Fréttatíminn - 25.01.2013, Qupperneq 35

vetrarfjör 35Helgin 25.-27. janúar 2013
I ÐAN fræðslusetur stendur fyrir sérstakri viku símenntunar í iðnaði á Akureyri, 28. janúar til 2. febrúar n.k. Verkefnið er samstarf Símeyj-
ar, Verkmenntaskólans á Akureyri og IÐUNNAR
fræðsluseturs en þessi fyrirtæki sinna símenntun
og grunnmenntun í atvinnulífi og iðnaði.
IÐAN fræðslusetur mun bjóða upp á 20 nám-
skeið sem spanna flestar greinar iðnaðar á Íslandi.
Sem dæmi má nefna námskeið í AutoCad hönn-
unarhugbúnaði, prófanir í málmiðnaði, námskeið
fyrir kjötiðnaðarmenn við mat á kjöti, InDesign
fyrir grafíska hönnuði, námskeið fyrir fagfólk í
hársnyrtigreinum í litun og klippingu, vínfræði
fyrir þjóna, bilanagreiningu fyrir bifvélavirkja,
námskeið fyrir myndskreyta og grafíska hönn-
uði, námskeið í tölvuleikjagerð, brunaþéttingar-
námskeið fyrir byggingamenn, varmadælur fyrir
byggingamenn og námskeið fyrir starfsfólk í
bakaríum.
Þar að auki verður boðið upp á kynningar á
iðnnámi, kynningu á raunfærnimati og námskeiði
fyrir meistara og stjórnendur sem vilja taka nema
á vinnustaðanámssamning.
Kynning á iðnnámi
Fyrir grunnskólanemendur í 8. 9. og 10. bekk og
foreldra þeirra verður sérstök kynning á iðnnámi
föstudaginn 1. febrúar í Verkmenntaskólanum frá
klukkan 13 - 15. Þar geta nemendur prófað, potað
og fiktað í græjum og tækjum og áhöldum. Á
staðnum verða ráðgjafar frá IÐUNNI fræðslusetri
og fyrirtækjum í iðnaði. Nemendur og foreldrar á
Akureyri fá hér frábært tækifæri til að kynna sér
á einum stað fjölbreytt iðn- og verknám.
Því til viðbótar býður prentsmiðjan Ásprent
Stíll upp á opið hús fyrir grunnskólanemendur og
aðra áhugasama sem vilja fræðast um prentiðnað
föstudaginn 1. febrúar klukkan 10 - 12. Grunn-
skólanemendur, foreldrar þeirra og aðrir sem vilja
kynna sér prentiðnað, forvinnslu og umbrot eru
hvattir til að nýta sér þetta tækifæri. Ásprent Stíll
er til húsa að Glerárgötu 28.
Raunfærnimat í iðngreinum
Þeir sem hafa starfsreynslu úr iðngrein geta
fengið slíka starfsreynslu metna til iðnnáms.
Skilyrðin eru þau að menn séu 25 ára eða eldri og
hafi starfað við iðn í 5 ár eða lengur. Raunfærni-
mat hefur löngu sannað sig sem áhrifarík leið til
að auðvelda einstaklingum að afla sér iðnréttinda.
Sérstakur kynningarfundur um raunfærnimat
verður haldinn 30. janúar klukkan 17 í Símey.
Vínfræði og fræðsla fyrir kjötiðnaðarmenn
Í matvæla- og veitingagreinum verður boðið
upp á kennslu í vínfræðum með Dominique
Plédel Jónsson sem er einn fremsti kennari
í vínfræðum á landinu í dag. Á námskeiðinu
verður fjallað um vínþrúgur, uppruna og listina
að para saman vín og mat. Stefán Vilhjálms-
son, fagssviðsstjóri hjá Matvælastofnun, verður
með kennslu í kjötmati fyrir kjötiðnaðarmenn.
Fjallað verður um flokkun eftir holdfyllingu og
fitu og forsendur verðlagningar og viðskipta
með kjöt. Í boði verður námskeið þjónusta og
sala í bakaríum þar sem áhersla verður á listina
að koma vörum á framfæri í bakaríum með
góðum árangri.
Námskeið í gerð tölvuleikja, rafbókagerð og
myndskreytingar
Fyrir upplýsingatæknigreinar og grafíska miðlun
og hönnun verður boðið upp á námskeið í mynd-
skreytingum og gerð töluleikja auk námskeiðs
í umbroti rafbóka. Þeir sem sækja námskeiðið
fá orkuskot í hugmyndavinnu, hugarflæði og
efla innblásturinn. Kristín Ragna Gunnarsdóttir
sem hlotið hefur fjölmörg verðlaun fyrir mynd-
skreytingar sínar á barnabókum leiðbeinir á nám-
skeiðinu. Hún skoðar ný sjónarhorn á hönnun og
myndskreytingar og setur þátttakendur í tengsl
við myndheiminn með sjónrænu dagbókinni og
hressilegum rispum á blýantinum.
Þeir sem vilja stökkva inn í framtíðina skella sér
á tölvuleikjagerð með Unity 3D og læra umbrot
rafbóka. Þau Berglind Káradóttir margmiðlunar-
hönnuður og Sigurður Ármannsson hönnuður
leiðbeina á þessum námskeiðum og leggja góðan
grunn fyrir framtíðina. Ekki er krafist sérstaks
undirbúnings fyrir Unity 3D námskeiðið en þar fá
nemendur rækilega kynningu á forritinu og þeim
tólum sem það býr yfir. Þeir sem vilja læra umbrot
fyrir rafbækur þurfa hins vegar grunn í InDesign
til þess að námskeiðið komi að fullu gagni.
 KyNNINg IÐAN fræÐslusetur í sAmstArfI vIÐ símey og verKmeNNtAsKólANN
Fjölbreytt námskeið á Akureyri
Tölvuleikir, rafbækur, vínfræði og kjötiðnaður er meðal þess sem fólk getur kynnt sér.