Fréttatíminn - 11.10.2013, Síða 36

LAGERSALA
Lagersala Lín Design Laugavegi 178 & Glerártorgi
40-80%
afsláttur
Reykjavík: Laugavegi 178
Barnarúmföt, dúkar
löberar, rúmfatnaður
Akureyri: Glerártorgi
stór rúmföt og fleira.
Opið laugardag & sunnudag 11-16
Laugardag & sunnudag
Opið laugardag 10-17
& sunnudag 13-17
Margar gerðir af barnarúmfatnaði, frá 2.990 kr
Akureyri
Stærðir
70x100
100x140
Smávara fyrir heimilið og þig
Burstapoki
áður 1.990 kr, nú 990 kr
Takmarkað
nú loksins á
magn
Augnlæknir með
skýra Júróvisjón
Augnlæknirinn Jóhannes Kári Kristinsson er hornhimnusérfræðingur sem
hefur sérhæft sig í laser-aðgerðum á augum og á að baki hvorki meira
né minna en 7000 slíkar aðgerðir. Hann segir aðgerðirnar vera sínar ær
og kýr en hann er einnig ástríðufullur lagahöfundur sem hefur þrisvar
komist áfram í forkeppni Sjónvarpsins fyrir Júróvisjón. Þá á hann fjóra
hunda sem hann getur ekki hugsað sér að vera án.
Augnlæknirinn
Jóhannes Kári Krist-
insson hefur gert
7000 laser-aðgerðir
á augum, sent þrjú
lög í Söngvakeppni
Sjónvarpsins og nýtur
þess að vera með fjóra
hunda á heimilinu.
Ljósmynd/Hari
J óhannes Kári Kristins-son sérhæfði sig í laser-aðgerðum á augum upp úr
aldamótum og hefur frá 2001 gert
7000 slíkar aðgerðir þannig að þeir
eru ófáir Íslendingarnir sem hafa
öðlast fulla sjón með aðstoð hans.
„Þessar aðgerðir eru mínar ær
og kýr og hafa verið síðan 2000,“
segir Jóhannes. „Aðgerðirnar hafa
verið að þróast frá 1990 þegar
fyrstu aðgerðirnar voru gerðar. Á
einum áratug hafa þær síðan orðið
vinsælustu skurðaðgerðir sem
gerðar eru á mannverunni.“
Byrjað var að gera þessar
aðgerðir á Íslandi árið 2000 og
eins og svo oft þegar nýjungar eru
annars vegar láta Íslendingar ekki
á sér standa og Jóhannes telur víst
að Íslendingar séu heimsmeistarar
í að láta laga sjón sína með slíkum
aðgerðum. „Eftir því sem ég hef
heyrt þá er algengara, en gengur
og gerist annars staðar, að Íslend-
ingar farið í aðgerð til þess að láta
lagfæra þetta.“
En eitthvað hlýtur þó að vera um
að fólk sé hrætt við að láta krukka
í því allra heilagasta, augunum?
„Jújú, auðvitað, og það er bara
ósköp eðlilegt að fólk sé smeykt
við að láta einhvern koma við
augun í sér. Það er nú ákveðið við-
bragð í manni að vernda augun
sem eru ef til vill það dýrmætasta
sem við eigum,“ segir Jóhannes
en bendir á að í raun sé hættu-
legra fyrir fólk að nota snerti-
linsur að staðaldri en að fara í
laser-aðgerð.
„Þegar þetta er borið saman má
segja að áhættan af því að vera
með linsurnar sé lárétt. Það er að
segja hún er bara alltaf fyrir hendi
á meðan þú ert með linsurnar
og öll þau ár sem þú notar þær.
Á meðan áhættan af því að fara í
aðgerð er meira lóðrétt. Hún er á
meðan þú ferð í aðgerðina en síðan
ekki söguna meir. Þegar menn
hafa skoðað þetta hafa þeir komist
að því að snertilinsurnar eru
hættulegri fyrir augun en aðgerðir
og maður hefur séð ansi slæm sár
sem hafa komið á hornhimnur eft-
ir snertilinsur. Og stundum hefur
fólk misst sjón út af linsum.“
Full sjón á tíu mínútum
Jóhannes segir aðgerðina í raun
einfalda og að hún taki ekki nema
tíu mínútur. „Lengsti tíminn fer í
að meta augun fyrir aðgerðina og
marínera fólk í valíumi fyrir aðgerð-
ina en þegar fólk er komið á staðinn
tekur þetta allt saman eitthvað um
einn og hálfan tíma.
Fólk er í svona Saga Class-stól-
um að horfa á náttúrulífsmyndir
og bara hafa það huggulegt fyrir
aðgerðina. En aðgerðin sjálf tekur
ekki nema tíu, fimmtán mínútur og
er búin áður en fólk veit af. Þetta
er minna mál en að fara til tann-
læknis og tekur náttúrlega mun
styttri tíma en tannlæknirinn tekur
yfirleitt.“
Og þótt verið sé að eiga við
augun er fólk fljótt að jafna sig. „Við
notum valíum þannig að fólk verður
frekar þægilega þreytt og sofnar
yfirleitt þegar það kemur heim. Það
fær bara einhvern til þess að sækja
sig og fer beint heim eftir aðgerð-
ina. Fólk finnur kannski smá sviða
fyrst en um kvöldið er það alveg
hætt að finna fyrir augunum og
sjónin yfirleitt orðin býsna góð þá.
Daginn eftir má fólk til dæmis al-
veg keyra og keyrir yfirleitt hingað
í skoðun daginn eftir.“
Var sjálfur alger glámur
Jóhannes lauk námi sem augn-
læknir í Bandaríkjunum árið 2000
og laðaðist strax að laser-aðgerð-
unum. „Ég var svo stálheppinn að
skólinn þar sem ég var bauð upp á
sérnám þar sem þessu var bætt við.
Það var mjög lærdómsríkt að fá að
taka fyrstu skrefin þarna árið 2000,
undir handleiðslu sérfræðinga.
Ég hef síðan bara verið í þessum
aðgerðum og sinni líka almennri
móttöku eins og allir augnlæknar
á Íslandi. En þessar aðgerðir eru
mikið áhugamál hjá mér,“ segir
augnlæknirinn sem að sjálfsögðu
hefur sjálfur farið í aðgerð.
„Ég fór nú sjálfur í aðgerð 2003
en var alger glámur fram að því. Ég
var ekki seinn á mér að slá til þegar
mér bauðst aðgerðin enda þótti það
nú ekki mjög sannfærandi að ég
væri að gera þessar aðgerðir með
gleraugu á nefinu,“ segir Jóhannes
og hlær.
„Ég var spurður svona þrisvar,
fjórum sinnum á dag af hverju ég
væri með gleraugu og af hverju ég
færi ekki í aðgerð. Þannig að það
var mikið fengið með því að fara í
aðgerðina og þá slapp maður við
þessar spurningar.“
Tónsmíðar í tómstundum
Þótt augnaðgerðirnar séu eitt helsta
áhugamál Jóhannesar er hann
einnig lunkinn lagasmiður og getur
ómögulega haldið aftur af sér í þeim
efnum. „Lagasmíðarnar eru eigin-
lega mitt aðal hobbí. Þetta er bara
eitthvað sem maður ræður ekki við
og margir sem fást við að semja lög
kannast örugglega við það. Lögin
koma bara upp í kollinn og þetta er
eiginlega orðin hálfgerð árátta.
Þannig að ég hef sent þrjú lög í
Eurovison sem hafa komist áfram.
Það hefur bara verið ákaflega
gaman að taka þátt í þessu.
Þetta Júróvisjón-umhverfi er
voðalega skemmtilegt og þetta er
eiginlega alveg sérstök upplifun.
Mér finnst þetta vera eitthvað sem
þeir sem útbúa lög þurfi endilega að
upplifa einhvern tíma á ævinni.“
Heimilislífið er heldur betur
fjörugt en hann og eiginkona hans
eiga þrjú börn og svo eru fjórir
hundar á heimilinu. „Já, síðast þeg-
ar það var talið voru þeir fjórir,“ seg-
ir augnlæknirinn í léttum tón. Þetta
er mikil ástríða hjá okkur hjónunum
og krökkunum, hundar og allt sem
þeim við kemur, þótt við séum engir
ræktendur eða neitt þannig.“
Þau eiga tvo enska bolabíta, einn
silki terríer og einn pug. „Þetta er
náttúrlega hálfgerð bilun og mikil
útgerð en eitthvað sem við getum
bara ekki sleppt. Það gefur okkur
alveg gríðarlega mikið að vera með
hundana.“
Þórarinn Þórarinsson
toti@frettatiminn.is
36 viðtal Helgin 11.-13. október 2013