Læknablaðið - 15.05.1987, Side 51
LÆKNABLAÐIÐ
183
Á neðstu hæð gamla sjúkrahússins eru skrifstofur
sjúkrahússins, borðstofa starfsfólks og setustofa
þess svo og eldhús. Stefán sagði að meiningin
væri að umbylta öllu hér enda á því brýn
nauðsyn.
BREIÐABLIK
í viðbyggingu við sjúkrahúsið er Breiðablik,
leiguíbúðir fyrir aldraða. Guðrún gat þess að
eiginlega ættu þær fremur að heita Stefánsbúð, til
heiðurs Stefáni Þorleifssyni sem öðrum fremur
bæri að þakka þetta framtak.
í Breiðabliki eru tólf íbúðir, hjóna- og
einstaklingsíbúðir. Innangengt er frá
sjúkrahúsinu í íbúðirnar í gegnum botnlanga og
skapar það mikið öryggi og þægindi fyrir íbúana.
íbúar Breiðabliks eru sjálfbjarga og hafa alla
venjulega heimilisaðstöðu í íbúðum sínum, en
þeir geta einnig fengið þvott þveginn í þvottahúsi
sjúkrahússins og eins geta þeir fengið keypta eina
máltíð á dag frá sjúkrahúsinu.
Setustofa er björt og rúmgóð. Þar er flygill sem
meðal annars hefur verið notaður til
tónleikahalds þegar gesti ber að garði. Þegar slík
tækifæri bjóðast er sjúklingum sjúkrahússins
boðið yfir í Breiðablik.
Föndurstofa er einnig í Breiðabliki björt og
skemmtileg. Þar er saumað og prjónað, ofið og
málað þannig að einhvers sé getið. Aldrað fólk úr
bænum getur einnig komið þangað og tekið þátt í
starfinu sem þar fer fram.
SJÚKRAHÚS VERÐUR AÐ VERA í
NESKAUPSTAÐ
Guðrún sagði skipta meginmáli að
Fjórðungssjúkrahúsið í Neskaupstað væri það vel
búið mannskap og tækjum að hægt væri að sinna
öllum algengum sjúkdóms- og slysatilfellum.
Flugsamgöngur eru engan veginn öruggar að
vetrinum til. Vissulega hefur vegasamband
batnað eftir að göngin komu í Oddskarð og hægt
er að nota snjóbíl ef um allt þrýtur, en þó geta
komið dagar sem allt er ófært. Þess vegna verður
að vera örugg læknisþjónusta í Neskaupstað.
| vj |D 1 ' W "
HJ " Hm i
Sigríður Elíasdóttir, Guðrún Stefánsdóttir og Guðríður Traustadðttir við vinnu í þvottahúsi.