Læknablaðið - 15.05.1987, Blaðsíða 47
LÆKNABLAÐIÐ 1987; 73: 179-83
179
Birna Þórðardóttir
FJÓRÐUNGSSJÚKRAHÚSIÐ í NESKAUPSTAÐ
Blaðamaður notaði tímann sem gafst á meðan
læknar sinntu aðalfundarstörfum og skoðaði
Fjórðungssjúkrahúsið í Neskaupstað í fylgd
Guðrúnar Sigurðardóttur hjúkrunaforstjóra. í
för með okkur slóst Stefán Þorleifsson sem lét af
framkvæmdastjórastörfum 1. mars 1986, en þeim
hafði hann gegnt frá upphafi. Við störfum af
Stefáni tók Kristinn ívarsson.
GRUNDVALLARATRIÐI AÐ FÁ
SKURÐSTOFUSJÚKRAHÚS
Þegar ákveðið var að byggja sjúkrahús í
Neskaupstað, sem var á sjötta áratugnum, var
ástandið þannig, að á öllu svæðinu frá Akureyri
til Vestmannaeyja var hvergi hægt að
framkvæma uppskurði. Þess vegna var það
grundvallaratriði að skurðlæknir starfaði á
sjúkrahúsinu i Neskaupstað. Einn
megintilgangurinn með framkvæmdunum var að
byggja skurðsjúkrahús fyrir Austurland.
Ekki má heldur gleyma að á þessum tíma var
geysistór fiskiskipafloti úti fyrir Austurlandi,
allur íslenski síldarflotinn ásamt stórum erlendum
flota. Það var í raun ótækt annað en koma upp
sæmilegri læknisþjónustu fyrir allan þann
mannfjölda, enda eru slys á hafi úti oftar en ekki
alvarlegs eðlis. Enn er stór floti úti fyrir ströndum
og nauðsynlegt að hafa vel búið sjúkrahús á
strandlengjunni.
Árið 1958 var sjúkrahúsið i Neskaupstað gert að
fjórðungssjúkrahúsi og var sú ákvörðun lögfest
1973 með lagasetningu er skikkaði eitt
fjórðungssjúkrahús í hvern landsfjórðung.
Á upptökusvæði sjúkrahússins búa um sjö til átta
þúsund manns. Flestir sjúklinganna eru frá
svæðinu er afmarkast í suðri af Djúpavogi og
Neskaupstað í norðri, en einnig koma sjúklingar í
nokkrum mæli frá Egilsstöðum.
Alls geta 36 sjúklingar legið á sjúkrahúsinu í einu,
þar af eru tvö rúm á fæðingastofu og tvö á
gjörgæslustofu. Nú er verið að hefja breytingar á
gömlu sjúkrahúsbyggingunni og er fyrirhugað að
þar verði deild fyrir 14 langlegusjúklinga.
Gamla bygging Fjórðungssjúkrahússins í Neskaupstað. Til vinstri sést í nýja húsið. Breiðablik er í forgrunni hægra
megin og sést vel tengigangurinn á milli húsanna. Myndir tók: Haraldur Bjarnason.