Fréttatíminn - 14.12.2012, Page 16

Sætúni 8, 105 Reykjavík. Sími: 531 3300. ritstjórn@frettatiminn.is Ritstjórar: Jónas Haraldsson jonas@frettatiminn.is og Mikael Torfason
mikaeltorfason@frettatiminn.is. Framkvæmda- og auglýsingastjóri: Valdimar Birgisson valdimar@frettatiminn.is. Útgáfustjóri: Teitur Jónasson teitur@frettatiminn.is .
Fréttatíminn er gefinn út af Morgundegi ehf. og er prentaður í 82.000 eintökum í Landsprenti.
E
Enginn ágreiningur er um marga veiga­
mikla þætti í tillögum stjórnlagaráðs sem
fela í sér tímabærar stjórnarskrárumbætur.
Á þetta benti Björg Thorarensen, prófessor
í stjórnskipunarrétti við Háskóla Íslands, í
blaðagrein nýverið. Björg tiltók að til greina
kæmi, í ljósi þess stutta tíma sem fram
undan er, að skipta verkefninu í smærri
áfanga. Taka mætti fyrir til meðferðar þætti
sem sátt er um og brýnast að
bæta úr. Það gæti verið skyn­
samlegri leið en að færast
of mikið í fang. Verkefnið er
vandmeðfarnara ef stefnan er
sett á nýja stjórnarskrá, segir
prófessorinn og bætir við:
„Það vekur ugg um að málið
fái ekki þá vönduðu meðferð
sem það verðskuldar með
sáttavilja en verði þröngvað í
gegn með naumum meirihluta
stjórnarþingmanna.“
Þingmenn hljóta að gefa gaum að þessum
orðum stjórnlagaprófessorsins nú þegar
þrýst er á mjög hraða meðferð stjórnar­
skrármálsins á þingi og ekki síður þegar
Salvör Nordal, fyrrverandi formaður stjórn­
lagaráðs, hvetur Alþingi til að læra af fyrri
mistökum, til dæmis við einkavæðingu
bankanna, virða vandaða starfshætti og
hraða stjórnarskrárfrumvarpinu ekki um
of í gegnum þingið. Salvör gagnrýnir afar
stuttan umsagnarfrest sem gefinn var og
bætti við í sjónvarpsviðtali: „Ég held að
eina leiðin núna, miðað við hve skammur
tími er til kosninga, að það verði að finna
nýjar leiðir. Menn verði að setjast niður og
hugsa, hvernig getum við náð fram ein­
hverjum breytingum á stjórnarskránni á
þessum tíma? Hvað er skynsamlegt? Hvað
eru menn sammála um að gera? Búa til ferli
sem kannski nær fram á næsta kjörtímabil í
endurskoðun stjórnarskrárinnar.“
Samstöðu má ná á Alþingi nú um mikil­
vægar stjórnarskrárbreytingar; um forseta­
embættið, valdmörk æðstu handhafa ríkis­
valds, dómstóla, auðlindir, heimild um
takmarkað framsal ríkisvalds og að þjóðar­
atkvæðagreiðslur fái aukið vægi. Björg
Thorarensen bendir á að pólitískur vilji og
ríkur þjóðarvilji sé til að ljúka verkinu.
Í þetta mikilvæga verk verða menn hins
vegar að gefa sér þann tíma sem þarf. Ná
má áfanga á þeim stutta tíma sem eftir lifir
af þessu kjörtímabili og halda áfram á því
næsta. Björg minnir á í grein sinni að tillög­
ur stjórnlagaráðs séu leiðarljós en staðhæf­
ingar um að Alþingi megi engar efnislegar
breytingar gera séu rangar og gangi þvert á
grunnhugsun stjórnskipunarinnar.
Prófessorinn ítrekar að þjóðin sé
stjórnarskrárgjafinn. Stjórnskipun Íslands
byggist á þeirri grunnhugmynd vestrænna
lýðræðisríkja að uppspretta alls ríkisvalds
komi frá þjóðinni. Í því felst að þjóðin hefur
endanlegt vald til að ákveða þær leikreglur
sem handhafar ríkisvalds skulu fylgja.
„Þessi hornsteinn lýðveldisins var lagður
við setningu stjórnarskrárinnar 1944. Sam­
kvæmt 81. gr. var skilyrði gildistökunnar
að meirihluti allra kjósenda í landinu hefði
samþykkt hana. Yfir 98% kjósenda tóku
þátt í atkvæðagreiðslunni og um 95% þeirra
samþykktu stjórnarskrána. Í þessu fólst
hvorki leiðbeining né ráðgjöf. Þar beitti
þjóðin valdi sínu sem stjórnarskrárgjafi,“
segir Björg í upphafi greinar sinnar.
Í lok hennar varar hún við annarri máls­
meðferð: „Af málflutningi forsætisráðherra
verður þó ekki ráðið að efna eigi þessi fyrir­
heit [að gildistaka nýrrar stjórnarskrár
verði háð endanlegri staðfestingu og sam­
þykki þjóðarinnar]. Rætt er um að halda
aðra ráðgefandi þjóðaratkvæðagreiðslu
samhliða alþingiskosningum. Í stað þess að
leita samkomulags á þingi, ljúka meðferð
frumvarpsins á tveimur þingum og leggja
síðan í endanlegan dóm þjóðarinnar, eiga
almenn viðhorf kjósenda með þá skoðun
að stjórnarskrárbreytinga sé þörf að skapa
pólitískan þrýsting fyrir síðari afgreiðslu
frumvarpsins. Þannig á að knýja þingmenn,
sem telja að frumvarpið hafi alvarlega
ágalla eða sé þjóðinni ekki til heilla, til að
víkja frá sannfæringu sinni.“
Ná þarf eins almennri samstöðu og unnt
er um stjórnarskrárbreytingar. Þingmenn
eiga að flýta sér hægt – og vanda sig.
Stjórnarskrárbreytingar
Þingmenn flýti sér hægt – og vandi sig
Jónas Haraldsson
jonas@frettatiminn.is
Regína Ásvaldsdóttir er maður vikunnar. Hún
var ráðin bæjarstjóri Akraness og er fyrsta
konan til að gegna því embætti í 70 ára kaup-
staðarsögu bæjarfélagsins. „Nýja starfið leggst
mjög vel í mig,“ segir Regína. „Akranes stendur
ágætlega fjárhagslega, er mikill íþróttabær og
hefur jafnframt tekið vel á móti flóttafólki og
hefur því mannréttindi í hávegum,“ segir hún.
Aðspurð segir hún helstu tenginguna við
Akranes þá að hún hafi unnið með mörgum
frábærum Skagamönnum og konum í gegnum
tíðina. Einnig hafi hún haldið stíft með
ÍA í fótbolta frá því hún var barn. „Pabbi
fór með mig á fótboltaleiki upp á Skaga
þegar ég var krakki og held ég enn
með Skagamönnum í boltanum,“ segir
Regína. ,,Síðast en ekki síst þá er mað-
urinn minn mjög hrifinn af Garðavelli en
hann hefur spilað ófáa golfhringina á
vellinum. Það er auðvita forsenda fyrir
flutningunum, að það sé góður golf-
völlur á svæðinu“.
MaðuR vikunnaR
Alltaf haldið með Skagamönnum
00000
w w w. v e i d i k o r t i d . i s
Eitt kort
35 vötn
6.900 kr

Frábær jólagjöf!
16 viðhorf Helgin 14.-16. desember 2012