Læknablaðið - 01.04.1971, Blaðsíða 77

LÆKNABLAÐIÐ
71
í landinu, sem geta framkvæmt þær rannsóknir. Við sjáum fram
á, að þetta verði mun auðveldara i nánustu framtíð, þar sem
mörg sjúkrahús liafa nú ráðið í þjónustu sína meinatækna, og
mun sú þróun eiga eftir að aukast verulega á komandi árum.
Lögð verður áherzla á, að allir meinatæknar, sem livggjast ráða
sig til sjúkrahúsa úti á landi, fái nægilega þjálfun í Blóðbankan-
um, áður en þeir hefja starf sitt, þannig að þeir geti sinnt þess-
um rannsóknum á viðeigandi hátt.
Þótt Rhesus-varnir takist svo sem bezt vei’ður á kosið, megum
við enn um árabil búast við þvi að fá Rhesus-næmar (Rliesus-
sensitiseraðar) konur til meðferðar, þ. e. annars vegar konur,
sem voru orðnar „sensitiseraðar“, áður en Rhesus-varnir hófust,
og hins vegar þær konur, Rhesus-neikvæðar, sem missa fóstur
og ekki njóta innnune globulin gjafar eftir fósturlátið.
Með áframhaldandi blóðflokkunum og mótefnamælingum i
Blóðbankanum hjá öllum þunguðum konum fást á einum og
sama stað upplýsingar um þær konur, sem „sensitiserast“ í land-
inu, jafnharðan og það kemur í ljós. Sérstök samræmd skrá er
höfð yfir allar Rhesus-næmar konur i landinu, bæði i Blóðbank-
anum og á fæðingardeild Landspítalans. Með tilkomu þessarar
skráningar hefur engin Rhesus-næm kona fætt á fæðingardeild
Landspítalans, án þess að vitað væri um það fyrir fram. Hefur
þessum konum verið fylgt eftir með legvatnsprófum á seinni
hluta meðgöngutímans. Legvatnsprófin vcita upplýsingar um,
hvort ástæða sé til að flýta fæðingu, og jafnframt, hvort vænta
megi blóðskipta hjá börnunum nýfæddum.
FÓSTURLÁT
Þó að telja beri, að árangur af Rhesus-vörnum hjá fæðandi
konum liafi verið mun betri en vonir stóðu til á fyrsta ári, er
því miður ekki sömu sögu að segja um konur, sem láta fóstri.
Kannaðar liafa verið niðurstöður á sjúkrahúsum í Reykjavík og
víðar. 1 ljós kom, að á sjúkrahúsin í Reykjavík konm 237 konur
með fósturlát (fóstureyðingar og fósturlát). Af þeim voru 208
blóðflokkaðar. 36 konur reyndust vera Rhesus-neikvæðar, cn að-
eins 12 fengu immune globulin.
Konur, sem láta fóstri, eru yfirleitt lagðar inn ó sjúkrahúsin
á vöktum þeirra. Þær liggja stuttan tíma, venjulega aðeins tvo
til þrjá daga. Eins og getið var um hér að ofan, hefur láðst að
flokka 29 konur. En þó að blóð liafi verið sent í flokkun til
Blóðbankans, t. d. daginn eftir komu á sjúkrahúsið, hefur konan