Fréttatíminn - 04.05.2012, Qupperneq 6

BLÖNDUNARLOKI
FYLGIR.
VÖNDUÐ VARA
ÁRATUGA REYNSLA
HITAKÚTAR
RYÐFRÍIR
NORSK
FRAMLEIÐSLA
Olíufylltir
rafmagnsofnar Stærðir: 250W-2000W
Rannsakar brottflutta
til Noregs
Guðbjört Guðjónsdóttir hlaut 500 þúsund
króna styrk úr Minningarsjóði Eðvarðs
Sigurðssonar vegna verkefnisins „Rannsókn á
reynslu Íslendinga sem flust hafa til Noregs eftir
efnahagshrun“. Um er að ræða doktorsverk-
efni Guðbjartar í mannfræði. Í rannsókninni
er leitast við að skoða reynslu Íslendinga sem
flust hafa til Noregs í leit að vinnu í kjölfar
hrunsins og bera reynslu þeirra við reynslu
Íslendinga sem fluttust til Noregs fyrir 2008,
að því er fram kemur á síðu Alþýðusambands
Íslands. Þá hlutu höfundar bókarinnar „Á
rauðum sokkum“ 300 þúsund króna styrk úr
sjóðnum. Verkið er, að mati stjórnar sjóðsins,
mikilvægt framlag til sögu og skilnings á rétt-
indabaráttu kvenna hér á landi. - jh
V ið viljum að kannað sé hvort hægt sé að taka upp fleiri skattalega hvata til að laða
að fyrirtæki og styrkja núverandi.
Við erum sérstaklega að horfa til
hugverkaiðnaðar þar sem hann
hefur langmesta vaxtarmöguleika
af útflutningsgreinum og gengur
ekki á okkar takmörkuðu nátt-
úruauðlindir. Þessi fyrirtæki hafa
næstum ótakmarkaða vaxtarmögu-
leika enda byggja þau tilvist sína á
hugviti starfsmanna öfugt við aðrar
útflutningsgreinar sem byggja sam-
keppnishæfni sína beint eða óbeint
á takmörkuðum auðlindum,“ segir
Magnús Orri Schram, þingmaður
Samfylkingarinnar, í samtali við
Fréttatímann. Hann, ásamt fjórtán
öðrum þingmönnum, mun á næst-
unni leggja fram þingsályktunartil-
lögu varðandi mögulegar skattaí-
vilnanir fyrir fyrirtæki.
„Það er mikilvægt að við gerum
allt sem við getum enda eigum við
á hættu að missa þessi fyrirtæki
úr landi því samkeppnin er mikil á
milli landa. Fjölmörg ríki hafa tekið
upp sérstaka hvata til að gera um-
hverfi hagfelldara fyrir svona fyrir-
tæki og ég vil að það sé skoðað hvað
við getum gert, án þess að brjóta al-
þjóðlega viðskiptasamninga. Mark-
miðið er tvíþætt. Að gera umhverfið
hér heima betra svo þau geti vaxið
og að tryggja að þau leiti ekki annað
vegna hagstæðari skattaumhverfis
erlendis,“ segir Magnús Orri.
Hann bendir á að Kanadamenn
hafi verið í fararbroddi í að búa til
hagstæð skilyrði fyrir slík fyrir-
tæki. „Í Quebec-ríki er sérstakur
skattafrádráttur sem er ætlaður til
að styrkja tölvuleikjaiðnaðinn og í
Nova Scotia er í boði endurgreiðsla
á hluta launakostnaðar fyrirtækja
sem setjast að eða stækka í fylkinu.
Ég vil að við gerum eitthvað svipað,“
segir Magnús Orri.
Óskar Hrafn Þorvaldsson
oskar@frettatiminn.is
 Alþingi þingsályktunArtillAgA
Vilja skattalega
hvata fyrir
hugverkaiðnað
Hópur þingmanna mun á næstunni leggja fram þingályktunar-
tillögu sem felur í sér að skoðað verði hvort stjórnvöld geti
tekið upp fleiri skattalega hvata fyrir fyrirtæki í hugverkaiðnaði
– bæði til að bæta umhverfi þeirra og til að tryggja að þau leiti
ekki annað.
Þessir flytja tillöguna
með Magnúsi Orra:
Valgerður Bjarnadóttir, Lúðvík Geirsson,
Jónína Rós Guðmundsdóttir, Björgvin
G. Sigurðsson, Skúli Helgason, Helgi
Hjörvar, Ólína Þorvarðardóttir, Magnús
M. Nordal, Sigríður Ingibjörg Ingadóttir,
Sigmundur Ernir Rúnarsson, Þór Saari,
Guðmundur Steingrímsson, Margrét
Tryggvadóttir og Birgitta Jónsdóttir.
Magnús Orri Schram vill skapa umhverfi á Íslandi sem er hagfellt fyrir hugbún-
aðarfyrirtæki. Ljósmynd/Hari
Í fyrra áttu tæplega 92 prósent stráka
í 6. og 7. bekk grunnskóla leikjatölvu á
móti 64 prósentum stúlkna.
Heimild: Rannsóknir og greining.
92%
64%
Bauhaus opnar
Byggingarvöruverslunin Bauhaus
opnar á laugardaginn, 5. maí. Viðstaddur
opnunina verður forstjóri Bauhaus í
Danmörku, Noregi og Íslandi. Verslunin er
til húsa að Lambhagavegi 2-4 við Vestur-
landsveg. Hún er 22.000 fermetrar að
stærð og starfsmenn verða 100 talsins.
Í sumar verða sex ár síðan fulltrúar
Bauhaus gengu frá kaupsamningi vegna
lóðarinnar. Þá var stefnt að því að
verslunin yrði opnuð í árslok 2007 en
opnun hennar var frestað þótt húsið væri
fullbyggt, meðal annars vegna hrunsins
sem hér varð. Helstu keppinautar á
markaði eru Byko og Húsasmiðjan sem
danska keðjan Bygma keypti á liðnu ári.
Framkvæmdastjóri Bauhaus á Íslandi er
Halldór Sigurðsson. - jh
Andrea Jóhanna í
forsetaframboð
Andrea Jóhanna Ólafsdóttir, formaður
Hagsmunasamtaka heimilanna, býður
sig fram til embættis forseta Íslands.
Hún tilkynnti ákvörðun sína á fundi 1.
maí, en hún er áttundi frambjóðandinn
til embættisins. Andrea er fædd 2. ágúst
1972 á Húsavík. Hún er þriggja barna
móðir sem býr ásamt manni sínum,
Hrafni H. Malmquist, í Skerjafirðinum.
Andrea hefur stundað nám við Háskóla
Íslands á sviði stjórnunar og uppeldis-
og menntunarfræða. Hún hyggst, nái
hún kjöri, beita forsetaembættinu
meðal annars til að laga lán heimil-
anna, lögfesta lágmarkslaun og auka
lýðræðisumbætur. -jh
6 fréttir Helgin 4.-6. maí 2012