Bændablaðið - 12.12.2013, Blaðsíða 14

14 Bændablaðið | Fimmtudagur 12. desember 2013
Í haust var smíðuð og sett upp
aðstaða fyrir ferðamenn við
Fjaðrárgljúfur í Skaftárhreppi.
Allt ytra byrði hússins er gert
úr íslenskum trjáviði, sitkagreni
sem gróðursett var um 1950 á
Tumastöðum í Fljótshlíð. Framboð
á íslenskum trjáviði á eftir að
aukast mjög á næstu árum og
áratugum, segir skógarvörðurinn
á Suðurlandi.
Á vef Skógræktar ríkisins segir
að frá sjónarhorni skógræktarfólks sé
einna merkilegast við þetta hús að allt
ytra byrði þess er gert úr íslenskum
trjáviði, sitkagreni úr Fljótshlíð.
„Líklega eru í húsinu sverustu viðir
sem hingað til hafa verið sagaðir úr
íslenskum trjám. Sum borðin voru 25
sm breið,“ segir á vefnum.
Starfsmenn Suðurlandsdeildar
Skógræktar ríkisins öfluðu efnisins
með því að grisja sitkagrenireiti á
Tumastöðum. Trén voru gróðursett
í kringum 1950. Heldur þröngt var
orðið um þau í skóginum og því
nauðsynlegt að grisja til að skapa
vaxtarrými. Yfirhæð reitanna var um
20 m og sverustu trjábolirnir rúmlega
50 cm sverir í brjósthæð.
Ryðja brautina fyrir nýtingu
innlends timburs
Efnið var flett bæði með bandsög
sem og með svokallaðri rammasög.
Rammasögin var keypt til landsins í
fyrra og er þeim kostum gædd að hægt
er að saga með henni nokkur borð í
einu úr trjábolunum.
Hreinn Óskarsson,
skógarvörður á
Suðurlandi, segir
fagnaðar efni þegar
íslenskir hönnuðir
og arkitektar nýta
sér innlendan
efnivið í nýjar
byggingar og ryðji
þannig brautina
fyrir nýtingu inn-
lends timburs.
Fram boð á slíkum
efniviði eigi eftir að aukast mjög á
næstu árum og áratugum.
Að verkefninu stóðu Katla jarð-
vangur, Skaftárhreppur, Vatnajökuls-
þjóðgarður, Kirkjubæjarstofa, Friður
og Frumkraftar og Ferðamálafélag
Skaftárhrepps. Hönnuður byggingar-
innar er Birgir Teitsson hjá Arkís ehf,
sá hinn sami og sigraði í samkeppni
Skógræktarinnar um áningarstaði í
Þjóðskógum í vor. Smiðir frá RR
Tréverki á Kirkjubæjarklaustri
byggðu húsið. /MÞÞ
Hús fyrir ferðamenn við Fjaðrárgljúfur
smíðað úr íslensku greni
– Líklega sverustu viðir sem sagaðir hafa verið úr íslenskum trjám
Í haust var smíðuð og sett upp aðstaða fyrir ferðamenn við Fjaðrárgljúfur í Skaftárhreppi. Allt ytra byrði hússins er gert úr íslenskum trjáviði, sitkagreni
sem gróðursett var um 1950 á Tumastöðum í Fljótshlíð. Myndir / Hrafn Óskarsson
Til að jólin geti komið þarf ég
að gera eftirfarandi:
Hlusta á Skrám skrifa
jólasveininum.
Lesa Aðventu eftir
Gunnar Gunnarsson.
Bugast yfir jólagjöfinni
handa konunni.
Sjá jólaauglýsinguna frá
Coca-Cola (hallærislegt,
ég veit).
Klára heila sort af
smákökum svo ég neyðist
til að baka aftur.
Borða skötu.
Fara með börnin á
Árbæjarsafn.
Kaupa eitt nýtt jólaskraut
á jólatréð.
Vola smá yfir „Do They
Know It's Christmas“ þó
að ég viti að það sé mesta
fyrstaheimskapítalistalag
allra tíma.
Strauja skyrtuna mína.
Hlusta á jólakveðjurnar
í útvarpinu (vona að það
verði ekki búið skera þær
niður líka).
Fá gjöf í skóinn.
Koma jólakortunum í póst
korteri áður en síðasti
skilafrestur rennur út.
Rífast við konuna og
börnin um kaup á jóla-
tré þar sem þau vilja
kaupa tré sem færi vel í
félagsheimili úti á landi
en ég vil kaupa eitthvað
lítið og nett.
Láta undan konunni og
börnunum og kaupa
risajólatréð.
Horfa á Jólaævintýri
Charles Dickens í útfærslu
Prúðuleikaranna.
Blanda malt og appelsín
(muna að appelsínið á að
fara fyrst).
Lesa kvæðið Jól eftir Stein
Steinarr, og það ættuð þið
líka að gera. Til þess að
auðvelda ykkur lífið fylgir
það hér að neðan.
„Sjá, ennþá rís stjarnan, sem
brennur björtust og mildust
á bládjúpum miðsvetrarhimni
hins snæþakta lands.
Sjá, ennþá nálgast sú hátíð, sem
hjartanu er skyldust
og huggar með fagnaðarsöngvum
hvert angur manns.
Og innan skamms byrjar kappát
í koti og höllu,
og klukknahringing og messur
og bænargjörð.
Það er kannski heimskast og and
styggilegast af öllu,
sem upp var fundið á þessari
voluðu jörð.
Og ger þú nú snjallræði nokkurt,
svo fólkið finni
í fordæmi þínu hygginn og
slóttugan mann:
Með kurteisum svip skaltu
kveikja í stofunni þinni,
og kauptu svo sóknarprestinn og
éttu hann.“
Og þá mega jólin koma.
Gleðilega hátíð.
/fr
STEKKUR
Jólagátlisti