Læknablaðið - 01.06.1973, Qupperneq 34
LÆKNABLAÐIÐ
114
Sjúklingarnir eru komnir yfir miðjan
aldur, allir nema einn eru yfir sextugt.
Eins og sjúkdómsheitið ber með sér hafa
allir sjúklingarnir vöðvaverki og er það
aðalkvörtun hjá tólf sjúklingum. Höfuð-
verkur er aðalkvörtun hjá tveimur og
hafa báðir klinisk einkenni um temporal
arteritis, sem staðfest er histologiskt. Al-
menn einkenni eru áberandi. Megrun hjá
átta sjúklingum, (>3 kg á 6 mán.). Tólf
sjúklingar höfðu hita. Þreyta og lystar-
leysi eru algeng einkenni.
Temporal arteriu biopsia var gerð hjá
10 sjúklingum. Af þeim voru 5 greindir
með temporal arteritis.
Sökk mælist mjög hátt, meðaltal 101
mm. Allir eru sjúklingarnir blóðlitlir,
hemoglobin mæling, meðaltal 10,3 gm%.
Tólf sjúklingar eru meðhöndlaðir með
prednisolon. Níu verða á stuttum tíma
alveg einkennalausir, tveir einkennalitlir.
Á meðferð verður sökk eðlilegt á 1-3
vikum.
Hemoglobin tekur dálítið lengri tíma
að verða eðlilegt.
Af átta sjúklingum, sem enn eru á
steroidum hafa sex fengið meðferð skemur
en 1 ár.
5 sjúklingar eru hættir meðferð og hafa
engin merki sjúkdómsins.
fgræðslur gangráða á Landspítalanum
1968-1973
Árni Kristinsson
Ágrip vantar.
Heilamengisblæðingar á íslandi — klinisk
rannsókn
Gunnar GuÖmundsson dr. med.
Skýrt er frá hluta rannsóknar á heila-
blóðfalli á íslandi á 11 ára tímabilinu 1958
til 1968. Gerð er grein fyrir orsökum, ein-
kennum, kyn- og aldursskiptingu svo og
batahorfum heilamengisblæðinga (primer
SAH), en áður hafa verið birtar niður-
stöður um tíðni þessarar blæðingar hér-
lendis. Lýst er vinnuaðferðum, en reynt
var að hafa greininguna á primer SAH
sem líkasta þeirri, sem Pakarinen notaði
við rannsókn sína í Helsinki.
Rannsóknin nær til 164 sjúklinga, þar
af 94 karlar og 70 konur. Heilaæðamynda-
taka var gerð á 94 sjúklinganna og 64 voru
krufnir. Aneurysma höfðu 87 (53.0%),
arteriovenös malformation 9 (5.5%), en
hjá 66 (40.2%) var orsökin óþekkt. Ein-
kenni frá miðtaugakerfi höfðu 37.2%,
19.5% voru djúpt meðvitundarlausir við
fyrstu skoðun og 31.0% höfðu haft höfuð-
verk um lengri eða skemmri tíma áður
en þeir veiktust af blæðingu. Mest var
tíðnin í aldurshópunum 40-59 ára og eng-
inn marktækur munur var á kynjum.
Af völdum blæðingar dóu 85 sjúklingar
(51.8%) og af þeim 70 sjúklingum, sem
voru lifandi í árslok 1968 var helmingur
(50.0%) í fullu starfi, 25.7% voru öryrkj-
ar, en höfðu nokkra vinnugetu.
Lyflæknismeðferð fengu 84 (51.2%) og
64 (39.1%) voru skornir upp. Dánartíðni
vegna aðgerðar var 15.6%.
Yfirlit um lyfjaávísanir í Reykjavík í nóv-
ember 1972
Ólafur Ólafsson, Almar Grímsson, Helgi Sig-
valdason, Hjálmar Jóelsson
í nóvember 1972 var gerð könnun á
lyfjaávísunum varðandi eftirfarandi lyfja-
flokka í Reykjavik:
Diuretica, antibiotica og chemotera-
peutica, psykosedativa, hypnotica og seda-
tiva, antidepressiva, anticoagulantia,
analgetica, steroider o. fl.
Eftirfarandi upplýsingar voru skráðar:
Apótek, nafnnúmer, stétt, læknir, lyf,
magn, skammtur og verð.
í erindinu eru upplýsingar um, að 9,2%
var ávísað antibiotica/chemoterapeutica,
um 25% af heildarlyfjakostnaði er vegna
ávísana á þau lyf, og rúmlega 50% af
kostnaðinum er vegna sölu á ,,hálf-syntet-
iskum^_penicillinlyfjum.
Greint er frá dreifingu lyfjaávísana
varðandi ofannefnd lyf, psykosedativa,
hypnotica/sedativa, anti-depressiva með
tilliti til kyns og aldurs.
Marktækur munur er á sölu klor-
diazepoxid/librium borið saman við sölu
á diazepami/valium, og fjöldi „stórneyt-
enda“ klordiazepoxid/librium borið sam-
an við diazepami/valium er marktækt
(significant) minni.
Amfetamin-ávísunum hefur fækkað um
35% á tímabilinu 1969-1973.