Fréttatíminn - 09.11.2012, Blaðsíða 60

Skálað við gimbur: Hægeldaður lambaháls
Háls af lambi c.a. 1-1½ kg
2 gulrætur
1 laukur
2 sellerístilkir
1 flaska rauðvín sem hæfir tilefninu
1 haus af hvítlauki
1 vatnsglas
Salt & pipar
Notið lokaðan leirpott eða pott sem heldur raka vel. Gróf­
skerið lauk, gulrætur og sellerí. Hitið olíu í pottinum, brúnið
hálsinn, bætið við grænmetinu og haldið áfram að steikja um
stund. Hellið hálfri rauðvínsflösku og vatninu yfir, kryddið og
látið sjóða aðeins. Lokið pottinum, setjið inn í 100°C heitan
ofn og látið malla yfir nótt, eða að lágmarki sjö klukkustundir.
Fjarlægið hálsinn varlega úr pottinum, sigtið soðið og búið til
sósu. Berið hálsinn fram í heilu lagi og leyfið kjötinu að detta
af beinunum. Gott að bera fram með rótargrænmeti, soðsósu,
dijon og seinni helmingnum af rauðvíninu.
44 matur Helgin 9.­11. nóvember 2012
 Sláturtíð HálSinn er einn vanmetnaSti Hluti lambSinS matargerð úr biblíu kriStinna manna
Háls- og
herðanudd – fjölnota
Öflugt hamrandi nudd sem
dregur úr vöðvabólgu.
Hentar einnig á bak,
mjaðmir og læri.
Margskonar
stillimöguleikar.
16.980 kr.
Gefðu góða gjöf
Opið virka daga kl. 9 -18 og á laugardögum kl. 11 - 16
Eirberg • Stórhöfða 25 • Sími 569 3100 • eirberg.is
Heilsa • Slökun • Vellíðan
Hvað myndi Jesús borða?
Æskuvinkon-
urnar Kristín
og Sigrún eru
samrýndar og
tala um allt.
Þær höfðu lengi
rætt sín á milli
að búa til mat-
reiðslubók. Það
hafa þær nú
gert en athygli
vekur að rétt-
irnir eiga allir
sína tilvísun í
biblíu kristinna
manna.
„Við hlaupum saman reglulega og tölum um mat allan tímann, það
hlýtur að teljast mjög undarlegt,“ segir séra Sigrún Óskarsdóttir,
prestur í Árbæjarkirkju, sem hefur ásamt æskuvinkonu sinni,
Kristínu Þóru Harðardóttur, gefið út matreiðslubókina „Orð, krydd
& krásir“ – Spennandi og girnilegir réttir af slóðum Biblíunnar.
Maturinn sem borinn er á borð í bókinni er að sögn vinkvenn-
anna einfaldur og heilsusamlegur og um leið kitlandi og framandi.
Þær segja fjölbreytni vera í öndvegi sem og áherslu á skemmtilega
stemningu við veisluborðið.
„Í bókinni leggjum við mikla áherslu á
að skapa ánægjulega stemningu við veislu-
borðið. Okkur vinkonunum þykir fátt
skemmtilegra en að bjóða til matarveislu.
Það var því einstaklega gaman að fá að vinna
að réttunum og bjóða vinum og fjölskyldu
að smakka með okkur, þróa áfram og njóta,“
segir Sigrún og vinkona hennar og meðhöf-
undur tekur í sama streng. „Við erum miklir
ástríðukokkar. Við höfum mjög gaman af
mat en mest þó af því að gefa fólki að borða.
Ætli þetta sé ekki gamla húsmóðurgenið
frá mæðrum okkar sem að blundar svona í
okkur,“ segir Kristín.
Bókinni er skipt upp í nokkra veislukafla
og við hvern kafla er ákveðin matartilvísun úr
biblíunni sem þær stöllur segjast hafa lesið upp í matarboðunum.
„Við höfum lengi rætt um að flétta fornar bækur biblíunnar saman
við nútímann og hversdagsleikann,“ segir Sigrún og Kristín bætir
við að maturinn sem finna má í bókinni eigi upp á pallborðið í mat-
armenningu dagsins í dag, svokallað slowfood þar sem hráefnið
er ferskt og óunnið. „Við leggjum upp með að nota íslenskt hráefni
eins og við getum.“
Kápa bókarinnar sem geymir
hinar helgu uppskriftir.
Vinkonurnar Sigrún og Kristín Þóra hafa
verið óaðskiljanlegar síðan í menntaskóla.
Besti bitinn í bænum
Jón Þór Finnbogason á alltaf nóg af
lambakjöti í frystikistunni og hvetur fólk
til að kaupa sér heilan skrokk fyrir vetur-
inn. Hann er afar hrifinn af hálsinum en
setur hann ekki í flokk með súpukjöti
eins og kaupmenn gera.
Jón Þór Finnbogason
eldar háls af lambi.
Ljósmynd/Hari n ú er sláturtíðinni að ljúka og hver fer að verða síðastur að
fylla frystikistuna af lamba-
kjöti fyrir veturinn.
Hálsinn finnst mér einn
skemmtilegast hluti lambs-
ins. Hálsinn samanstendur
af seigum litlum vöðum, fitu
og sinum. Hálsinn er einn af
þeim hlutum lambsins sem
fer ekki að virka fyrr en búið
er að eyða töluverðum tíma
í mýkja hann upp. Þetta eru
harðir vöðvar sem búa yfir
miklum einkennum en eftir
lúxusbað breytist hálsinn í
hreint sælgæti, ef hægt er að
taka þannig til orða. Hálsinn
er nánast ófáanlegur í heilu
lagi hjá hefðbundnum kaup-
manni, þar sem hlutar hans
finnast einungis í hinum svo-
kallaða „súpuflokki“. Fyrir
þá sem vilja vera öruggir um
að nálgast slíkan bita er best
að verða sér úti um heilan
skrokk. Þegar skrokkurinn
er kominn í hús er tilvalið
að byrja ferðalag vetrarins
á því að sökkva tönnunum
í safaríkan háls. Hér fylgir
uppskrift sem færir okkur
nær upprunanum.
Háls er herramanns matur.