Læknablaðið - 15.03.1991, Qupperneq 15

LÆKNABLAÐIÐ 1991: 77: 99.
99

NABLAÐIÐ
THE ICELANDIC MEDICAL jOURNAL
■ 3> I Læknafélag íslands og
■■■ Læknafélag Rcykjavikur
77. ÁRG. - MARS 1991
Ritstjórnargrein
Ég vil þakka þann heiður, sem mér er
sýndur með því að vera orðinn meðritstjóri
Læknablaðsins. Mig grunar þó að þessi bikar
geti orðið nokkuð beiskur ef ekki er gætt
hófs í gagnrýni. Skurðlæknar áttu síðast
fulltrúa í ritstjóm blaðsins 1965-66 (Árna
Björnsson). Það er ljóst að skurðlækningar
hafa verið í nokkrum öldudal »akademískt«
þótt faglega hliðin hafi kannski verið í
nokkurri sókn uppá síðkastið (til dæmis
hjartaskurðlækningar). Framlag skurðlækna til
Læknablaðsins hefur verið fremur fátæklegt að
undanfömu. Ég gerði mér það til dundurs að
fara yfir árganga 1985-89 og kanna framlag
skurðlækna. Einungis er tekið með efni
þar sem skurðlæknir er fyrsti höfundur eða
greinin unnin af skjólstæðingi (súperkandídat/
aðstoðarlækni) skurðlæknis. Ekki er talið
efni frá öðrum deildum þó svo að einhver
skurðlæknir eigi nafn á greininni í krafti
embættis síns. í ljós kemur að framleiðslan er
næsta lítil. (Augndeild Landakots er ekki talin
með hér en þaðan hafa komið fimm greinar á
þessu tímabili.)
Því er haldið fram að skurðlæknar eigi
eingöngu að skera, pappírsvinna sé ekki
þeirra mál. Þetta sjónarmið er löngu úrelt.
Skurðlæknum, eins og öðrum læknum, ber
skylda til þess að gera grein fyrir árangri
læknisaðgerða sinna til þess að réttlæta
áframhaldandi starfsemi eða til þess að
fá ábendingar / hugmyndir um að ef til
vill sé einhverra breytinga þörf. Einnig er
bráðnauðsynlegt að upplýsa aðra lækna
Greinaskríf eftir spítölum og deildum
Borgarspítali:
HNE 2
Heila- og taugaskurðdeild 3
Skurðlækningadeild 4
Slysa- og bæklunarlækningadeild 3
Fjóröungssjúkrahúsið á Akureyri: 2
Landakotsspítali: 3
Landspítali:
Bæklunarlækningadeild 1
Kvennadeild 10
Lýtalækningadeild 2
Skurölækningadeild 1
Þvagfæraskurðdeild 1
Ýmsar deidir: 6
Samtals 38
Skrif eftir efni:
Bréf 1
Feröasaga 1
Hestaval 1
Minning 1
Ritstjórnargrein 3
Sjúkratilfelli (<5 sjúklingar) 5
Sögulegt yfirlit 3
Uppgjör 21
Yfirlit 2
Samtals 38
um árangur og á hvaða deildum honuin sé
náð. Heilbrigð og fagleg samkeppni kemur
sjúklingum örugglega til góða. Sá tími er
löngu liðinn að hægt sé að segja á fundum
»árangur er mjög góður hjá okkur«, menn
verða að staðfesta niðurstöður sínar vilji þeir
verða marktækir.
Eftir þessa léttu brýningu vona ég, að sem
flestir íslenskir skurðlæknar hafi skrifkrampa
næsta hálfa árið að minnsta kosti. Eldri félagar
gætu til dæmis skrifað um horfna tíma og
meðferð, einnig væru yfirlit hvers konar vel
þegin. Ætli íslenskir skurðlæknar að láta taka
mark á sér, verða þeir að byrja að huga að
rannsóknum. Slíkt leiðir til meiri áhuga á
kennslu, meiri þekkingar á árangri meðferðar
og skapar á allan hátt betra andrúmsloft fyrir
stúdenta. Þar með erum við samkeppnisfærari
um besta efniviðinn til að tryggja framgang
fagsins.
Jónas Magnússon