Læknablaðið - 15.09.1989, Side 12
234
LÆKNABLAÐIÐ
Mynd 3.
andlegu álagi að það verður að leita allra ráða
til að styrkja andlegt þrek nemendanna.
Út af þessu gefur háskólaspítalinn í Berkeley,
Kalifomíu, út rit með lista yfir þær helstu
andlegu þarfir (t.d. það að vera einn, að
syngja með fólki, finna til samkenndar í
náttúrunni o.s.frv.) sem fólk ætti að reyna að
fá uppfylltar. (Má líkja við minnislista yfir
fæðutegundir og þau vítamín sem manninum
er nauðsynlegt að neyta).
Bæklingurinn útskýrir á eftirfarandi hátt hvers
vegna þetta mat á andlegu lífi þurfi að fara
fram(ll):
»Við erum að biðja þig að gera úttekt á
þínu andlega lífi vegna þess að tilfinningar
þínar um andlega þætti, geta haft áhrif á
heilsu þína... Menning okkar leggur áherslu
á hið rökvísa (rationala). Háskólar okkar og
heilbrigðiskerfi styðjast við rök og vísindi...
Tap hins mannlega (dehumanization) sem oft
gerist á nútíma spítölum minir okkur á, að
rofin við andlegan þátt lífs okkar getur haft
alvarlegar neikvæðar afleiðingar.« (Bls. 99).
Þetta rit bendir með fordæmi sínu á, að
hliðstæðar úttektir mætti gera yfir það hvaða
staðir í borg séu andlega mikilvægastir
fyrir íbúana. Með þessu væri fengin rökvís
aðferð til að sýna fram á t.d. hvaða staði
ætti að verja öðrum fremur fyrir ágangi og
breytingum.
Það er mikið verk að gera svona könnun en til
þess að gefa tilfinningu fyrir því hvemig hún
gæti litið út í Reykjavík bað ég tíu kunningja
mína að raða nöfnum tíu staða í röð eftir
tilfinningalegu mikilvægi. Þetta er niðurstaðan:
Stig
alls Mikilvægisrööun tíu Reykvíkinga
1 Austurvöllur. . 91 1 1 1 2 3 3 1 1 4 2
2 Tjörnin 80 3 3 4 4 1 2 4 3 1 5
3 Arnarhóll .... 74 5 4 2 1 2 5 2 2 6 7
4 Austurstræti . 72 2 2 7 6 7 6 3 4 2 1
5 Skólavöröuhæö 61 6 6 5 3 6 1 5 5 8 4
6 Landakotshæö 46 7 10 3 8 8 4 8 7 3 6
7 Grjótaþorp . . . 42 9 5 10 5 4 8 9 8 7 3
8 Bernhöftstorfa 41 4 7 8 7 9 9 6 6 5 8
9 Laugarnes. . . 34 8 9 4 9 5 7 7 9 9 9
10 Háaleitishverfi 13 10 8 9 10 10 10 10 10 10 10
KAFLI III: ÝMSIR FRUMÞÆTTIR
NÝRRAR SKIPULAGSSTEFNU OG
HÖNNUNARDÆMI ER ÚTSKÝRA
ÚTFÆRSLU ÞEIRRA
Um efnistök þessa kafla
Við höfum nú, á fræðilegan hátt, glöggvað
okkur á helstu göllum í núverandi fræðigrunni
skipulagsfræðinnar. Bent hefur t.d. verið á
það, að núna þurfi hönnun og skipulag að
fara að snúa sér af meira afli að uppfylla
mannlegar og andlegar þarfir mannvistar í
borgum.
Fræðilega vinnan og sú leiðrétting á
skipulagslögunum, sem í kjölfar hennar
þarf að fylgja, er mikilvægasti þáttur þessa
starfs. Hér á eftir verður fmmþáttum nýrrar
mannlegrar og lífrænnar skipulagsstefnu
skipað niður í þætti og bent á hverjar
breytingar þurfa að verða á skipulagslögunum
í hveiju tilfelli.