Fréttatíminn - 11.10.2013, Qupperneq 12

Laaaaaaaaaangbestar?
Mörgum finnst Superfries vera laaaangbestu
frönskurnar og þær eru nú betri en nokkru sinni
áður. Sérvaldar kartöflur, steiktar í repjuolíu og
kryddaðar með sjávarsalti. Prófaðu núna!
52% af skatttekjum borgar-
innar í skóla- og fræðslumál.
Þetta á að vera kosningamál
í hverjum einustu kosning-
um.“ Þorbjörg Helga á fjögur
börn á ólíkum skólastigum
og því þekkir hún þessi mál
ekki aðeins frá sjónarhóli
borgarfulltrúans og á fag-
legan hátt heldur einnig sem
foreldri.
Ræða þarf hlutverk
kennara
Henni finnst sárlega skorta
stefnumótun í skólamálum
innan núverandi borgar-
stjórnarmeirihluta. „Okkur
vantar skýr markmið og
þurfum að hafa mælikvarða
fyrir skólana opna og gegn-
sæja. Ábyrgðin er hjá okkur
borgarfulltrúum. Ef eitthvað
gengur illa þá getum við með
gegnsæi réttlætt að veita
frekari fjármunum í ákveðin
verkefni en gegnsæi er líka
mikilvægt fyrir foreldrana.
Stjórnsýslulega þarf að gera
breytingar þannig að skóla-
stjórnendur hafi meira að
segja um skólastarfið. Við
þurfum líka að taka um-
ræðuna um hvert sé hlutverk
kennara og hvert sé starf
hans. Þegar við ræðum um
hlutverk kennarans erum
við gjörn á að segja þá eigi
að kenna næstum allt, að
þeir kenni börnum að vera
kurteis, fjármálalæsi og um
lýðheilsu. Þetta er allt sett
á herðar kennara. Starfið
þeirra er síðan að kenna
börnunum að læra að lesa,
gagnrýna hugsun og annað
sem er skilgreint í aðalnáms-
skrá. Það þarf að skerpa á
þessum skilgreiningum og
ramma betur inn hver séu
verkefni heimilis og skóla
í samstarfi og hver ekki.
Við þurfum að setja meiri
áherslu á grunnfærni, ég vil
til dæmis setja markmið að
öll börn séu læs 10 ára.“
Hún bendir á að við efna-
hagshrunið hafi verið lögð
áhersla á að verja grunn-
þjónustuna en smátt og smátt
hafi fjarað undan því. „Með
mínu framboði er ég að setja
skólamálin meira á dagskrá.
Krónutalan, sem úthlutað er
á hvern nemanda, er sú sama
og fyrir sex árum. Foreldrar
finna að það er losarabragur
í skólastarfinu og við þurfum
að taka þetta til gagngerrar
endurskoðunar í samstarfi
við kennara. Mín hugsun
er að ef við grípum ekki í
taumana lendum við í sama
spíral og Landspítalinn og
heilbrigðisþjónustan. Þar er
sumt komið í ógöngur og það
sama gæti gerst hjá skólun-
um ef við ræðum ekki opin-
skátt um breytingar.“
Mikilvægt að velja
leiðtoga
Prófkjör sjálfstæðismanna í
Reykjavík fer fram í nóvem-
ber og hingað til hefur
aðeins einn annar gefið kost
á sér í oddvitasætið, Júlíus
Vífill Ingvarsson, sem tók við
af Hönnu Birnu Kristjáns-
dóttur sem oddviti þegar hún
söðlaði um og fór í lands-
málin. Til stóð að á fundi
Varðar, fulltrúaráðs Sjálf-
stæðisflokksins, í síðasta
mánuði yrði borin upp tillaga
um leiðtogakjör en fallið var
frá því og prófkjör samþykkt.
Þorbjörg Helga segir mikil-
vægt að prófkjörið hjá þeim
sé haldið þetta snemma. „Að
því loknu verður þá skýrt
hver er kjörinn leiðtogi sjálf-
stæðismanna í borginni,“
segir hún og lítur ekki þann-
ig á að hún sé sérstaklega
að fara gegn sitjandi odd-
vita. „Júlíus Vífill hefur ekki
verið kjörinn sem oddviti og
sjálfstæðismönnum gefst nú
tækifæri að velja á milli ein-
staklinga. Næstu fjögur ár
munu snúast um hvernig við
forgangsröðum fjármunum
og ég er tilbúin að leiða það
verkefni.“ segir hún.
Finnur lítið fyrir aðkasti
Þorbjörg Helga og Gísli
Marteinn Baldursson
hafa starfað náið saman í
gegnum árin sem borgar-
fulltrúar og aðhyllast
svipaða hugmyndafræði á
ýmsum sviðum. Þau voru
til að mynda þeir fulltrúar
Sjálfstæðisflokks, sem
ásamt Áslaugu Friðriks-
dóttur, greiddi atkvæði með
því að auglýsa aðalskipulag
Reykjavíkurborgar í sumar.
„Það er mikil eftirsjá að hon-
um,“ segir hún. Við brott-
hvarfið sagði Gísli Marteinn
að honum þætti leiðinlegt að
standa í stöðugum illdeilum,
ekki síst við félaga og vini.
„Ég get tekið undir með
Gísla. Það getur verið erfitt
að viðra ólíkar skoðanir í
mótvindi en það er mikil-
vægt að bera virðingu fyrir
ólíkum sjónarmiðum. Sjálf-
stæðisflokkurinn er breiður
flokkur og hefur alltaf getað
sætt sjónarmið.“ Spurð hvort hún
verði fyrir aðkasti frá flokkssystk-
inum sínum þar sem hún er ekki
alltaf á sömu línu og heildin segist
hún finna lítið fyrir slíku. „Ég finn
aðeins fyrir því varðandi flug-
völlinn, að ég sé samþykk því að
flugvöllurinn fari þegar raunhæfur
valkostur finnst. Annars held ég
að fólk sé almennt ánægt með þá
stefnu sem ég hef tekið sem hægri
manneskja og með mín sjónarmið
í borgarmálum.“
Á meðan Þorbjörg Helga lá enn
undir feldi varðandi oddvitasætið
segir hún vissulega marga hafa
hvatt sig áfram en aðrir hafi jafnvel
latt hana til framboðs vegna þess
að stjórnmálin séu á vondum stað.
„Ég hef hins vegar bara tekið þann
snúning á þetta að það sé mitt hlut-
verk að snúa þessu við. Ég starfa
af heilindum og segi fólki að þetta
sé virkilega mikilvægt starf, krefj-
andi en einnig gefandi.“
Viðtal við Þorbjörgu Helgu í
Nýju lífi vakti mikla athygli þar
sem hún sagði sjálfstæðismenn
hafa misnotað vald sitt þegar þeir
gerðu Ólaf F. Magnússon að borg-
arstjóra þrátt fyrir andleg veikindi
hans og sagðist hún skammast sín
fyrir að hafa tekið þátt í því. „Ég
sem einstaklingur gat ekki tekið
næstu skref nema ég myndi gera
þetta upp. Ég vildi bara að það
væri skýrt að ég liði ekki svona
vinnubrögð.“
Nokkrir karlmenn hafa verið
orðaðir við framboð til oddvita en
Þorbjörg Helga er eina konan sem
hingað til hefur verið í umræðunni
um leiðtoga sjálfstæðismanna í
borginni. „Ég finn að ég er fyrir-
mynd og að ég hef áhrif á skoðanir
annarra kvenna. Það veitir mér
innblástur. Mér finnst mikilvægt
að þau mál sem ég stend fyrir
snerta konur meira að jafnaði.
Þess vegna finnst mér ég líka bera
ríka skyldu til að tala um mennta-
málin.“
Lausnamiðuð með sáttavilja
Heilt yfir finnst henni hún hafa
mikið fram að færa fyrir borgar-
búa. „Ég er fyrst og fremst hug-
sjónamanneskja. Ég er lausna-
miðuð og ég vinn vel með fólki.
Ég hef mikinn sáttavilja og ég
stend fyrir vinnubrögð sem eru í
átt að sáttum. Ég held að það sé
best fyrir íbúa Reykjavíkur að við
náum verkefnum í gegn með sátt
í stað þess að þvinga þau fram í
ósátt og að síðan þurfi að bakka
með þau. Það eru vond stjórnmál
að mínu mati. Ég hef mikla þekk-
ingu á fjármálum borgarinnar og
Orkuveitu Reykjavíkur og hef ég
góða yfirsýn yfir hvar þarf að for-
gangsraða. En þó ég sé sáttfús þá
er ég óhrædd við að taka sterkar
ákvarðanir og standa með þeim.
Það þarf að taka ákvarðanir og
marka stefnu í stað þess að fara
áfram í stefnuleysi og miðjumoði.“
Hún bendir á að tilfinningin
í samfélaginu sé sú að fjármál
borgarinnar séu í góðu lagi. Þar
sé hins vegar margt sem má betur
fara. „Skatttekjurnar í ár eru 62
milljarðar en útgjöldin eru 70
milljarðar. Þarna erum við bara að
horfa á A-sjóð, skólamálin, félags-
málin, skipulagsmálin og alla
þessa grundvallarþætti sem við
eigum að skila á núlli en eru þess
í stað 8 milljarða í mínus. Svona
er búið að keyra þetta frá hruni
og hefur alvarlegar afleiðingar.
Við erum með lek skólaþök, ónýta
hluti í félagsmiðstöðvum aldraðra
og subbulega borg. Þetta er eins
og að þú myndir í sex ár engu
skeyta um að laga það sem er
byrjað að fúna inni á heimilinu
þínu og svo loks gefur það undan.
Mín stærsta gagnrýni á núver-
andi meirihluta er stefnuleysið,
án skýrrar stefnumörkunar náum
við ekki árangri.“
Erla Hlynsdóttir
erla@frettatiminn.is
Þorbjörg Helga Vigfúsdóttir er eina konan sem hefur verið orðuð við oddvitasæti
sjálfstæðismanna í borginni. Það veitir henni innblástur að finna að hún er fyrir-
mynd annarra kvenna. Ljósmynd/Hari
12 fréttaviðtal Helgin 11.-13. október 2013