Læknablaðið - 01.11.1972, Qupperneq 56

182
LÆKNABLAÐIÐ
Páll Ásmundsson
KÍNVERSK NÁLADEYFING.
VÍSINDI EÐA SKOTTULÆKNING?
Greinarkorn þetta er byggt á grein eftir bandaríska lækninn E.
Grey Dimond. Birtist greinin í J.A.M.A. í desember 1971 og lýsir
kynnum höfundarins af kínverskri læknislist, og sérstaklega notkun
nálarstungna til deyfinga.
Aðaltilgangur menningarbyltingarinnar kínversku í lok 7. ára-
tugs aldarinnar var að staðfesta algera hollustu Kínverja við kenn-
ingar Mao Tse Tungs. Upp úr menningarbyltingunni spratt meðal
annars alger endurskipulagning heilbrigðismála, sem auk annars
miðaði að því að sjóða saman í eina heild ævaforna kínverska
læknislist, og þá „vestrænu“ læknisfræði, sem við þekkjum og gjarn-
an viljum kalla háþróaða. Úr samsuðu þessari hefur orðið hinn merki-
legasti hrærigrautur grasalækninga, nálarstungulækninga og vest-
rænna lækningaaðferða. í læknaskólum landsins er kennd jöfnum
höndum vestræn og gamalkínversk læknisfræði. Langmestur hluti
allrar læknisþjónustu mun enn veittur með hinum fornu aðferðum.
Vestrænum læknum, sem reynt hafa að kynna sér og meta hinar
gömlu aðferðir, hefur reynzt erfitt að komast að nokkurri niðurstöðu
um gildi þeirra. Hinn gjörólíki hugsanagangur Kínverja og óbilandi,
áunnin trú þeirra á forsjá Maos, kunna að rugla vestræna athug-
endur talsvert í ríminu.
í heimsókn sinni til Kína lagði Dimond læknir áherzlu á að
kynna sér nálarstunguaðferð Kínverja við deyfingar. Hann heimsótti 2
stór sjúkrahús og fylgdist með allmörgum aðgerðum, sem gerðar
voru í slíkri deyfingu. Auk þess ræddi hann aðferðina við nokkra
kínverska starfsbræður sína. Skal nú lýst tveimur þeirra aðgerða,
sem Dimond læknir sá.
1. tilfelli. Sjúklingurinn var fertugur maður með þögult adenoma
í skjaldkirtli. Kvöldið fyrir aðgerðina, voru honum gefin 400 mg. af
meprobamat, annars engin undirbúningsmeðferð. Sjúklingurinn gekk
inn í skurðstofuna og lagðist á skurðarborðið. Akupunktúrnál úr
ryðfríu stáli var stungið handarbaksmegin í hvorn framhandlegg
milli fram'handleggsbeina á að gizka 10 cm. frá úlnliðnum. Gekk
nálin 3 cm. inn í handlegginn. Staðurinn virtist valinn af kostgæfni
og sagður hinn bezti fyrir skjaldkirtilsaðgerðir. Nálarnar voru tengd-
ar raforkugjafa, er gaf 9 volta jafnstraums’hleðslu 105 sinnum á mín-
útu. Nánari upplýsingar um útbúnað þennan gat sá, er deyfingunni
stýrði, ekki gefið. Meðan á aðgerðinni stóð, var gefið í æð 5%
glúkosuvatn, sem í var bætt 50 mg. af pethidin. Beðið var í 20 mín-
útur meðan deyfingin var að verka, og var tíminn notaður til undir
búnings aðgerðinni. Sjúklingurinn var allan tímann við fulla með-
vitund og engin frekari deyfi- eða svæfingarlyf gefin. Með aðstoð