Læknablaðið - 15.03.1987, Page 47
LÆKNABLAÐIÐ
103
bæklunarlæknar reynt að samræma tækjakaup,
og geta fengið lánuð áhöld til skurðlækninga
þvers og kruss um landið.
Vanti Borgarspítala nagla númer 4 og FSA númer
3, þá skiptast læknar á þessu þegjandi og
hljóðalaust. Áhöld frá Borgarspítala sem kosta
milljónir hafa verið lánuð til FSA og ekki þurft að
borga annað en flutningsgjöld og tryggingar.
Önnur áhöld frá FSA hafa verið í láni á öðrum
sjúkrahúsum mánuðum og misserum saman,
vegna þess að þar voru sjúklingar sem þurftu mest
á þeim að halda.
í framtíðinni kvaðst Halldór sjá fyrir sér
fullvaxna bæklunardeild, að minnsta kosti
helmingi stærri en þá 13 rúma deild sem nú er.
Bæklunardeildin starfar í samvinnu við
endurhæfingarstaði utan sjúkrahússins,
sérstaklega varðandi tvo hópa sjúklinga. Annars
vegar er um að ræða sjúklinga með liðagigt í
mörgum liðum sem þurfa mikillar umönnunnar
við og hins vegar gamalmenni. Endurhæfing
gamalmenna, eða það að forða þeim frá því að
verða öryrkjar fyrir tímann, er oft fólgin í
skurðaðgerðum hvort sem það er út af sliti eða
slysum.
Endurhæfing gamalmenna er ekki til að lagfæra
málin í eitt skipti fyrir öll heldur til að uppfylla
þær skyldur sem felast í lögum um málefni
aldraðra, það er að gera gömlu fólki kleift að geta
búið sem lengst heima hjá sér og jafnframt átt
kost á eðlilegri hjálp og aðstoð stofnana.
FSA hefur ekki sérstaka endurhæfingardeild
ennþá, né yfirlækni í þeirri grein. Sjúkraþjálfarar
eru einnig of fáir og nokkuð skortir á aðstöðu
fyrir þá.
Bjarni Rafnar yfirlœknir á kvensjúkdómadeild og
Þorkell Guðbrandsson yfirlœknir á lyflækningadeild
Geðdeild: Sigmundur Sigfússon yfirlæknir á
geðdeild, kvað það hafa vakið athygli sína á
þessum fyrstu starfsmisserum, hve mikil
samstaða ríkti um forgangsröð verkefna.
Nú er móttökudeild geðdeildar lokið og það er
algjör samstaða meðal lækna um að næsta
stórverkefni skuli vera að ljúka röntgendeild. Það
er gífurlega mikilvægt að fjárveiting fáist til að
ljúka henni á næstu tveimur eða þremur árum.
Geðdeildin nýja, sem er tíu rúma bráðageðdeild,
var tekin í notkun fyrir þremur mánuðum og
síðan hafa 15-20 sjúklingar verið útskrifaðir á
mánuði.
Þessi nýja geðdeild átti sér nokkurn aðdraganda.
Geðdeild hefur verið starfrækt við FSA frá 1973.
Fyrst undir handarjaðri lyflækningadeildar en
árshlé varð á þeirri þjónustu frá 1983 til 1984.
Núna er verið að byrja af endurnýjuðum krafti
og töluverðum hug. Deildin fékk nær allar
umbeðnar stöðuheimildir og árið 1985 fór nálega
allt framkvæmdafé sjúkrahússins í að innrétta
þessa nýju geðdeild.
Deildin sinnir fleirum en bráðveikum sjúklingum.
Ráðgjöf er veitt á öðrum deildum sjúkrahússins
og á Heilsugæslustöðinni. Svolítil endurhæfing er
stunduð á vegum deildarinnar og lýsti Sigmundur
sérstakri ánægju með aðstöðu til iðjuþjálfunar
sem er að Skólastíg 7. Áður var geðdeildin
starfrækt í því húsnæði og gat tekið við sjö
sjúklingum. Á geðdeild er brýnast að byggja upp
þjónustu fyrir fólk með langvinna geðsjúkdóma.
Slíkir sjúklingar skipta tugum ef ekki hundruðum
á starfssvæðinu. Þar er þörf fyrir bæði meðferð
og endurhæfingu.
Þetta er verkefni sem tekur mörg ár að þróa. Ef
vel ætti að vera þyrfti að vera lítil langlegudeild
fyrir geðsjúklinga við sjúkrahúsið þar sem fram
færi virk meðferð og endurhæfing í tengslum við
þá iðjuþjálfunaraðstöðu sem bráðageðdeildin
nýtur. Ennfremur er brýnt að fá barnageðdeild
við sjúkrahúsið.
Sigmundur benti á, að til þess að rækja sérgreinar
á sjúkrahúsinu þyrftu að vera að minnsta kosti
tveir sérfræðingar í hverri grein á staðnum. Þetta
á við um geðlækningar engu síður en aðar
sérgreinar.
Svæfinga- og gjörgæsludeild tók til starfa i nýju
húsnæði í október 1982. Sigurður K. Pétursson
yfirlæknir á svæfinga- og gjörgæsludeild, sagði
gjörgæsludeildina einu deild sinnar tegundar hér
á landi sem er starfrækt í húsnæði sem er
sérstaklega hannað og byggt til gjörgæslu.