Dagblaðið Vísir - DV - 02.03.2007, Blaðsíða 22

föstudagur 2. mars 200722 Fréttir DV
Á nokkrum vikum hefur ásýnd borg-
arinnar gjörbreyst. Lík sem fundust
á víð og dreif um borgina í febrú-
ar voru rúmlega helmingi færri en í
desember. Þrátt fyrir að enn springi
sprengjur og vígaleiðtogar hafi gefið
öryggisátakinu falleinkunn er vonin
að færast út á göturnar.
„Ég fór á markað fyrir tveim-
ur dögum og hitti þar á vin minn
í símanum. Hann var að tala við
kaupmann sem hafði lokað verslun
sinni meðan ástandið var sem verst
og var að hvetja hann til að opna
búðina sína á ný. Fólk upplifir sig
öruggara og það vonar að hlutirnir
séu að batna. Það er von í loftinu.“
Þetta segir Bagdad-búi sem vildi
láta kalla sig Ali. Enn sem komið
er kjósa margir þeirra sem tjá sig
við fjölmiðla að koma fram undir
röngu nafni öryggisins vegna, jafn-
vel þótt þeir séu að tala við blaða-
mann frá lítilli eyju í Atlantshafi
sem fæstir Írakar hafa heyrt minnst
á. Því síður vilja þeir láta birtast af
sér myndir.
Löng bið á vegatálmum
Ali keyrir á hverjum morgni til
vinnu sinnar og eyðir tvöfalt lengri
tíma en áður við vegatálma. Bíl-
ferðin til og frá vinnu tók hann áður
15 mínútur en nú er hann hálftíma
að keyra hvora leið vegna strangara
eftirlits. Hann minnist á að vinur
hans sé klukkutíma á leiðinni í stað
20 mínútna áður. „Það fer bara eft-
ir því hvert fólk er að fara hvað það
eru margir vegatálmar. Fólk er samt
yfirleitt ánægt með að þurfa að bíða
við vegatálma. Eftir því sem þeir
leita í fleiri bílum er eftirlitið virkara
og öryggið betra.“
Ekki er óalgengt að fólk þurfi að
stoppa við 2–3 vegatálma í röð, fyrst
hjá hernum, síðan hjá lögreglu og
jafnvel líka hjá leyniþjónustu. Það
kemst upp í vana: að hafa hend-
urnar á stýrinu, vera viðbúinn að
sýna pappírana og opna skottið. Ef
það er komið myrkur þarf líka að
slökkva bílljósin og kveikja á inni-
ljósinu í bílnum. Innra eftirlit hjá
her og lögreglu hefur verið bætt
og vígamönnum sem höfðu kom-
ist í raðir lögreglunnar verið úthýst.
Vegatálmum hefur ekki verið fjölg-
að neitt óskaplega, en eins og Ali
orðar það: „Það er ekki þannig að
það sé meira öryggi, heldur betra
öryggi.“
Borgin klofin eftir endilöngu
Íslam klofnaði endanlega í tvær
fylkingar í Karbala, sunnan við Bag-
dad, fyrir rúmum 13 öldum síðan og
sjía- og súnnímúslimar hafa búið
hlið við hlið í Írak síðan þá. Mest er
blöndunin í Bagdad þar sem mörg
hverfi eru blönduð byggð súnní-
og sjíamúslima. Fyrir öryggisátak-
ið voru trúarherirnir hins vegar á
góðri leið með að skipta borginni
í tvennt: sjíamúslimar austan við
Tígris-ána og súnnímúslimar vest-
an megin. Þegar ástandið var sem
verst stjórnuðu skæruliðar vega-
tálmunum og ef vegfarendur voru
af „rangri“ trú, áttu þeir á hættu
pyntingar eða aftökur.
Ali býr á sjíaslóðum, skammt frá
hinu alræmda Sadr-hverfi, þar sem
sjía-klerkurinn Muqtada al-Sadr
hefur hættulega mikil völd. Eftir því
sem trúarherir náðu sterkari ítökum
í Bagdad varð örðugara fyrir Ali, sem
er sjíamúslimi, að heimsækja fjöl-
skyldu sína sem býr í súnníhverfinu
Adhamiya. Hann segir hins vegar
allt annað líf eftir að tekið var á ör-
yggi á vegatálmum, nú sé hann ekki
jafnhræddur að kíkja í heimsókn í
Eftir að öryggisátak íraskra og
bandarískra hermanna hófst
fyrir þremur vikum hefur
morðum í Bagdad fækkað
niður í tíðni sem hafði ekki
sést í eitt ár. Léttara er yfir
götum Bagdad-borgar en íbú-
arnir óttast að dauðasveitir
trúarklerka hafi einungis
skriðið í felur og spretti fram
aftur þegar tækifæri gefst.
Herdís sigurgrímsdóttir
blaðamaður skrifar: herdis@dv.is
Vegatálmar virka vel mikið eftirlit hefur
verið á götum Bagdad frá því öryggisátakið
byrjaði um miðjan febrúar. Vegatálmar hers
og lögreglu hamla för vígamanna. fólk í
Bagdad er almennt með eftirlitið, jafnvel
þó bílferð sem áður tók 20 mínútur geti
tekið allt upp í klukkutíma núna.
Betri tíð í Bagdad
Börn í Bagdad Þó svo að öryggisástandið
í Bagdad sé ekki enn fullkomlega öruggt
eða komið í eðlilegt horf þá hefur það
stórbatnað á undanförnum vikum.