Læknablaðið - 15.12.1987, Blaðsíða 47

LÆKNABLAÐIÐ
455
heilbrigðisvandamál tengd þeim svo sem einhæfni
í starfi, slysahættu, eiturefnahættu,
hávaðamengun og heyrnarskerðingu sem henni
fylgir. Tryggja þarf fullnægjandi aðbúnað á
vinnustöðum.
Markmið 16
Vinnuverndarmál verði tekin til sérstakrar
athugunar og landsáætlun um aðbúnað, öryggi
og hollustuhætti á vinnustöðum gerð af
hlutaðeigandi aðilum og endurskoðuð reglulega,
fyrst árið 1990. Við þá athugun verði þess
sérstaklega gætt að huga að bæði líkamlegum og
geðrænum heilbrigðisvandamálum sem tengd eru
vinnu. Þá er stefnan að fækka slysum við vinnu
um helming fram til ársins 2000. Heyrnarskaði
vegna hávaða verði minnkaður með því að lækka
hávaðaþröskuld sem heimill er á vinnustöðum.
Annað markmið er að minnka áhrif skaðlegra
efna við vinnu. Notkun hættulegustu efnanna
verði bönnuð fullkomlega fyrir árið 1995.
5.5. Slysavarnir
Slys eru vaxandi vandamál á íslandi og hafa
veruleg áhrif á kostnað þjóðfélagsins og afkomu
einstaklinganna.
Flest slys er hægt að koma í veg fyrir með
sérstökum ráðum og leiðbeiningum, jafnvel
löggjöf, svo sem vinnulöggjöf og
umferðarlögum.
Sérstaklega ber að gæta að slysum í umferð, á sjó,
á heimilum, í skólum og í frítímum og íþróttum.
Slys á börnum og unglingum eru tíð hér á landi og
þau þarf að athuga sérstaklega.
Markmið 17
Slysavarnir verði samræmdar og sett um þær
löggjöf ef nauðsyn krefur. Sérstakt slysaráð verði
stofnað til að samræma nauðsynlegar aðgerðir.
Verkefni slysaráðs verði m.a. að gera landsáætlun
um slysavarnir sem endurskoðuð verði reglulega
og fyrst árið 1990. Tekið verði mið af tíðni og
orsökum slysa og þau könnuð. Leitað verði
samvinnu við þá aðila sem lögum samkvæmt
annast rannsóknir á flug- og sjóslysum.
Sérstaklega verður að benda á að nauðsynlegt er
að draga úr skaðlegri notkun áfengis sem
slysavalds.
6. ÞRÓUN HEILBRIGÐISKERFISINS
Áður hefur verið minnst á ákveðna þætti í
breytingu og þróun heilbrigðiskerfisins.
ísland hefur lagt sérstaka áherslu á
heilsugæslukerfið annars vegar og uppbyggingu
mjög sérhæfðrar sérfræðiþjónustu hins vegar.
Þátt í þessu taka ríkisvald, sveitarstjórnir,
félagasamtök (sjálfseignarstofnanir) og
einstaklingar.
Heilsugæslukerfið hefur verið byggt upp um
landið allt og er betur upp byggt á
strjálbýlissvæðum. Hins vegar er
sérfræðiþjónustan mun meiri á
þéttbýlissvæðunum. Stefnt hefur verið að
uppbyggingu sérfræðiþjónustu á Akureyri auk
Reykjavíkur.
Sérfræðiþjónusta tannlækna, sérfræðinga sem
vinna utan sjúkrahúsa, atvinnusjúkdómavarna,
sjúkraþjálfunar og endurhæfingar er mikilvægur
þáttur heilsugæsluþjónustunnar.
Markmið 18
í þróun heilbrigðisþjónustunnar verði sérstök
áhersla lögð á heilsugæslu. Sérfræðiþjónustu
verði haldið á því háa stigi sem hún er nú á.
Meiri fjármunum verði varið til málefna
aldraðra, tannlækninga, geðlækninga og
endurhæfingar.
Það þarf því meiri fjármuni til
heilbrigðisþjónustunnar í framtíðinni en nú.
Starfsliði þarf að fjölga bæði til að sinna þeim
nýju verkefnum sem ráð er fyrir gert að tekin
verði upp og auknum verkefnum á öðrum
sviðum.
Markvisst verði dregið úr þeim mun sem er á
möguleikum fólks til heilbrigðisþjónustu eftir
búsetu.
Markmið 19
Stefnt verði að því að gera heilbrigðisþjónustuna
persónulegri og þjálli en hún er nú og reyna að
hafa meðferð samfellda þannig að sjúklingar geti
ávallt leitað sama læknis þegar um langvarandi
meðferð er að ræða.
Meðferðaráætlanir, sem staðfestar eru af
heilbrigðisstjórn, eiga að auka möguleika
sjúklinga á að taka virkari þátt í og fylgjast betur
með meðferð sinni.
Hér er gert ráð fyrir meðferðaráætlunum sem
gerðar verða fyrir ákveðna sjúkdóma og kynntar
sem slíkar.
6.1. Heilsugæslan
Áður hefur verið minnst á þær breytingar sem