Læknablaðið - 15.06.1996, Page 52

474
LÆKNABLAÐIÐ 1996; 82
Umræða og fréttir
Ólafur Sigurðsson kjörinn heiðursfélagi
Læknafélags íslands
Ávarp Sverris Bergmann
formanns LÍ, er Ólafl var
afhent heiðursskjaliö á
formannaráðstefnu fé-
lagsins 11. maí síðastlið-
inn.
Á aðalfundi Læknafélags Is-
lands 29.-30. september árið
1995 lagði stjórn Læknafélags
íslands fram tillögu þess efnis
að Ólafur Sigurðsson fyrrver-
andi yfirlæknir á Akureyri yrði
kjörinn heiðursfélagi Læknafé-
lags íslands. Þessa tillögu
stjórnar Læknafélags Islands
samþykkti aðalfundurinn ein-
róma með lófataki. Ólafur Sig-
urðsson er kjörinn heiðursfélagi
Læknafélags íslands fyrir starf
brautryðjanda á sviði lyflækn-
inga í héraði og fyrir mikilsvert
framlag hans til menntunar og
þjálfunar læknisefna. Fyrir
hönd allra lækna afhendi ég
Ólafi Sigurðssyni skjal til stað-
festingar þessu kjöri.
Ólafur Sigurðsson er fæddur í
Reykjavík árið 1915. Hann lauk
læknisprófi árið 1941 og varð
sérfræðingur í lyflækningum ár-
ið 1951 eftir framhaldsnám í
Bandaríkjunum og þó einkum í
Bretlandi við virtustu lækna-
stofnanir þar. Hann gegndi
læknisstörfum víða á íslandi en
yfirlæknir lyflækningadeildar
Fjórðungssjúkrahúss Akureyr-
ar var hann frá árinu 1954 til
starfsloka. Hann var formaður
læknaráðs Fjórðungssjúkrahúss
Akureyrar frá stofnun 1976 og
einnig formaður hjarta- og æða-
verndarfélags Akureyrar frá
stofnun þess árið 1964. Eftir
hann liggur mikið starf og
grundvölluð uppbygging sér-
fræðistarfs í héraði sem og rík
hlutdeild í mótun íslenskra
lækna með umfram allt leið-
beiningum og þjálfun í þeirri
kunnáttu sem nauðsynleg er til
að beita rétt þekkingu sinni.
Fyrirþetta allt taldi aðalfund-
ur Læknafélags íslands Ólaf
Sigurðsson meira en verðugan
heiðursfélaga Læknafélags ís-
lands og mér er það í senn mikill
heiður og ánægja að afhenda
Ólafi Sigurðssyni skjal þetta til
staðfestingar kjöri hans sem
heiðursfélaga heildarsamtaka
íslenskra lækna.