Læknablaðið - 01.08.1975, Qupperneq 45

LÆKNABLAÐIÐ
63
fram á undanförnum þingum um breytingar
á lögunum og að öðru leyti yfirfara lögin
og gera breytingartillögur með tilliti til
þeirrar reynslu, sem fengist hefur af lög-
unum nú þegar.
3. Lög um breytingar á lögum um almanna-
tryggingar.
Ekki er nú starfandi nein nefnd til endur-
skoðunar laga um almannatryggingar, en
undanfarna mánuði hefur tryggingafræðingur
unnið að því að gera tillögur um breytingar
og samræmingu á löggjöf um almannatrygg-
ingar. begar þær tillögur liggja fyrir, er gert
ráð fyrir, að sett verði á laggirnar nefnd,
sem fái þær tillögur til umfjöllunar og fái
það hlutverk að gera tillögur til ráðuneytis-
ins um breytingar á lögunum.
4. Lög um breytingar á lögum um tannlækn-
ingar.
5. Lög um tryggingadóm.
í sambandi við breytingu á lögum um al-
mannatryggingar, sem tók gildi á árinu 1974,
er þess að geta, að samkomulag náðist á
þessu ári við Tannlæknafélag íslands um
störf tannlækna fyrir sjúkrasamlög og trygg-
ingar og hafa því ákvæði um tannlækningar
í greindum lögum þegar komið til fram-
kvæmda.
III. REKSTUR SJÚKRAHÚSA
Síðan á árinu 1967 hefur daggjaldanefnd
ákveðið daggjöld sjúkrahúsa og hafa þau
samkvæmt lögum átt að vera ákveðin með
þeim hætti, að þau stæðu undir eðlilegum
rekstri sjúkrahúsanna.
Síðastliðin 2 ár hefur reynst mjög erfitt
fyrir daggjaldanefnd að ákveða daggjöld
þannig, að þau stæðu undir daglegum rekstri
sjúkrahúsanna, þar eð bæði launahækkanir
og verðlagshækkanir hafa orðið mjög örar
og launahækkanir hafa oft verkað aftur fyrir
sig.
Rekstur sjúkrahúsanna á árinu 1974 var
því mjög erfiður og hefur verið enn erfiðari
það sem af er árinu 1975 og skuldasöfnun
hefur orðið veruleg hjá flestum sjúkrahús-
um.
Það er augljóst, að daggjaldakerfi af þessu
tagi felur ekki í sér nægilegt eftirlit með
rekstri sjúkrahúsanna og daggjaldanefnd,
með þeim starfskrafti, sem hún fær nú á
fjárlögum, getur ekki sinnt því eftirlitsstarfi
með rekstri sjúkrahúsa, sem æskilegt er.
Rað er því augljóst, að vinda þarf bráðan
bug að því, að innan ráðuneytisins geti kom-
ið sérstök sjúkrahúsmála- og heilsugæslu-
deild, sem hefur mjög náið fjárhagslegt og
faglegt eftirlit með rekstri sjúkrahúsa og
heilsugæslustöðva. Augljóst er, að hér er
um verulegt fjárhagslegt atriði að ræða fyr-
ir ríkissjóð, þar sem heildarútgjöld sjúkra-
trygginga á þessu ári verða vafalaust milli
6 og 7 milljarðar króna og ríkissjóður greið-
ir yfir 90% af þessari fjárhæð.
[ upphaflegri gerð frumvarps til laga um
heilbrigðisþjónustu var gert ráð fyrir deild
af þessu tagi í ráðuneytinu, en þau laga-
ákvæði voru felld niður í meðferð Alþingis
svo sem kunnugt er.
IV. BYGGINGAFRAMKVÆMDIR Á SVIÐI
HEILBRIGÐISMÁLA
1. Ríkisspitalar
I fjárlögum gildandi árs er gert ráð fyrir
alls 287 milljónum til byggingaframkvæmda
ríkisspítala. Retta fé skiptist þannig, að til
Landspítala eru áætlaðar 187 millj. kr„ til
fæðingardeildar 80 millj., til Vífilsstaðaspít-
ala 10 millj. og til Kristneshælis 10 millj.
kr.
Byggingaframkvæmdir á Landspítala hafa
gengið fram eins og áætlanir gerðu ráð fyr-
ir. Geðdeild Landspítalans mun að hluta
verða fokheld á þessu ári. Ein legudeild
fæðingardeildar hefur þegar tekið til starfa
Bráðabirgðahúsum, sem byggja átti á lóð
Landspítala, hefur seinkað vegna bruna ann-
ars hússins, en gera má ráð fyrir að fyrri
byggingin komist í not um næstu áramót
og. hin síðari fyrir mitt næsta ár.
Framkvæmdir á Vífilsstaðaspítala og
Kristneshæli hafa gengið hægar en gert var
ráð fyrir, en það er eingöngu vegna þeirrar
almennu seinkunar á byggingaframkvæmd-
um, sem varð vegna ákvarðana um niður-
skurð fjárlaga.
Skipulagsvinnu við lóð Landspítalans og
Háskólans er nú að mestu lokið og er á
því skipulagi gert ráð fyrir, að lóð Land-
spítala og Háskóla verði samfelld, þannig
að núverandi Hringbraut verði flutt suður
fyrir lóðasvæðið. Skipulags- og bygginga-
nefnd Reykjavíkur hafa nú skipulagstillögurn-