Bændablaðið - 12.12.2013, Blaðsíða 16
16 Bændablaðið | Fimmtudagur 12. desember 2013
Jólaskógur
opnaður í
Heiðmörk
Það var kalt í veðri en glatt á hjalla þegar Jólaskógurinn í Heiðmörk
var opnaður formlega síðastliðinn laugardag. Dagur B. Eggertsson,
formaður borgarráðs, mætti á svæðið ásamt syni sínum Eggerti til
að saga fyrsta tréð. Skógræktarfélag Reykjavíkur bauð upp á kakó
og jólasveinn mætti á svæðið með mandarínur.
Jólaskógar Skógræktarfélaganna eru opnir um allt land á
aðventunni. Íslensk jólatré eru vistvæn og fyrir hvert hoggið tré í
jólaskógunum gróðursetja skógræktarfélögin um 30 önnur.
Nánari upplýsingar um jólaskógana er að finna á vefslóðinni
skog.is. Texti og myndir / smh
Þessi strákur hvíldi lúin bein eftir að hafa sótt tré af
stærri gerðinni með foreldrum sínum, eins og sjá
má hér að neðan.
Þegar feðgarnir höfðu sótt tréð fengu þeir sér piparkökur og
kakó við eldstæðið.
Fallegur fjögurra metra hár fjallaþinur stendur við Elliðavatnsbæinn. Tinna
Ottesen hönnuður skreytti tréð, en hún sigraði í jólaskreytingarkeppni árið 2011.
Jólamarkaður við Elliðavatn
Fallega smíðuð leikföng. Hunang úr Heiðmörk. Ullarvörur – íslenskt handverk.
-
bænum. Sigríður Þorgrímsdóttir les úr
bók sinni Allar mínar stelpur.
Í Rjóðrinu við Elliðavatn. Elías Snæ-
land Jónsson les úr bók sinni Álfadís
og grimmd gullsins.
J
ólamarkaðurinn vinsæli í Elliðavatnsbænum við Elliðavatn
er opinn allar helgar fram að jólum á milli klukkan 11 og 16.
Mikið úrval af íslensku handverki er í boði og á hlaðinu eru til
sölu nýhoggin jólatré úr Heiðmörk, eldiviður og viðarkyndlar.
Notaleg jólastemmning er á kaffihúsinu, sem er í kjallaranum,
en þar lesa rithöfundar úr nýútgefnum bókum sínum – auk
þess sem þar er að finna spákonu. Texti og myndir / smh