Fréttatíminn - 09.11.2012, Page 14

Kjósum öflugan mann
með skarpa sýn á atvinnuvinnulífið
Ragnar Önundarson hefur sýnt með verkum sínum
og skrifum um viðskiptalíf og fjármál að hann
á mikið erindi í forystusveit Sjálfstæðisflokksins.
Sjálfstæðisfólk í Kraganum, mætum í prófkjörið
og tökum þátt í að móta nýja framtíð.
Sjálfstæðisfólk í Kraganum,
sendum skýr skilaboð
veljum Ragnar Önundarson
í 1. sætið.
Stuðningsmenn
Greinar Ragnars og framtíðarsýn: www.ragnaronundarson.is
1.
Diljá Valsdóttir, verkefnastjóri hjá Innovit, segir
niðurstöður McKinsey&Company ekki koma á óvart.
 Viðskipti Ný skýrsla MckiNsey&coMpaNy
Íslendingar meiri frumkvöðlar
en Bandaríkjamenn
É g get tekið undir þetta,“ segir Diljá Valsdóttir hjá nýsköpunar og frumkvöðlasetri Innovit um niður-
stöðu skýrslu McKinsey&Company sem
kom út á dögunum og segir Íslendinga
eina mestu frumkvöðla heims.
Samkvæmt skýrslunni eru 10% Íslend-
inga nú þegar viðloðandi ný fyrirtæki en
þetta hlutfall er 7,6% í Bandaríkjunum
en Bandaríkjamenn hafa lengi talist til
mestu frumkvöðla heims. Danir eru hins
vegar miklu íhaldssamari en Íslending-
ar og Bandaríkjamenn og aðeins 3,8%
þeirra eru viðriðnir ný fyrirtæki.
„Íslendingar eru almennt óhræddir við
að láta drauma sína rætast og kýla á það,“
segir Diljá og hjá Innovit finna þau fyrir
miklum áhuga hjá fólki og hún segir enn
fremur að það sé tiltölulega auðvelt að
stofna fyrirtæki á Íslandi.
Sé rýnt nánar í skýrslu McKin-
sey&Company kemur í ljós að nær helm-
ingi fleiri Íslendingar eru í startholunum
að stofna nýtt fyrirtæki en til dæmis
Bandaríkjamenn. Og samkvæmt skýrsl-
unni láta Íslendingar verkin tala. Um 65%
Bandaríkjamanna eru að hugsa um að
stofna fyrirtæki en um 50% Íslendinga.
Munurinn felst í þeirri staðreynd að fleiri
Íslendingar láta drauminn rætast.
Mikael Torfason
mikaeltorfason@frettatiminn.is
Munurinn
felst í þeirri
staðreynd
að fleiri
Íslendingar
láta draum-
inn rætast.
 „ÖNuglyNdi“ og „fýlukast“ í fraMkVæMdastjóra fíB
Segja metanið langt
frá því að vera búið
Í Féttatímanum í síðustu viku lýsti framkvæmdastjóri FÍB, Runólfur Ólafsson,
yfir miklum áhyggjum af stöðu metangasmála. Hann sagði að yfirvöld héldu
upplýsingum frá almenningi og að framleiðslugeta sorpvinnslustöðva væri
komin langt aftur úr vaxandi eftirspurn. Hann sagði að ef færi sem horfði
yrðu eigendur metanbíla fyrir miklu fjárhagstjóni þegar gasið kláraðist.
Þessu hafna Dofri Hermannsson, framkvæmdastjóri Metanorku, og Björn
Haraldsson, framkvæmdastjóri Sorpu, alfarið og segjast ekkert botna í
„fýlunni“ úr herbúðum FÍB. Aukningin sé mjög jákvæð því þar sé kominn
hvati að meiri framleiðslu metangass.
É g skil ekkert í þessu önuglyndi framkvæmdastjóra FÍB,“ segir Dofri Hermannsson, framkvæmdastjóri Metanorku, vegna fréttar blaðsins í síðustu viku. Hann segir að til standi
að reisa gasgerðarstöð á vegum sveitarfélaga höfuðborgarsvæðis-
ins á næsta ári. Með því muni framleiðsla metangass þrefaldast.
Metanorka hyggst einnig opna stöð í Melasveit og á Akureyri.
Í sama streng tekur Björn Haraldsson, framkvæmdarstjóri
Sorpu, sem einnig furðar sig á ummælum Runólfs. „Ég skil ekk-
ert í þessu fýlukasti. Við munum koma til með að standa fyllilega
við orð okkar og þjónusta um 4.000 smábíla úr Álfsnesi, en nú eru
þeir aðeins um tólf hundruð.“ Björn segir að vissulega
komi það fyrir að þrýstingur verði lágur á dælunum
á álagspunktum. En til standi að bæta við þjónustu-
stöðvum í samvinnu við Olís og auka þannig sam-
keppni.
Dofri segir að einnig megi skoða þjóðhagsleg áhrif
þess að aka um á innlendri orku í stað erlendrar með
tilliti til gjaldeyrissparnaðar. Áhyggjur framkvæmda-
stjóra FÍB séu út í hött.
„Ef eftirspurnin eftir metani er mikil, vex framleiðsl-
an í kjölfarið. Við förum ekki að búa til orku umfram
það sem er nýtt. Það sér hver maður að slíkt er ekki
hagkvæmt. Ég skil því ekki alveg á hverju gagnrýnin
byggist og að þetta skuli koma frá manninum sem
kvartar hve mest yfir bensínhækkunum. Hann ætti
því að gleðjast yfir ódýrari orkugjöfum, og innlendum
í þokkabót,“ segir Dofri og bendir á að fyrir liggi þver-
pólitísk sátt á Alþingi um að ekki verði lagðir frekari
skattar á innlenda, vistvæna orku fyrr en að bílaflotinn
er kominn á sjötta þúsund. „Nú eru bílarnir hins vegar
ekki nema tólf hundruð. Svo það er langt í það.“
Dofri bendir á líkindi milli metanvæðingarinnar og
almennrar hitaveitu. „Sem dæmi má nefna að 1934 var
heitt vatn leitt í nýbyggðan Laugarnesskóla, 1935 í ný-
byggðan Austurbæjarskóla og á næstu tveimur árum
í Landsspítalann og Sundhöllina. Þá voru stór hús í Þingholtum að
byggjast upp og eigendur þeirra vildu fá hitaveitu en þá var heita
vatnið í Laugarnesi á þrotum. Menn sögðu þá að engin framtíð
væri í hitaveitu, þetta væri skemmtilegt í nokkur hús en auðvitað
gæti ekkert komið í staðinn fyrir olíufýringuna.“
Dofri vísar einnig ummælum Runólfs um mikinn kostnað við
breytingar bifreiða á bug. „Nýr meðalstór fjölskyldubíll sem er
breytt, er í raun ódýrari en ella því á þeim eru vörugjöldin felld
niður. Slíku ætti framkvæmdastjóri FÍB einnig að fagna, beri hann
raunverulega hag neytenda fyrir brjósti.“
María Lilja Þrastardóttir
marialilja@frettatiminn.is
Fjöldi met-
anknúinna
ökutækja
hefur frá
2010 aukist
úr um 150
upp í um
1.200 og er
fjórföldun
á tveimur
árum.
Með tilkomu nýrrar gasgerðarstöðvar Sorpu kemur framleiðslan til með að
þrefaldast. Framkvæmdastjórar Sorpu vísar því áhyggjum FÍB á bug.
Metanorka er sprotafyrirtæki í eigu Íslenska gámafélagsins. Starfsemi fyrirtækisins
byggist á rannsóknum og þróun á möguleikum í hagkvæmri framleiðslu metans með
söfnun á lífrænum úrgangi víða um land. Á landsbyggðinni tengist framleiðslan bættri
förgun á lífrænum úrgangi og í landbúnaði tengist málið nýtingu á slíku hráefni til að
framleiða áburð svo hægt sé að draga úr kaupum á dýrum, innfluttum áburði.
14 fréttir Helgin 9.-11. nóvember 2012