Fréttatíminn - 17.02.2012, Síða 22

Opið kl. 9 -18 • laugardaga kl. 11 - 16 • Stórhöfða 25 • 569 3100 • eirberg.isVerslaðu á vefnum Frí sending að 20 kg 1 árs skilaréttur
Hjartastuðtækið
Einfalt í notkun – Íslenskt tal
Verð: 275.000 kr.
Viktoríufossar Viktoríufossar á landamærum Zimbabwe
og Zambíu eru magnaðir, 1700 metra breiðir og nær
100 metra háir. Hávaðinn við fossana er gríðarlegur.
Viktoríufossar eru stærstu fossar Afríku og mikið að-
dráttarafl. Þeir eru á lista UNESCO og heita eftir Viktoríu
Bretadrottningu en landkönnuðurinn David Livingstone
gaf þeim nafnið.
Gullfoss í hópi tíu
fegurstu fossa heims
F
ossar eru meðal stórkost-
legustu náttúruundra og að-
dráttarafl fyrir þá sem í senn
vilja njóta krafta náttúrunnar
og fegurðar. Hið heimskunna
ferðabókaforlag Lonely Planet hefur
tilnefnt tíu fegurstu fossa í heiminum,
magnþrungin undur eins og Niagarafossa
og Viktoríufossa en meðal þessara ger-
sema er Gullfoss, helsta náttúru- og ferða-
mannaperla Íslands. Þorri ferðamanna
sem hingað kemur skoðar Gullfoss en Ís-
land er annars ríkt af slíkum djásnum og
má meðal þeirra helstu nefna Dettifoss,
sem raunar er talinn meðal 10 mögnuð-
ustu fossa heims, auk Gullfoss, á síðunni
World of Waterfalls, Goðafoss, Skógafoss,
Aldeyjarfoss, Háafoss og Dynjanda. En
lítum á tíu fegurstu fossa heims, að mati
Lonely Planet. Farið var vítt um álfur í leit
að þeim. - jh
Angel Hæsti foss í heimi er Angel í
Venesúela en fallhæð hans er hvorki
meiri né minni en 979 metrar. Foss-
inn heitir eftir Jimmie Angel, sem
uppgötvaði fossinn, en nafn heima-
manna er ljóðrænna: Kerepakupai.
Kaieteur Fallhæð Kaieteur í Potaroánni
í Guyana er 226 metrar og fossinn er
meðal hinna öflugustu í heiminum. Mikil
fallhæð og vatnsmagn gera hann sér-
stakan. Fossinn var uppgötvaður árið
1870.
Jim Jim Í hinum fræga ástralska
þjóðgarði Kakadu er Jim Jim, 215 metra
hár foss. Auðveldara er að komast að
fossinum þegar þurrt er, þótt síðustu
11 kílómetrarnir séu aðeins fyrir jeppa.
Gallinn er hins vegar sá að þá þornar
áin mjög. Fossinn er stórfenglegastur
þegar úrkoman er mest en þá er erfitt
að komast um svæðið.
Reichenbach Foss í Sviss sem fjöldi
ferðamanna heimsækir og kannski
ekki síst vegna þess að þar endaði
ein frægasta sögupersóna heims-
bókmenntanna líf sitt er Sherlock
Holmes hrapaði þar til dauða
með erkifjanda sínum, Moriarty
prófessor.
Gullfoss Varla þarf að lýsa Gullfossi sérstaklega
fyrir Íslendingum en náttúra Íslands er sögð
stórkostleg í frásögn Lonely Planet og þar er Gull-
foss nefndur meðal þess sem helst skal skoða. Hæð
fossins er 32 metrar í tveimur fossum. Gullfoss er
í um 100 kílómetra fjarlægð frá Reykjavík, í Hvítá,
einu helsta vatnsfalli Íslands sem upptök sín á í
Langjökli.
Niagarafossar Tveir vatnsmiklir og stórfenglegir
fossar á mótum landamæra Bandaríkjanna og
Kanada. Ferðamenn þyrpast að fossunum enda
komast menn í návígi við hið mikla vatnsfall, eink-
um Kanadamegin. Þá er mikil upplifun að sigla að
fossunum en betra að vera í góðum regnklæðum í
þéttum úðanum. Siglt er með ferðamenn frá apríl
til október.
Détian Skammt frá landamærum Víetnam er stolt
kínverskra fossa, Détian. Náttúrufegurð fossanna
og alls umhverfis er einstök. Best er að heimsækja
svæðið að sumri til þegar þeir eru fossarnir eru
vatnsmestir.
Sutherland Það er úrkomusamt á Nýja
Sjálandi og því vissara að taka með sér
regnjakka fari menn þangað. En það þýðir
um leið fagrar ár og fossa þar sem Sut-
herlandfoss fellur niður um 580 metra.
Afbragð þykir að skoða hann á siglingu á
Milford Sound.
Iguaçu Á mótum Brasilíu og Argentínu er
náttúruundur, einstakt í sinni röð þar sem
um 300 fossar eru á um 2,7 kílómetra kafla.
Hávaðinn er ærandi. Best er fyrir ferðamenn
að njóta útsýnisins og finna fyrir náttúru-
krafti Iguaçu á „Hálsi djöfulsins“, útsýnisstað
þar sem komast má í návígi við fossana.
22 fossar Helgin 17.-19. febrúar 2012