Læknablaðið - 01.04.1974, Síða 40

80
LÆKNABLAÐIÐ
göngudeildar Landspítalans frá því að hún
var stofnuð. Það er því ástæðulaust að gera
lítið úr störfum eða niðurstöðum nefndar-
innar. Það skal tekið fram, að L.í. er í meg-
inatriðum sammála niðurstöðum nefndar-
innar í göngudeildarmálum og sér í lagi
þeirri niðurstöðu að stefna beri að því, að
sem mest af heilbrigðisvandamálum fólks-
ins verði leyst utan sjúkrahúsa og utan
göngudeilda svo lengi sem hægt er að sýna
fram á, að sú þjónusta sé ekki lakari en
á sjúkrahúsum og göngudeildum þeirra.
Uppbygging heimilislæknaþjónustunnar eins
og gert er ráð fyrir í nýju heilbrigðislög-
unum mundi létta álagi af sjúkrahúsunum
og leysa af hólmi eitthvað af þeirri starf-
semi, sem annars fer fram á göngudeild-
um sjúkrahúsanna. Því ber að hraða sem
mest byggingu heilsugæslustöðva og
iæknamiðstöðva í þéttbýlinu ekki síður en
í dreifbýlinu. Heppilegt gæti reynst, að sér-
fræðingar í hinum ýmsu greinum störfuðu
með heimilislæknum eftir þörfum á heilsu-
gæslustöðvunum eins og þegar er vísir að
úti á landsbyggðinni og hefur reynst vel.
Það er afar áríðandi, að hraðað verði upp-
byggingu heilsugæslustöðvanna í þessu
skyni, enda er það vísasti vegurinn tii að
ungir læknar leggi heimilislæknisstarfið
fyrir sig, því að ekki er lengur hægt að
búast við að læknar uni því að búa við lé-
lega starfsaðstöðu og einangrun í starfi.
S.P.S.