Fréttatíminn - 08.03.2013, Side 20

Ó
lafía Björk Rafnsdóttir hefur
lifað tímana tvenna. Hún hóf
sambúð með fyrrum eigin-
manni sínum aðeins fjórtán
ára að aldri og átti þá einn son.
„Hann er þrjátíu og átta ára gamall í dag,“
útskýrir Ólafía um frumburðinn en auk hans
á hún tvo aðra syni og sjö barnabörn, það átt-
unda er svo rétt ókomið í heiminn. Ólafía er
sjálf fimmtíu og tveggja ára.
„Ég fermdist um vorið og drengurinn kom
í heiminn eftir áramótin. Þegar ég hugsa til
baka þá er þetta auðvitað mjög skrítið allt
saman. Ég man vel eftir þeim degi þegar að
mamma kom og settist hjá mér á rúmstokk-
inn og tilkynnti mér að ég væri ófrísk. Sjálf
hélt ég að ég væri búin að vera með gubbu-
pest. Ég var ekki að átta mig á þessu, enda
kannski það síðasta sem hvarflar að manni
fjórtán ára gamalli.“
Móðir Ólafíu veitti henni allan þann stuðn-
ing sem hún þurfti á að halda á meðgöngunni
og í fæðingunni. Ólafía útskýrir að sjálf hafi
móðir hennar verið ýmsu vön enda sjö barna
móðir sjálf.
Ég á þennan
„Þegar sonur minn fæddist var ég talsvert
lengi á spítalanum þar sem komu upp vanda-
mál, meðal annars vegna þess hve ung ég var.
Mamma ætlaði að vera elskuleg og aðstoða
mig við að baða hann og svoleiðis en ég leyfði
henni það ekki. Ég tók bara utan um hann um
leið og hugsaði, ég á þennan og ég skal hugsa
um hann.“
Ólafía stóð við sitt og hóf sambúð strax
með barnsföður sínum. Þau bjuggu saman í
tuttugu ár og eiga saman synina þrjá. Hann er
þremur árum eldri og var vinur eldri bróður
hennar.
„Við fengum leigða litla íbúð í Breiðholti og
ég fór bara beint í hlutverk. Ég gerðist hús-
móðir sem prjónaði, tók slátur og sinnti heim-
ilinu. Við enduðum með að búa saman í 20 ár
en þá, líkt og gerist, skildu leiðir. Ég man þeg-
ar mágkonur mínar komu fyrst í heimsókn,
hvað ég var stressuð. Ég ætlaði sko að kunna
allt og byrjaði að baka pönnukökur, sem
síðan héldust ekki saman. Þá hafði ég gleymt
egginu. En þetta lærðist eins og hvað annað,“
segir Ólafía og hlær. Hún segir að stundum
hafi það verið einmanalegt að lifa húsmóður-
lífinu svona ung en það hefi verið bót í máli að
þau hafi verið saman í þessu ungu hjónin.
Sambandið við skólafélagana slitnaði
fljótlega þar sem Ólafía hafði hætt í skólanum
Ég fermdist
um vorið og
drengurinn
kom í heim-
inn eftir ára-
mótin. Þegar
ég hugsa til
baka þá er
þetta auð-
vitað mjög
skrítið allt
saman.
Var nýfermd húsmóðir í Breiðholtinu
Ólafía Björk Rafnsdóttir hefur hingað
til verið þekktari sem konan á bak við
tjöldin. Nú er hún hins vegar annar
tveggja frambjóðenda fyrir formanns-
kjör VR. Hún fékk viðurnefnið Ólafía
ósigrandi eftir að hafa leitt forseta-
framboð Ólafs Ragnars og for-
mennskubaráttu Árna Páls. Það sem
færri vita er að Ólafía eignaðist sitt
fyrsta barn aðeins fjórtán ára, og þá
tiltölulega nýfermd.
Ólafía B.
Rafnsdóttir,
frambjóðandi
til formanns VR
eignaðist barn 14
ára. Ljósmynd/Hari
á meðgöngunni vegna veikinda. Hún
lauk því aldrei grunnskólaprófinu
en hélt þess í stað út á vinnumarkað-
inn þegar drengurinn var eins árs.
Hún fékk vinnu á tannlæknastofu og
síðar við götun í ríkisbókhaldinu. Sjö
árum síðar fæddist annar sonur og
ákvað Ólafía þá að leggja aftur kapp
sitt á að vera heima. Hún gerðist því
dagmamma um tíma. Yngsti sonur-
inn fæddist síðan árið 1986 og stuttu
seinna hóf Ólafía störf hjá VR.
Skrifaði leiðinlegasta bréf sem
Gunnar Smári hafði lesið
Það er svo ekki fyrr en árið 2003 að
Ólafía ákvað að kominn væri tími til
þess að ljúka námi. Það gekk ekki
snurðulaust fyrir sig þar sem hún
hafði enga grunnmenntun. „Ég þurfti
að hafa mikið fyrir því að komast inn
í endurmenntunina í Háskóla Íslands,
forgangsröðunin er eðlilega með fólki
sem er með stúdentspróf. Ég sótti um
þrisvar í verkefnastjórnun og leiðtoga-
þjálfunina og komst loksins að,“ segir
hún.
„Það var gríðarlega mikilvægt að fá
að tengja námið við alla verkmennt-
unina sem ég var komin með eftir
þennan langa starfsaldur. Ég naut líka
hverrar einustu mínútu í náminu og
var svo móttækileg fyrir því að fá að
læra eftir allan þennan tíma,“ segir
Ólafía.
Í framhaldi af námi sínu fór hún að
sinna mannauðsstjórn og varð síðan
kosningastjóri Ingibjargar Sólrúnar
Gísladóttir. „Þegar ég útskrifaðist og
byrjaði sem áskriftasölustjóri á Stöð
2, vakti það athygli mína að það var
enginn starfsmannastjóri í þessu 420
manna fyrirtæki. Ég skrifaði Gunnari
Smára Egilssyni, sem þá var forstjóri
365 miðla, bréf og vildi vekja athygli
hans á þessu. Í framhaldinu boðaði
hann mig á sinn fund. Það fyrsta sem
hann sagði við mig þegar ég mætti á
fundinn var að hann hafi aldrei lesið
leiðinlegra bréf á ævi sinni,“ segir
Ólafía og hlær. Hún útskýrir að eftir
að hafa tekist á við Gunnar Smára í
hressu og skemmtilegu samtali hafi
hún verið ráðin starfsmannastjóri 365
miðla en í starfi sínu tók hún einnig
þátt í stefnumótun fyrirtækisins. Í lok
janúar á síðasta ári var henni sagt upp
störfum þegar mannauðssvið 365 var
lagt niður. Ólafía var þá einnig í MBA
námi sem hún lauk í sumar á sama
tíma og hún leiddi framboð forsetans,
Ólafs Ragnars Grímssonar, til sigurs.
Hún varð einnig sigursæl í starfi
sínu fyrir Árna Pál Árnason, formann
Samfylkingarinnar, en hún var kosn-
ingastjóri fyrir í formannsbaráttu hans
nú í vetur.
„Fyrir áramót kom hluti stjórnar VR
ásamt varaformanni að máli við mig og
spurði hvort ég hefði áhuga á að bjóða
mig fram gegn Stefáni, núverandi for-
manni. Ég kvaðst hugsa málið. Ég fór
svo og kannaði hvort það væri einhver
eftirspurn eftir nýjum formanni og tel
mig hafa fundið meðbyr svo ég ákvað
að slá til,“ segir Ólafía. „Ég tel mig vel
geta valdið þessu og tel mig geta gert
betur. Það er mikilvægt að málefnin
séu í forgrunni, ekki persónuleg mál
stjórnenda og að það ríki friður í fé-
laginu. Sjálf er ég með 30 ára starfsald-
ur einmitt í mörgum af þeim störfum
sem rúmast innan VR og tel mig því
hafa sterka og góða yfirsýn.“
Konur sækist sjálfar til áhrifa
Aðspurð segir hún að það sé mikilvægt
jafnréttisbaráttunni að konur sæki
fram. „Til að ná fram jafnrétti er mikil-
vægt að konur séu sýnilegar til for-
ystu. En það er ekki síður mikilvægt
að þær sæki þá fram sjálfar og það er
ég tilbúin að gera,“ segir hún.
Sjálf býr hún að viðamikilli reynslu
þrátt fyrir að hafa ekki fetað hina hefð-
bundnu leið. „Ég sé ekki eftir neinu
þótt oft hafi verið erfitt að byrja á þess-
um enda lífsins. Það hefur skilað mér
hingað og bý ég að miklum auði í fólk-
inu mínu, börnunum og barnabörn-
unum. Það er ómetanlegt að fá að eyða
með þeim tíma og það er nefnilega
þannig að sambandið við barnabörnin
er mjög ólíkt því sem þú átt við börnin
þín. Þú getur gefið þér allan þann tíma
sem þú hefur til að veita þeim athygli
þar sem þú þarft ekki að bera ábyrgð á
að reka heimilið líka. Svo er svo fínt að
geta bara skilað þeim heim þegar þau
eru orðin þreytt og ómöguleg,“ segir
Ólafía kímin.
María Lilja Þrastardóttir
marialilja@frettatiminn.is
Gleraugnaverslunin þín
PIPA
R\TBW
A
• SÍA
• 130492
MJÓDDIN
Álfabakka 14
Sími 587 2123
FJÖRÐUR
Fjarðargötu 13-15
Sími 555 4789
SELFOSS
Austurvegi 4
Sími 482 3949
Tilboð í
Augastað
Frí lesgler
þegar þú kaupir margskipt
gleraugu í Augastað
Lesgler fylgja með ef
þú kaupir margskipt gler
og umgjörð í Augastað.
Tilboðið gildir til 15. mars 2013.
20 viðtal Helgin 8.-10. mars 2013