Læknablaðið - 15.05.1987, Page 49

LÆKNABLAÐIÐ
181
en nú er gert. Það væri til dæmis hægt að safna
sjúklingum af Austurlandi sem þyrftu ákveðna
læknisþjónustu og veita hana tímabundið á
Fjórðungssjúkrahúsinu. Þessi möguleiki er því
miður ekki nýttur.
Engin kona lá á fæðingastofu er Læknablaðið
bar að garði, en fæðingar eru um 50 á ári og hefur
heldur fækkað. Konur liggja yfirleitt sex daga
eftir fæðingu og stundum lengur. Þá ber að taka
með í reikninginn að oft eiga þær erfiða heimleið
fyrir höndum, jafnvel um tvo fjallvegi.
Á annarri hæð eru tekin hjartalínurit og
blóðprufur. Þar er rannsóknastofa þar sem einn
meinatæknir vinnur ásamt aðstoðarmanni, var
rannsóknastofan áberandi snyrtileg.
Sónartæki er í herbergi sem ætlað er fyrir
heilsugæsluhjúkrunarfræðing, hvenær sem slíkur
fæst á staðinn. Ágætis tæki eru til
röntgenskoðunar og unnt að taka allar algengar
myndir. Einnig eru speglunartæki fyrir hendi.
í bóka- og fundaherbergi eru haldnir
fræðslufundir svo oft sem hægt er. Nýlega hafði
verið haldinn fræðslufundur um
nálarstunguaðferð, Einar Jóhannesson læknir í
Sviþjóð sá um hann og hafði að sögn stungið
margan reykingarmanninn til að gefa upp nautn
sína.
HEILSUGÆSLUSTÖÐ í SJÚKRAHÚSINU
Heilsugæslustöð er starfrækt inni í sjúkrahúsinu
og eru allir læknar sjúkrahússins jafnframt
starfandi við hana. Sjúklingar utan úr bæ geta því
leitað á stofu til allra sjúkrahúslækna.
Heilsugæslustöðin er opin frá 8 að morgni til 5
síðdegis. Þar er einnig sinnt ungbarnaeftirliti og
mæðraskoðun.
í næsta herbergi við móttöku
heilsugæslustöðvarinnar er slysavarðstofa með
nauðsynlegum búnaði, þannig að ekki þarf að
fara langar leiðir um sjúkrahúsið með slasað fólk,
til dæmis að næturlagi og raska þannig ró
annarra sjúklinga.
Gert var ráð fyrir tannlæknastofu inni í
sjúkrahúsinu en enginn tannlæknir hefur fengist
til Neskaupstaðar og er það stóralvarlegt að íbúar
Norðfjarðar, um 1800, skuli vera án
tannlæknaþjónustu og þurfa að sækja hana
annað, jafnvel til Reykjavíkur. Vart þarf að
orðlengja hvílíkan kostnað það hefur í för með
sér.
ENDURBYGGING GAMLA HÚSSINS
Á undanförnum árum hafa verið gerðar nokkrar
endurbætur á gömlu sjúkrahúsbyggingunni,
einkum á legudeild þótt mikið verk sé þar óunnið.
Á þeirri deild hefur verið komið upp borðstofu
fyrir alla sjúklinga sem hafa fótavist og er það
mikill munur frá því sem áður var, að allir þurftu
að borða við sitt sjúkrarúm. Þar er einnig
setustofa fyrir þá sjúklinga sem reykja og hefur
gamla skurðstofan verið tekin til þeirra nota. í
tengibyggingu milli eldra og nýja hússins er svo
önnur setustofa, reyklaus. í báðum þessum
setustofum er hægt að horfa á sjónvarp og
myndbönd.
Á efstu hæð sjúkrahússins er elli- og öryrkjadeild
fyrir tólf manns. Guðrún tók fram, að þarna væri
fremur heimili þeirra er þar vistast en
sjúkrastofnun. íbúarnir eru frá hinum ýmsu
byggðarlögum á Austurlandi, en ekki eingöngu
bundnir við Norðfjörð.
Á ellideildinni er borðstofa og lítil, hlýleg
setustofa, sem jafnframt er bókasafn. Bókasafn
er einnig í öðru herbergi á sömu hæð, en
bókasafn sjúkrahússins er orðið all mikið að
vöxtum. Lyfta gengur frá eldhúsi í borðstofu
ellideildarinnar.
Herbergin eru lítil og litum við inn í eitt þeirra.
Þar brosti Vigdís Finnbogadóttir til okkar af
veggnum og henni til hliðar voru þau Halldóra og
Kristján Eldjárn.
Guðrún Sigurðardóttir hjúkrunarforstjóri og Kristinn
ívarsson forstöðumaður sjúkrahússins.