Fréttatíminn - 11.10.2013, Qupperneq 38
Á þínum forsendum
Boðið er uppá
eftirfarandi
Viðtalsmeðferð
Handleiðsla og ráðgjöf
Áfallahjálp
Sorgarúrvinnsla
Fyrirlestrar fyrir hópa
www.liljan.is • liljan@liljan.is • S. 863 6669
Meðferðarvinna á
stofu eða heimili
viðkomandi
Bergþóra Reynisdóttir
geðhjúkrunarfræðingur, MSc
Leitið upplýsinga á auglýsingadeild
Fréttatímans í síma 531 3310 eða á
auglysingar@frettatiminn.is
Fréttatímanum
er dreift á heimili á
höfuðborgarsvæðinu
og Akureyri auk
lausadreifingar um land allt.
Dreifing með
Fréttatímanum á
bæklingum og fylgiblöðum
er hagkvæmur kostur.
Ert þú að huga
að dreifingu?
V ið gerðum góðan samning í upphafi við Freebird um að við myndum eignast félagið og fara í uppbyggingu í Evrópu. Í millitíðinni
hefur merkið Freebird hækkað verðgildið sitt en það
er að hluta til vegna vinnunnar sem við höfum lagt
í það,“ segir Gunnar Hilmarsson hönnuður en hann
ásamt eiginkonu sinni til nærri 20 ára, Kolbrúnu
Petreu Gunnarsdóttur, hafa keypt allt hlutafé í vöru
merkinu Freebird sem þau hafa verið að hanna fyrir
undanfarin misseri.
„Við byrjuðum strax í vor að hraða uppbyggingar
ferlinu og bættum við dreifingaraðilum í Svíþjóð,
Danmörku, Spáni, Englandi og Hollandi en allir
þessir markaðir hafa gengið mjög vel. Það voru um 60
til 70 búðir sem bættust við í vor,“ segir Gunnar.
Gunnar segir bransann ekki stóran og þegar reynd
ir hönnuðir eru með áhugavert merki þá fréttist það
fljótt út. „Við höfum talsvert mikla reynslu en mjög
faglega þarf að standa að gerð nýrra fatalína ásamt
uppbyggingu og sölu,“ segir Gunnar.
Gunnar og Kolbrún vilja helst vinna með nýjum
aðilum með nýja merkið og segja að þau njóti þess
að hafa fengið faglega viðurkenningu í bransanum
eftir að hafa unnið á mörgum góðum stöðum og
verið með vörumerki áður. „Heppni er ekki til og er í
mínum huga sambland af „hardwork“ og hæfileikum.
Stundum fær fólk óvænt tækifæri en það er yfirleitt
bara skapað af þessu tvennu,“ segir Gunnar.
Hanna frá hjartanu
„Við erum einmitt núna að teikna vörulínuna fyrir
haustið 2014 en það gekk mjög vel að selja vorið,“
segir Gunnar.
Freebird mun á næstu misserum sýna á vörusýn
ingum í París.
„Við höfum komist inn á allar vörusýningar sem
við höfum sótt um en það er ekki sjálfgefið. Hönnuðir
þurfa fyrst og fremst að sýna fram á að þeir séu með
alvöru fyrirtæki og með dreifingu annars komast þeir
ekki að,“ segir Gunnar.
„Þó að við sitjum í snjónum heima þá erum við
mjög blóðheitir hönnuðir og því heitara sem markaðs
svæðið er því bóhemskara verður andrúmsloftið. Við
teiknum frá hjartanu og þetta er það sem kemur. Það
gerist því óhjákvæmilega að við erum vinsæl á suð
rænum svæðum,“ segir Gunnar.
Gunnar segir að Freebird fatalínan sé mun suð
rænni en hin týpíska skandínavíska hönnun og að
hjónin vinni að henni mjög náið. Gunnar segir Free
bird ganga mjög vel á Spáni og Ítalíu en þar fái litirnir
mikið að njóta sín sem og þynnsta efnið. „ Þegar við
erum að hann nýja línu þá verðum við að velja flíkur
með tilliti til þess hvað hentar markaðssvæðunum
best,“ segir Gunnar. Í Svíþjóð og Noregi er áhuginn
meiri á einfaldari hönnun en flóknari. Gunnar segir
að hönnun þeirra hafi alltaf virkað vel á Íslandi.,,Ís
lenskar konur eru duglegar að blanda saman ein
faldari flíkum við blúndur og pallíettur sem er mjög
skemmtilegt en hönnun okkar gerir fallegar konur
enn fallegri og búðin á Laugaveginum hefur gengið
mjög vel,“ segir Gunnar.
Markmið Gunnars og Kolbrúnar er að stækka
markaðinn í Bandaríkjunum og fara líka inn á
Asíumarkað. „Það væri mjög gaman að opna búðir í
Evrópu í borgum sem okkur finnst skemmtilegar og
okkur langar til dæmis mikið að opna búðir á Spáni
en það er ekkert ákveðið,“ segir Gunnar.
Gunnar segir að hjónunum hafi alltaf gengið vel að
vinna saman en þau beri virðingu fyrir skapgerðar
brestum hvors annars. „Við erum búin að vera gift í
20 ár og þá er kominn ágætis undirbúningur í því að
þola hvort annað. Það er líka einstakt að fá tækifæri
til að vinna saman og ekki síður í því fagi sem ástríða
beggja liggur,“ segir Gunnar.
Segir hann starfinu stundum fylgja mjög mikið
álag en mikill fjöldi fólks treysti á að þau skili fatalínu
sem selur og skapi atvinnu fyrir alla aðila.
„Við megum ekki sofna á vaktinni því að þá hrynur
píramídinn,“ segir Gunnar.
María Elísabet Pallé
maria@frettatiminn.is
Heppni er ekki til í þessum bransa
Fatahönnuðirnir Gunni og Kolla, eins og þau eru kölluð, hafa gert samning
um að kaupa fatamerkið Freebird en hönnun þeirra er nú til sölu í Banda-
ríkjunum og Evrópu. Vorlínan hefur selst vel en hjónin hanna nú fyrir
haustið 2014. Hjónin til 20 ára hanna frá hjartanu og segja íslenskar konur
duglegar að blanda saman einföldum flíkum við blúndur og pallíettur.
Gunnar
Hilmarsson
í Freebird
versluninni
á Lauga-
veginum.
Mynd/Hari
Freebird
fatalínan
dregur fram
rómantík og
kvenleika.
Hönnun
Gunnars og
Kolbrúnar hefur
verið vel tekið í
suður-Evrópu.
38 hönnun Helgin 11.-13. október 2013