Fréttatíminn - 09.12.2011, Page 66
62 barnabækur Helgin 9.-11. desember 2011
Rökkurhæðir –
Rústirnar
Birgitta Elín Hassel,
122 síður, Bókabeitan, 2011.
Ný útgáfa
hryllingsagna
Tvær konur stofna útgáfu
með það takmark að koma
fram með spennusögur
fyrir unglinga. Ritröðin er í
takt við tímann; unglingar
og fjölskyldur þeirra í
forgrunni í ímyndaðri borg
sem ber svip af Reykjavík
en í jaðri hennar eru
yfirgefin blokkarhverfi.
Fyrsta bókin í röðinni er
nútímasnúningur á sögn-
inni um Rumpelstiltkin/
Gilitrutt. Snoturlega samin
og spennandi saga með
nokkra lausa enda sem
gera má skil síðar. Letur og
línulengd gera sögurnar
aðgengilegar. Þetta er
gott framtak en minnir um
margt á Gæsahúðarröðina
sem er vinsæl og mikið
lesin.
Rökkurhæðir –
Óttulundur
Marta Hlín Magnadóttir,
110 síður, Bókabeitan, 2011.
Í gömlu húsi...
Önnur bók í Rökkurhæða-
röðinni er með miklu
flóknari þræði þótt þemað
um látna systkinið sé
margnotað og þvælt
en í sjálfu sér einfalt.
Óttulundur er draugasaga
en þráðurinn er þvælings-
legur og spennan dettur
fyrir bragðið niður. Miðið
er ekki rétt og leyndar-
dómurinn er alltof lengi að
skýrast. Hér er það eldra
hús sem geymir ógnina en
áður en sagan er öll liggja
fórnarlömb í valnum.
Betur má ef duga skal.
Rikka og töfra-
hringurinn í Japan
Hendrikka Waage og Inga María
Brynjarsdóttir,
Salka.
Rikka á
flandri í Japan
Hugmyndin um mynda-
bækur fyrir krakka sem
kynna nokkra fasta siði
land frá landi er gömul en
getur virkað ef til hliðar
við heimsókn í hvert land
er einhver annar þráður.
Rikka er sviplaus krakki og
töfrahringur sem blánar
og gulnar á víxl er ekki
nóg, jafnvel þótt vel séu
raktir siðir í Japan. Upp-
lýsingar um geisjur þar
eystra eru ónógar og ekki
prenthæfar í sögu fyrir
börn. Textastærð er fyrir
aldurinn 9-10, en heldur
er ferðasaga Rikku rýr og
viðburðalítil. Miklu rými er
eytt í myndir sem eru fullar
af fólki en snauðar að eftir-
tektarverðum atvikum í bak
og hliðum. Grunnfærið verk
og lítið hugsað. Hendrikka
verður að gera betur í
þessum anga athafnasemi
sinnar.
Eldum saman – ís-
lensk matreiðslu-
bók handa krökk-
um
Guðmundur Finnbogason,
96 síður, Ugla 2011.
Matreiðslubók
fyrir krakka
Eftir sigurgöngu Disney-
veldisins í kokkabókum
krakka er ekki nema
eðlilegt að önnur forlög
fylgi á eftir: Guðmundur
Finnbogason heimiliskenn-
ari hefur sett saman bók
með einföldum og skýrum
uppskriftum fyrir krakka.
Umbrotið er ljóst og
litríkt, ekkert verið að búa
til flókna rétti og margt
matarsiða er útskýrt á
einföldu máli og með stóru
letri. Fyrirmyndarprent-
gripur þó hann láti ekki
mikið yfir sér. Bók sem
gefa má ungum og eldri
krökkum og þau hafa góð
not af.
Auður og gamla
tréð
Eva Rún Þorgeirsdóttir & Stella
Sigurgeirsdóttir,
36 síður, Salka 2011.
Auður og
gamla tréð
Gamla tréð er hlynur þó
teiknaranum hafi yfirsést
rétt trjáblaðagerð og
eftir tal litlu stúlkunnar,
sem er upphaf sögunnar
og endir, lærir lesandi á
nokkrum opnum algengar
jógaæfingar. Sem er
tilgangur höfunda; kenna
krökkum jóga. Sem er
gott og blessað og mætti
ástunda á öllum leik-
skólum. Texti bókarinnar
er fyrir vel læsa; setningar
langar og samsettar og
ofviða stautandi krökkum.
Sagan er því fyrir fullorðna
lesendur og þó mórallinn
sé góður er sagan sviplítil
og stendur ekki ein. Jafn-
vel þótt myndskreytt sé.
Útgefandi hefði mátt gera
meiri kröfur til höfunda
fyrst þær gerðu ekki betur.
Náttúrugripasafnið
Sigrún Eldjárn,
204 síður, Mál og menning.
Sigrún bjart-
sýna og sögur
hennar
Bröste-hafi ársins er að
vanda með skemmtisögu
fyrir krakka í þessu fallega
broti því sem Sigrún hefur
valið bókaflokk sem hófst
með Forngripasafninu í
fyrra. Sigrún er safnavinur.
Náttúrugripasafnið rekur
nokkra þræði; amma á
Indlandi vill hafa uppá
barnabörnum sem voru
gefin, Rúnar er í heimsókn
í New York hjá karríer-
konunni mömmu sinni og
finnur gjafir en fær í kaup-
bæti dularfullan pakka,
heima er pabbi hans að bisa
við að koma upp safni fyrir
náttúrugripi og vinir Rúnars
dragast inn í dularfulla
atburði. Þetta eru hand-
hægar bækur, auðveldar í
lestri, skrifaðar á fínu máli
með persónulegum húmor
Sigrúnar. Spennan er vel
undirbyggð en slæst út í
hreina fantasíu er á líður.
Ríólít-reglan
Kristín Helga Gunnarsdóttir,
230 síður, Mál og menning
Týndir menn
við Torfajökul
Kristín Helga spænir
enn úr heimum fornra
fræða: Krakkar sem eru
utangarðs og einmana
halda sig á félagsmið-
stöð og ætla í óvissuferð
en eru svo óheppinn að
gullspennt álfamær villir
leiðsögumanninn. Í stað
hans kemur Trausti og er
ekki allur þar sem hann er
séður. Ríólít-reglan (10-14
ára) er spennandi og
fjörleg saga, dálítið lang-
dregin í kynningu, alltof
mannmörg í blábyrjun en
þéttist þegar tekur að sax-
ast á hópinn sem leggur í
ferðina. Hér er unnið með
álfaminnið á snjallan hátt
þótt enn séu álfheimar
einsog kópía af einveldis-
hirðum gömlu Evrópu og
drottningin sé ári lík eldri
stallsystrum (Narníu og
Snædrottningu). Samtöl
lipur, persónur skýrar og
allt leiðir í æsispenning.
Upp á líf og dauða
Jónína Leósdóttir,
180 síður, Vaka-Helgafell.
Hætt við
sjálfsmorði
Jónína Leósdóttir heldur
áfram að setja saman
sögur fyrir unglinga (12-15
ára) með raunveruleg
vandamál aldurshópsins
í brennidepli. Hér finnur
stelpa sjálfmorðsbréf
liggjandi í drasli á borði
eftir hópvinnu nokkurra
krakka og fer að finna
þann sem stendur höllum
fæti. Mál leysist farsællega
um síðir ... eða hvað?
Sagan er skemmtileg,
keyrð áfram af samtölum
sem draga fram ólíka
persónuleika í hópnum,
ólíkar skoðanir. Minni er
um beinar lýsingar og
því skapa samræðurnar
atburðarásina. Aðalhetjan
verður, er á líður,
uppáþrengjandi. Sagan er
prýðilega hugsuð og vel
sett saman, verður hvergi
klisjukennd.
BÓKAFORLAGIÐ BIFRÖST
bokaforlagidbifrost@simnet.is - Sími 511 2400
S P E N N U S A G N A D R O T T N I N G I N
Í Skugg an um af brosi þínu
eft ir met sölu höf und inn Mary Higg ins Clark
er að al sögu hetj an, Mon ica Farr ell, barna lækn ir á sjúkra húsi.
Mon ica veit ekki hverra manna hún er.
Hún þekk ir ekki upp runa sinn.
En aðr ir vita allt um hann og þeim
er ekki í hag að Mon ica kom ist að því
hverr ar ætt ar fað ir henn ar var.
Mik ill ætta rauð ur er í húfi. At vik haga því svo
að Mon ica fer að fá ákveðn ar grun semd ir
um ætt sína og hver sé hinn raun veru legi afi henn ar.
Sá grun ur set ur líf henn ar í mikla hættu.
BÓKAFORLAGIÐ
BIFRÖST
Leiðbeinandi verð:
krónur 4.980