýlanna þar á þriðja og
fjórða áratugnum sem var dæmd en náði
sér á strik í vínframleiðslu og ferðaþjón-
ustu fyrir rétt þremur áratugum.
Ólafur hefur tekið sér langan tíma til
að vinna þetta verk. Það mun falla stórum
hóp aðdáenda hans hér á landi vel í geð,
hann er flinkur að spinna þráð sem er fag-
urfræðilega fullnægjandi, hlaðinn spennu
og rómans og slíkt efni kallar á lesendur,
vonandi bæði hér heima og í engilsax-
neskri útgáfu.
Enski textinn hans er ekki þýðing
heldur skrifaður samtímis og gaman er
að leggja þá hlið við hlið og sjá hversu vel
sýn skáldsins samsvarar sér.
Bækur
Páll Baldvin Baldvinsson
pbb@frettatiminn.is
Nokkrir dagar í lífi
Toskanabænda
Loks er komin útgáfa fyrir almenning á Ís-
lenskum fuglum sem Benedikt Gröndal vann á
síðustu árum sínum í fallegri útgáfu Crymogeu
– með vönduðum eftirmála Kristins Skarp-
héðinssonar. Seint ætla Íslendingar að læra
að meta Gröndal, heildarsafn hans hefur enn
ekki verið unnið sómasamlega, aðeins helstu
ritin. Hann var frumkvöðull í flestu sem hann
tók sér fyrir hendur og að baki var mótsagna-
kenndur og snjall persónuleiki; fjölfrótt skáld
og merkilegur andi. Því miður eru skreytingar
verksins unnar seint á ævi hans, frumstæðar
í anatómíu en nærri lagi víða í litum. Hann er
enginn Audubon, margt er líka breytt í fugla-
flórunni, en bókin er falleg og vandlega unnin
og bætir enn í skarðið sem verk Gröndals eru í
nýjum útgáfum. -pbb
Fuglalíf Gröndals
Tímaritið Spássía heldur áfram göngu
sinni í ritstjórn Auðar Aðalsteinsdóttur
og Ástu Gísladóttur. Heftið er að þessu
sinni stútfullt af spennandi gagnrýni um
tuttugu og þrjár bækur síðustu vikna.
Þar er einnig viðtal við Vigdísi Gríms-
dóttur, grein um sögur Richard Adams,
Gímaldin og Eiríkur Örn Norðdahl stíga
fram, skrifað er um leshópa og talsetn-
ingu auk þess sem fjallað er um nýjar,
og sumar liðnar, leiksýningar. Spassían
kemur sem ferskur blær inn í umræðu
um íslenskar bókmenntir, á prenti og
ýmsum afleiddum formum. Tímaritið fæst
í öllum skárri bókaverslunum en vefur
útgáfunnar er spassian.is. -pbb
Nýtt blað Spássíu

málverkið
Ólafur Jóhann Ólafsson
Vaka Helgafell, 328 s. 2011.
Málverkið er margbrotið skáldverk þar sem pakkað er saman miklum örlögum.
Ólafur Jóhann Ólafsson „Málverkið er ítarlegt í úthugsuðum smáatriðum sem eru grunnur af miklu ítarlegri siðferði-
legum flákum í byggingunni.
Jafnvel í
aukapersón-
um nær hann
glæsilegum
boga, byggð-
um af litlum
myndum sem
sáldrast um
verkið.

Íslenskir fuglar
Benedikt Gröndal
256 blaðsíður, Crymogea. 2011.
ÍSLENSKT
KJÖT
www.noatun.is